(Video) ଦାୟିତ୍ୱହୀନତାର ନଗ୍ନ ନମୂନା! ମେସ୍ ଖାଦ୍ୟରୁ ବାହାରିଲା ମୂଷା, ଉପାସରେ ରହିଲେ ୪୦୦ ଛାତ୍ରଛାତ୍ରୀ
ନୂଆଦିଲ୍ଲୀ: ଆମକୁ ପ୍ରତ୍ୟେକ କ୍ଷେତ୍ରରେ ନିଜର ଦାୟିତ୍ୱ ସୁଚାରୁରୂପେ ପ୍ରତିପାଦନ କରିବା ନିହାତି ଆବଶ୍ୟକ । ଅନେକ ସମୟରେ ଜଣଙ୍କର ସାମାନ୍ୟ ଭୁଲ୍ ପାଇଁ ଅନ୍ୟମାନେ ବିଶେଷ ଭାବେ ପ୍ରଭାବିତ ହୋଇଥାନ୍ତି । ବିଶେଷ କରି ଖାଦ୍ୟ ପ୍ରସ୍ତୁତ କରିବା ସମୟରେ ସମସ୍ତେ ଦାୟିତ୍ୱବାନ୍ ହେବା ଆବଶ୍ୟକ । ଅନେକ ସମୟରେ କିଛି ରନ୍ଧା ଓ ଅର୍ଡର ଖାଦ୍ୟରୁ କିଛି ମଲା ଜୀବଜନ୍ତୁ ବାହାରିଥିବାର ଦେଖାଯାଇଥାଏ । ଏପରିକି ଅନେକ ସମୟରେ ଖାଦ୍ୟ ସେବନ କରି କିଛି ସ୍କୁଲ ପିଲା ମଧ୍ୟ ଅସୁସ୍ଥ ହୋଇପଡ଼ିଥାନ୍ତି।
ତେବେ ଏହା ମଧ୍ୟରେ ଦାୟିତ୍ୱହୀନତାର ଏକ ନଗ୍ନ ନମୂନା ସାମ୍ନାକୁ ଆସିଛି । ଆଇଆଇଟି ରୁରକୀର ଛାତ୍ରଛାତ୍ରୀଙ୍କ ପାଇଁ ରନ୍ଧା ଯାଇଥିବା ଖାଦ୍ୟରୁ ମୂଷା ବାହାରିବାରୁ ଜଣେ କି ଦୁଇ ଜଣ ନୁହେଁ, ୪୦୦ ଜଣ ଛାତ୍ରଛାତ୍ରୀ ଖାଦ୍ୟ ନ ଖାଇ ଉପାସ ରହିଥିଲେ । ଏହାଠାରୁ ଲଜ୍ଜାଜନକ କଥା ଆଉ କ’ଣ ହୋଇପାରେ? ଦେଶଣ ପ୍ରତିଷ୍ଠିତ ଶିକ୍ଷାନୁଷ୍ଠାନ ଇଣ୍ଡିଆନ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଆଇଆଇଟି) ରୁରକୀର ରାଧା-କୃଷ୍ଣ ଭବନ ମେସରୁ ଆସିଛି ଏହି ଖବର । ଖାଦ୍ୟ ସାମଗ୍ରୀ ଓ ବାସନରୁ ମୂଷା ମିଳିଛି । କଡ଼େଇ, ଚାଉଳ, ରାଶସନରୁ ଆଦରେ ମୂଷା ରହିଥିବା ନେଇ ଭିଡିଓରୁ ଜଣାପଡ଼ିଛି । ଏହି ସବୁ ଦେଖିବା ପରେ ଛାତ୍ରଛାତ୍ରୀମାନେ ହଙ୍ଗାମା କରିଥିଲେ । ଏହି ଘଟଣା ପାଇଁ ୪୦୦ ଛାତ୍ରଛାତ୍ରୀଙ୍କୁ ଭୋକ ଉପାସରେ ରହିବାକୁ ପଡ଼ିଥିଲା ।
ତେବେ ଖାଦ୍ୟରେ ମୂଷା ରହିଥିବାର ଫଟୋ ଓ ଭିଡିଓ ସବୁ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଛାତ୍ରଛାତ୍ରୀମାନେ ଏହାକୁ ତୀବ୍ର ବିରୋଧ କରିଥିଲେ । ଅନ୍ୟପକ୍ଷରେ ଶିକ୍ଷାନୁଷ୍ଠାନରେ ଛାତ୍ରଛାତ୍ରୀଙ୍କୁ ଦିଆଯାଉଥିବା ଭୋଜନ ସମସ୍ୟାକୁ ନେଇ ସଂସ୍ଥା ପକ୍ଷରୁ ଖଣ୍ଡନ କରାଯାଇଛି । ଏହି ଘଟଣାର ସମୀକ୍ଷା କରାଯିବ ବୋଲି ସଂସ୍ଥାର ମିଡ଼ିଆ ସେଲ ପ୍ରଭାରୀ କହିଛନ୍ତି । ଏଥିସହିତ ଶିକ୍ଷାନୁଷ୍ଠାନର ସମସ୍ତ ଛାତ୍ରଛାତ୍ରୀଙ୍କୁ ସୁରକ୍ଷିତ ଓ ସ୍ୱଚ୍ଛ ପରିବେଶରେ ରଖିବା ପାଇଁ ସେମାନେ ପ୍ରତିଶ୍ରୁତିବଦ୍ଧ ବୋଲି ସେ କହିଛନ୍ତି ।
IIT रुड़की के राधा-कृष्ण भवन की कैंटीन से ये वीडियो सामने आया है. जहां कढ़ाई, चावल और बाकी राशन में चूहे घूमते दिखाई दिए. यह सब देखने के बाद छात्रों ने हंगामा किया. 400 से अधिक छात्रों को भूखा भी रहना पड़ा. सोशल मीडिया पर वायरल हो रहा वीडियो….#IITRoorkee #Uttarakhand #Mouse… pic.twitter.com/Yaf7JfJXZQ
— ABP News (@ABPNews) October 18, 2024
