(Video) ମୁଖ୍ୟମନ୍ତ୍ରୀଙ୍କୁ ବୁଝାଇବାରେ ବିଫଳ ହେବାରୁ ଛାତରୁ ଡେଇଁଲେ ଦୁଇ ବିଧାୟକ
ପୁନେ: ମହାରାଷ୍ଟ୍ରର ଉପବାଚସ୍ପତି ଡେଇଁପଡିଲେ ବିଧାନସଭାର ତୃତୀୟ ମହଲାରୁା ଶୁକ୍ରବାର ମନ୍ତ୍ରଣାଳୟର ତୃତୀୟ ମହଲାରୁ ତଳକୁ କୁଦିଗଲେ ଉପ ବାଚସ୍ପତି ନରହରି ଝିରୱଲ । ତାଙ୍କ ପଛେ ପଛେ ଡେଇଁଲେ ବିଧାୟକ ହିରାମନ ଖୋସକର । ଦୁଇ ଆଦିବାସୀ ବିଧାୟକ ରାଜ୍ୟରେ ଆରକ୍ଷଣକୁ ନେଇ ଚାଲିଥିବା ବିବାଦ ଭିତରେ ଆଜି ବିଧାନସଭାରୁ ଡେଇଁ ପଡିଛନ୍ତି ।
ନରହରି ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ଗୋଷ୍ଠୀର । ହେଲେ ସରକାର ଧନଗର ସମାଜକୁ ଏସଟିର ମାନ୍ୟତା ଦେବାକୁ ଯାଉଥିବାରୁ ନରହରି ଏହାକୁ ବିରୋଧ କରୁଛନ୍ତି । ତେଣୁ ନିଜ ସରକାର ବିରୋଧରେ ଠିଆହୋଇଛନ୍ତି । ଏହି ପ୍ରସଙ୍ଗରେ ଆଦିବାସୀ ବିଧାୟକମାନେ ମୁଖ୍ୟମନ୍ତ୍ରୀ ଏକନାଥ ସିନେ୍ଧଙ୍କୁ ଭେଟିଥିଲେ । କିନ୍ତୁ ଆଲୋଚନାରୁ କୌଣସି ନିର୍ଯ୍ୟାସ ନ ବାହାରିବାରୁ ଉପ ବାଚସ୍ପତି ମନ୍ତ୍ରଣାଳୟର ତୃତୀୟ ମହଲାରୁ ତଳକୁ ଡେଇଁପଡିଲେ । ତାଙ୍କ ପଛେ ପଛେ ଖୋସକର ବି ଡେଇଁ ପଡିଥିଲେ ।
ତେବେ ଉଭୟ ନେତାଙ୍କ ଜୀବନ ବଞ୍ଚି ଯାଇଛି । କାରଣ ତଳେ ଜାଲି ବନ୍ଧା ଯାଇଥିଲା । ତେଣୁ ଉଭୟ ଜାଲରେ ଅଟକି ଯାଇଛନ୍ତି । ପୋଲିସ ଉଭୟଙ୍କୁ ସୁରକ୍ଷିତ ଜାଲରୁ ବାହାର କରିବାରେ ସକ୍ଷମ ହୋଇଛନ୍ତି । ତେବେ ଉଚ୍ଚତାରୁ ପଡିବା ପରେ ନରହରିଙ୍କ ବେକରେ ଆଘାତ ଲାଗିଛି । ତାଙ୍କ ରକ୍ତଚାପ ବୃଦ୍ଧିପାଇଛି । ତାଙ୍କ ସ୍ୱାସ୍ଥ୍ୟ ପରୀକ୍ଷା ପାଇଁ ଡାକ୍ତରୀ ଟିମ ମନ୍ତ୍ରଣାଳୟରେ ପହଞ୍ଚିଛନ୍ତି । ଏହା ପରେ ଉଭୟ ନେତାଙ୍କ ନାଁ ନେଇ ନାରାବାଜି ଆରମ୍ଭ ହୋଇଯାଇଥିଲା ।
महाराष्ट्र विधानसभा के डिप्टी स्पीकर नरहरि झिरवाल जनजातीय आरक्षण को कमजोर करने का विरोध करते हुए मंत्रालय में लगे सुरक्षा जाल में कूदे गए. मौके पर मौजूद पुलिस ने उन्हें सुरक्षित जाल से बाहर निकाला.#maharashtra । #mumbainews pic.twitter.com/sdRGpDLzoY
— NDTV India (@ndtvindia) October 4, 2024
