ଚାଲାଣ ବେଳେ ଉଦ୍ଧାର ହେଲେ ୧୪୦ରୁ ଉର୍ଦ୍ଧ୍ୱ ଗୋରୁ, ୪ ଅଟକ

ଆନନ୍ଦପୁର: ହିନ୍ଦୁ ଧର୍ମରେ ଗୋ ମାତାଙ୍କୁ ପୂଜାର୍ଚ୍ଚନା କରାଯାଏ । ଗୋ ମାତାରେ ୩୩ କୋଟି ଦେବୀ ଦେବତା ବାସ କରିଥାନ୍ତି ବୋଲି ବିଶ୍ୱାସ ରହିଛି । କିନ୍ତୁ ଦିନକୁ ଦିନ ଗୋ ଚାଲାଣକାରୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ନିକଟରେ କରଞ୍ଜିଆ ରାସ୍ତାରେ ଗୋ ଚାଲାଣର ପର୍ଦ୍ଦାଫାସ କରିବାରେ ସଫଳ ହୋଇଛି ପୋଲିସ । କୌଣସି ସୂତ୍ରରୁ ଖବର ପାଇ କରଞ୍ଜିଆ ରାସ୍ତାରେ ପୋଲିସ ଚଢ଼ାଉ କରିଥିଲା । ପ୍ରାୟ ୧୪୦ରୁ ଉର୍ଦ୍ଧ୍ୱ ଗୋରୁ ଉଦ୍ଧାର କରାଯିବା ସହ ଗୋ ଚାଲାଣରେ ସମ୍ପୃକ୍ତ ଥିବା ୪ ଜଣଙ୍କୁ ପୋଲିସ ଅଟକ ରଖିଥିବା ଜଣାପଡ଼ିଛି । ଏହା ବ୍ୟତୀତ ଗୋରୁ ଚାଲାଣ ପାଇଁ ବ୍ୟବହୃତ ହୋଇଥିବା ଦୁଇଟି ଟ୍ରକ୍ ଓ ଦୁଇଟି ପିକଅପ୍ ଜବତ କରିଛି ପୋଲିସ ।