କୋଟି କୋଟି ଗ୍ରାହକଙ୍କୁ SBIର ଉପହାର! ମାତ୍ର ୪୪୪ ଦିନରେ ଧନୀ କରିଦେବ ଏହି ଯୋଜନା
ନୂଆଦିଲ୍ଲୀ: ଦେଶର ସର୍ବବୃହତ ସାର୍ବଜନୀନ ବ୍ୟାଙ୍କ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ଏକ ନୂତନ ଟର୍ମ ଜମା ଯୋଜନା ‘ଅମୃତ ବୃଷ୍ଟି’ ଆରମ୍ଭ କରିଛି । ଏହା ନିବେଶକମାନଙ୍କୁ ଆକର୍ଷଣୀୟ ସୁଧ ହାରର ଲାଭ ଦେଇଥାଏ । ଏହି ଯୋଜନା ୧୫ ଜୁଲାଇ ୨୦୨୪ ରୁ ଆରମ୍ଭ ହୋଇଛି ଏବଂ ୩୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ଉପଲବ୍ଧ ହେବ ।
ଏଥିରେ ନିବେଶକମାନେ ୪୪୪ ଦିନ ପାଇଁ ସେମାନଙ୍କର ଟଙ୍କା ଜମା କରିବେ । ଏହି ଯୋଜନା ୪୪୪ ଦିନରେ ସାଧାରଣ ଲୋକ ଏବଂ ବରିଷ୍ଠ ନାଗରିକଙ୍କୁ ଧନୀ କରିପାରେ ।
ଅମୃତ ବିଶ୍ୱୀ ଯୋଜନାର ଫାଇଦା :-
ସୁଧ ହାର
ଏହି ଯୋଜନାରେ ସାଧାରଣ ଗ୍ରାହକମାନେ ବାର୍ଷିକ ୭.୨୫% ହାରରେ ସୁଧ ପାଇବେ ।
ବରିଷ୍ଠ ନାଗରିକଙ୍କୁ ଅଧିକ ସୁବିଧା ପ୍ରଦାନ କଲେ ସେମାନେ ବାର୍ଷିକ ୭.୭୫% ହାରରେ ସୁଧ ପାଇବେ ।
ସର୍ବନିମ୍ନ ଏବଂ ସର୍ବାଧିକ ନିବେଶ :-
ଏହି ଯୋଜନାରେ ସର୍ବନିମ୍ନ ନିବେଶର ପରିମାଣ ହେଉଛି ₹ ୧,୦୦୦ । ସର୍ବାଧିକ ବିନିଯୋଗ ଉପରେ କୌଣସି ସୀମା ନାହିଁ ।
ଏହି ଯୋଜନା ଉଭୟ ଘରୋଇ ଏବଂ ଅଣ-ବାସିନ୍ଦା ଭାରତୀୟ (ଏନଆରଆଇ) ପାଇଁ ରହିଛି ।
ସମୟ ପୂର୍ବରୁ ପ୍ରତ୍ୟାହାର :-
ଯଦି ଗ୍ରାହକମାନେ ₹ ୫ ଲକ୍ଷ ପର୍ଯ୍ୟନ୍ତ ରାଶି ସମୟ ପୂର୍ବରୁ ପ୍ରତ୍ୟାହାର କରନ୍ତି, ତେବେ ୦.୫୦% ଜୋରିମାନା ଆଦାୟ କରାଯିବ ।
୫ ଲକ୍ଷରୁ ₹ ୩ କୋଟି ମଧ୍ୟରେ ପ୍ରତ୍ୟାହାର ପାଇଁ ପେନାଲ୍ଟି ହାର ୧% ହେବ ।
ବ୍ୟାଙ୍କ କର୍ମଚାରୀ ଏବଂ ଏସବିଆଇ ପେନସନଭୋଗୀଙ୍କ ପାଇଁ ସମୟ ପୂର୍ବରୁ ପ୍ରତ୍ୟାହାର ଉପରେ କୌଣସି ପେନାଲ୍ଟି ନାହିଁ ।
ଲୋନ୍ ସୁବିଧା :-
ଏହି ଯୋଜନା ଅଧୀନରେ ଗ୍ରାହକମାନେ ସେମାନଙ୍କ ଜମା ରାଶି ଉପରେ ଲୋନ୍ ମଧ୍ୟ ନେଇପାରିବେ, ଜରୁରୀକାଳୀନ ପରିସ୍ଥିତିରେ ଏହା ଉପଯୋଗୀ ହେବ ।
କିପରି ନିବେଶ କରିବେ :-
ଗ୍ରାହକମାନେ ଏହି ଯୋଜନାରେ ଏସବିଆଇ ଶାଖା, ୟୋନୋ ଏବଂ ୟୋନୋ ଲାଇଟ୍ ମୋବାଇଲ୍ ଆପ୍ କିମ୍ବା ଏସବିଆଇର ଇଣ୍ଟରନେଟ୍ ବ୍ୟାଙ୍କିଙ୍ଗ୍ ବ୍ୟବହାର କରି ନିବେଶ କରିପାରିବେ ।
ଏହି ଯୋଜନା ପାଇଁ କୌଣସି ଅଲଗା ପ୍ରଡକ୍ଟ କୋଡ୍ ଆବଶ୍ୟକ ନାହିଁ । ୪୪୪ ଦିନର ଅବଧି ବାଛିବା ପରେ ଏହି ସ୍କିମ୍ ସ୍ୱୟଂଚାଳିତ ଭାବରେ ଆରମ୍ଭ ହେବ ।
ସ୍କିମ୍ ଉଦ୍ଦେଶ୍ୟ ଏବଂ ଇନଭେଷ୍ଟମେଣ୍ଟ ଲାଭ: ଅଳ୍ପ ସମୟ ମଧ୍ୟରେ ଏକ ନିରାପଦ ନିବେଶ ଚାହୁଁଥିବା ନିବେଶକମାନଙ୍କ ପାଇଁ ଅମୃତ ବୃଷ୍ଟି ଉପଯୁକ୍ତ । ଏହି ଯୋଜନାର ଉଦ୍ଦେଶ୍ୟ ହେଉଛି କ୍ଷୁଦ୍ର ଏବଂ ମଧ୍ୟମ ନିବେଶକମାନଙ୍କୁ ଏକ ନିରାପଦ ଏବଂ ନିଶ୍ଚିତ ରିଟର୍ଣ୍ଣ ପ୍ରଦାନ କରିବା । ନିବେଶକମାନଙ୍କୁ ନିବେଶ କରିବା ପୂର୍ବରୁ ସେମାନଙ୍କର ଆର୍ôଥକ ପରାମର୍ଶଦାତାଙ୍କ ସହିତ ପରାମର୍ଶ କରିବାକୁ ପରାମର୍ଶ ଦିଆଯାଇଛି ।
