ଭୁବନେଶ୍ୱରରେ ପହଞ୍ଚିଲେ ଲୋକସଭା ବାଚସ୍ପତି ଓମ୍ ବିର୍ଲା, ଦିନିକିଆ ଗସ୍ତରେ ଆସିଛନ୍ତି ଓଡ଼ିଶା

ଭୁବନେଶ୍ୱର: ଭୁବନେଶ୍ୱରରେ ପହଞ୍ଚିଲେ ଲୋକସଭା ବାଚସ୍ପତି ଓମ୍ ବିର୍ଲା। ସେ ଦିନିକିଆ ଗସ୍ତରେ ଓଡ଼ିଶା ଆସିଛନ୍ତି। ଏକ ବିଶ୍ୱବିଦ୍ୟାଳୟ କାର୍ଯ୍ୟକ୍ରମରେ ସେ ସାମିଲ ହେବେ। ତେବେ ବିମାନବନ୍ଦରରେ ପହଞ୍ଚିବା ପରେ ବାଚସ୍ପତି ଓମ୍ ବିର୍ଲାଙ୍କ ପ୍ରତିକ୍ରିୟା ସାମ୍ନାକୁ ଆସିଛି।

ଲୋକସଭା ବାଚସ୍ପତି କହିଛନ୍ତି ଯେ, ଓଡ଼ିଶାର ମାଟି, ଜଗନ୍ନାଥଙ୍କ ମାଟିକୁ ଆସି ମୋତେ ବହୁତ ଖୁସି ଲାଗୁଛି। ଭାରତକୁ ବିକଶିତ ରାଷ୍ଟ୍ର କରିବାକୁ ସମସ୍ତଙ୍କ ସହଯୋଗ ଆବଶ୍ୟକ। ଜୁନ ୨୬ ତାରିଖରେ ବାଚସ୍ପତି ନିର୍ବାଚନ ଲୋକସଭାରେ ହୋଇଥିଲା। ଏଥିରେ ଓମ୍ ବିର୍ଲା କଂଗ୍ରେସର କେ. ସୁରେଶଙ୍କୁ ପଛରେ ପକାଇ ଲୋକସଭାର ବାଚସ୍ପତି ହୋଇଥିଲେ। ଏହାପରେ ସେ ବାଚସ୍ପତିର ଦାୟିତ୍ୱ ବହନ କରିଛନ୍ତି। ସେ ୧୮ ତମ ଲୋକସଭା ବାଚସ୍ପତି ଭାବେ ଦ୍ୱିତୀୟ ଥର ପାଇଁ ବାଚସ୍ପତି ହୋଇ ରେକର୍ଡ ସୃଷ୍ଟି କରିଛନ୍ତି।