‘କ୍ରାଇମ ପେଟ୍ରୋଲ’ର ଜଣାଶୁଣା ଟିଭି ଅଭିନେତା ନୀତିନ ଚୌହାନ କଲେ ଆତ୍ମହତ୍ୟା! ୩୫ ବର୍ଷ ବୟସରେ ଦେହାନ୍ତ

ନୂଆଦିଲ୍ଲୀ: ପ୍ରସିଦ୍ଧ ଟିଭି ଅଭିନେତା ନୀତିନ ଚୌହାନ ଆଜି ଆମ ସହିତ ନାହାଁନ୍ତି । ସେ କୌଣସି କାରଣରୁ ଆତ୍ମହତ୍ୟା କରିଛନ୍ତି । ଏହି ସୂଚନା ନୀତିନଙ୍କ ପୂର୍ବତନ ସହ-କଳାକାର ଏକ ପୋଷ୍ଟ ମାଧ୍ୟମରେ ପ୍ରଦାନ କରିଛନ୍ତି । ରିୟଲିଟି ସୋ ଦାଦାଗିରି ୨ ର ବିଜେତା ପ୍ରସିଦ୍ଧ ଟିଭି ଅଭିନେତା ନୀତିନ ଚୌହାନଙ୍କର ଗୁରୁବାର ମୁମ୍ବାଇରେ ଦେହାନ୍ତ ହୋଇଛି । ତାଙ୍କୁ ମାତ୍ର ୩୫ ବର୍ଷ ହୋଇଥିଲା । ନିତିନ ୟୁପିର ଆଲିଗଡ ଜିଲ୍ଲାର ବାସିନ୍ଦା ଥିଲେ । ସୋ ଦାଦାଗିରି ୨ ବ୍ୟତୀତ ନୀତିନ ମଧ୍ୟ ସ୍ପିଜଭଲା ସିଜନ ୫ ଜିତିଥିଲେ ।

ଏହି ଟିଭି ସିରିଏଲରେ ଅଭିନୟ କରିଥିଲେ :-
ଅଭିନେତା ନୀତିନ ୟୁପିର ଆଲିଗଡର ବାସିନ୍ଦା ଥିଲେ ଏବଂ ରିଅଲିଟି ସୋ ‘ଦାଦାଗିରି ୨’ ଜିତି ବହୁ ମାନ୍ୟତା ଅର୍ଜନ କରିଥିଲେ । ଏହା ବ୍ୟତୀତ ସେ ତାଙ୍କ ଅଭିନୟ ମାଧ୍ୟମରେ ଦର୍ଶକଙ୍କ ମଧ୍ୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ । ନିତିନ ‘ଜିନ୍ଦାଗି ଡଟ୍ କମ୍’, ‘କ୍ରାଇମ ପେଟ୍ରୋଲ୍’ ଏବଂ ‘ଫ୍ରେଣ୍ଡସ୍’ ଭଳି ଟିଭି ଶୋ’ରେ ମଧ୍ୟ କାମ କରିଥିଲେ ଏବଂ ‘କ୍ରାଇମ ପେଟ୍ରୋଲ୍’ରୁ ବହୁ ଲୋକପ୍ରିୟତା ପାଇଥିଲେ ।

ନୀତିନଙ୍କ ମୃତ୍ୟୁ ବିଷୟରେ କିଏ ସୂଚନା ଦେଇଥିଲେ?
ନୀତିନଙ୍କୁ ଶେଷ ଥର ପାଇଁ ୨୦୨୨ ରେ ସବ ଟିଭିର ‘ତେରା ୟାର ହୁନ୍ ମେନ୍’ ସୋରେ ଦେଖିବାକୁ ମିଳିଥିଲା । ଏହି ଟିଭି ସିରିଏଲର ସହ-କଳାକାର ସୁଦୀପ ସାହିର ଏବଂ ସାୟନ୍ତାନି ଘୋଷ ତାଙ୍କ ଦେହାନ୍ତ ଖବର ନିଶ୍ଚିତ କରିଛନ୍ତି, କିନ୍ତୁ ସେମାନଙ୍କ ପାଖରେ ଆଉ କୌଣସି ସୂଚନା ନାହିଁ ବୋଲି କହିଛନ୍ତି । ତାଙ୍କର ଜଣେ ପୂର୍ବତନ ସହ-କଳାକାର ବିଭୁତି ଠାକୁରଙ୍କ ପୋଷ୍ଟ ଅନୁଯାୟୀ ନିତିନ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।

ଗଣମାଧ୍ୟମ ରିପୋର୍ଟ ଅନୁଯାୟୀ ତାଙ୍କ ମୃତ୍ୟୁ ଖବର ପାଇବା ପରେ ତାଙ୍କ ପିତା ମୁମ୍ବାଇରେ ପହଞ୍ଚି ପାର୍ଥିବ ଶରୀରକୁ ଆଲିଗଡକୁ ନେଇଯିବେ । ବର୍ତ୍ତମାନ ସୁଦ୍ଧା ପୋଲିସ ପକ୍ଷରୁ ଏ ସମ୍ପର୍କରେ କୌଣସି ବିବୃତ୍ତି ବାହାରି ନାହିଁ । ପୋଲିସ ଏହି ଘଟଣାର ତଦନ୍ତ କରୁଛି ।