ଶ୍ରୀକ୍ଷେତ୍ରରୁ ଫିଲ୍ମର ପ୍ରମୋଶନ ଆରମ୍ଭ କଲେ ‘ତାରା ସିଂ’ଙ୍କ ପୁଅ, ରିଲିଜ ଅପେକ୍ଷାରେ ଉତ୍କର୍ଷଙ୍କ ‘ବନବାସ’

ପୁରୀ: ସୁପର ହିଟ୍ ଫିଲ୍ମ ଗଦର ଅଭିନେତା ଉତ୍କର୍ଷ ଶର୍ମା ଆଗାମୀ ଫିଲ୍ମ ‘ବନବାସ’କୁ ନେଇ ବେଶ୍ ଉତ୍ସାହିତ ଅଛନ୍ତି । ଫିଲ୍ମର ପ୍ରମୋଶନ୍ ପ୍ରଭୁ ଜଗନ୍ନାଥଙ୍କ ଆର୍ଶୀବାଦରୁ ଆରମ୍ଭ କରିଛନ୍ତି । ବନବାସ ଫିଲ୍ମ ଟିମ୍ ସହ ଉତ୍କର୍ଷ ଏହାର ପ୍ରମୋଶନ ପୁରୀରୁ ଆରମ୍ଭ କରିଛନ୍ତି । ଶ୍ରୀ କ୍ଷେତ୍ରର କିଛି ଫେଟୋ ସେ ସୋସିଆଲ ମିଡିଆରେ ପୋଷ୍ଟ କରିଥିବା ଦେଖିବାକୁ ମିଳିଛି । ସିଂହ ଦ୍ୱାର ସାମ୍ନାରେ ହାତ ଯୋଡ଼ି ଛିଡ଼ା ହୋଇ ରହିଥିବାର ଏକ ଫଟୋ ସେ ଇନଷ୍ଟାରେ ପୋଷ୍ଟ କରିଛନ୍ତି । ସୂଚନା ଯୋଗ୍ୟ ଉତ୍କର୍ଷ ବନବାସର ପ୍ରମୋଶନ୍ ଭୁବନେଶ୍ୱର ସ୍ଥିତ କିଟ୍ ଏବଂ କିସରେ ମଧ୍ୟ କରିବାକୁ ଯାଉଛନ୍ତି । ଏ ନେଇ ଇଭେଣ୍ଟ ମଧ୍ୟ ପ୍ରସ୍ତୁତ କରାଯାଇଛି । ଷ୍ଟୁଡେଣ୍ଟମାନଙ୍କ ସହିତ ଫିଲ୍ମ ‘ବନବାସ’ ବିଷୟରେ ଆଲୋଚନା କରିବାର କାର୍ଯ୍ୟକ୍ରମ ରହିଛି ।

ଉତ୍କର୍ଷ ‘ଗଦର-ଏକ ପ୍ରେମ କଥା’ ଜରିଆରେ ବଲିଉଡରେ ଶିଶୁ କଳାକାର ଭାବେ ଅଭିନୟ କରିଥିଲେ । ଏହାପରେ ଗଦରର ଦ୍ୱିତୀୟ ସଂସ୍କରଣରେ ମଧ୍ୟ ଉତ୍କର୍ଷଙ୍କୁ ଦେଖିବାକୁ ମିଳିଥିଲା । ଫିଲ୍ମ ନିଦେ୍ର୍ଦଶକ ଅନୀଲ ଶର୍ମାଙ୍କ ପୁଅ ଉତ୍କର୍ଷ ଅଭିନୀତ ଆଉ ଏକ ଫିଲ୍ମ ହେଉଛି ‘ଜିନିୟସ୍’ ଫିଲ୍ମରେ ସେ ଲିଡ୍ ରୋଲରେ ଅଭିନୟ କରିଥିବାବେଳେ ଏହାର ନିଦେ୍ର୍ଦଶନା ଦେଇଥିଲେ ବାପା ଅନୀଲ । ବର୍ତ୍ତମାନ ଫିଲ୍ମ ‘ବନବାସ’କୁ ନେଇ ଉତ୍କର୍ଷ ଆଶାୟୀ ଥିବା ଜଣାପଡ଼ିଛି ।