ମେଟା ପରେ ଏବେ ଛଟେଇ କଲା ନୋକିଆ : ୨୦୦୦ କର୍ମଚାରୀଙ୍କୁ ଚାକିରିରୁ କଲା ବାହାର
ନୂଆଦିଲ୍ଲୀ: ଟେକ୍ କମ୍ପାନୀଗୁଡିକରେ ଛଟେଇ ପ୍ରକ୍ରିୟା ଜାରି ରହିଛି । ମେଟା ପରେ ବର୍ତ୍ତମାନ ନୋକିଆ ମଧ୍ୟ ଛଟେଇର ପଦକ୍ଷେପ ନେଇଛି, ଯେଉଁ କାରଣରୁ ଗ୍ରେଟର ଚାଇନା ଅଞ୍ଚଳର ପ୍ରାୟ ୨୦୦୦ କର୍ମଚାରୀ ଚାକିରି ହରାଇଛନ୍ତି ।
ଏହି ସଂଖ୍ୟା କମ୍ପାନୀର ମୋଟ କର୍ମଶାଳାର ପ୍ରାୟ ଏକ ପଞ୍ଚମାଂଶ ଏବଂ ଏହାର ଲକ୍ଷ୍ୟ ଖର୍ଚ୍ଚ ହ୍ରାସ କରିବା । ଏକ ରିପୋର୍ଟ ଅନୁଯାୟୀ, ନୋକିଆ ମଧ୍ୟ ୟୁରୋପରେ ୩୫୦ କର୍ମଚାରୀଙ୍କୁ ଛଟେଇ କରିବାକୁ ଯୋଜନା କରୁଛି । ବେଜିଂ ଏବଂ ସାଂଘାଇ ସହିତ ହଂକଂ ଏବଂ ତାଇୱାନରେ ନୋକିଆର କାର୍ଯ୍ୟାଳୟ ଅଛି, ଯାହା କମ୍ପାନୀର ଗ୍ରେଟର ଚାଇନା ଅଞ୍ଚଳର ଅଂଶ ଓ ଏହା ଚାଇନା ମୋବାଇଲ୍ ଭଳି ଗ୍ରାହକଙ୍କୁ ସେବା କରେ ।
୨୦୨୬ ସୁଦ୍ଧା ୮୦୦ ନିୟୁତ ୟୁରୋରୁ ୧.୨ ବିଲିୟନ ୟୁରୋ ସଞ୍ଚୟ କରିବା ଉଦ୍ଦେଶ୍ୟରେ ନୋକିଆ ୧୪,୦୦୦ ଚାକିରି ହ୍ରାସ କରିବ ବୋଲି ଘୋଷଣା କରିିଛି । ଏହି ଛଟେଇ ସେହି ଯୋଜନାର ଏକ ଅଂଶ । ନୋକିଆର ଜଣେ ମୁଖପାତ୍ର ନିଶ୍ଚିତ କରିଛନ୍ତି ଯେ, ୟୁରୋପରେ ୩୫୦ କର୍ମଚାରୀଙ୍କୁ ଛଟେଇ କରିବା ନେଇ ପରାମର୍ଶ ଆରମ୍ଭ ହୋଇଛି କିନ୍ତୁ ଗ୍ରେଟର ଚାଇନାରେ ଛଟେଇ ସମ୍ପର୍କରେ କୌଣସି ମନ୍ତବ୍ୟ ଦେଇନାହାଁନ୍ତି ।
