(Video) ବାଃ ବାଃରେ ମାଙ୍କଡ, ଉପରୁ ପଡିଲା, କାର କାଚ ଭାଙ୍ଗି ଆରାମରେ ଚାଲିଲା

ଓଡିଶା ଭାସ୍କର– ସୋସିଆଲ ମିଡିଆରେ ଅନେକ ଭିଡିଓ ସେୟାର ହୁଏ । ସେଥିରୁ ଏମିତି କିଛି ଭିଡିଓ ରହିଛି, ଯାହାକୁ ଦେଖିବା ପରେ ଆପଣାଛାଏଁ ମୁହଁରେ ହସ ଫୁଟିଯାଏ । କେହି ନ ଥିଲେ ବି ଏକା ଏକା ଠୋ ଠୋ ହୋଇ ହସିହୁଏ । ସେମିତି ଏକ ମଜାକିଆ ଭିଡିଓ ଏବେ ଭାଇରାଲ ହେଉଛି । ଭିଡିଓ ଦେଖି ଲୋକ ଆଶ୍ଚର୍ଯ୍ୟ ଚକିତ ରହିଯାଉଛନ୍ତି । ଅନେକ ତ ହସ ରୋକିପାରୁ ନାହାନ୍ତି ।

ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ଦେଖିବାକୁ ମିଳୁଛି, ରାସ୍ତା ଉପରେ ଏକ କାର ଠିଆ ହୋଇଛି । ହଠାତ୍ ଉପରୁ ଏକ ମାଙ୍କଡ କାର ଉପରକୁ କୁଦା ମାରୁଛି । ହେଲେ ମାଙ୍କଡ କାର ଛାତରେ ବସିବ କଣ, ଛାତରେ ଥିବା ସନରୁଫ ଉପରେ ପଡୁଥି ଓ ତାର କାଚ ଭାଙ୍ଗିବାରୁ ମାଙ୍କଡ କାର ଭିତରେ ପଡୁଛିା ଆଉ ଆଖି ପିଛୁଳାକେ ପୁଣି କାର ଭିତରୁ ସେହି ସନରୁଫ ଦେଇ ବାହାରି ରାସ୍ତା ଉପରକୁ ଡିଆଁ ମାରୁଛି । ତା ପରେ କିଛି ନ ହେବା ପରି ଚାଲିଯାଉଛି ।

ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି । ତେବେ ଏହି ଭିଡିଓ କେଉଁ ସ୍ଥାନର ତାହା ଜଣାପଡି ନ ଥିବା ବେଳେ କୁହାଯାଉଛି ବନାରସର ଥିବା କୁହାଯାଉଛି । ବହୁ ସଂଖ୍ୟାରେ ଏହି ଭିଡିଓକୁ ଲୋକେ ସେୟାର କରୁଛନ୍ତି । ମାଙ୍କଡ ପଡିବାରୁ ଦାମୀ ଲକ୍ଗୁରୀ କାର କ୍ଷତିଗ୍ରସ୍ତ ହୋଇଛି । ହେଲେ ମାଙ୍କଡର କିଛି ହୋଇଥିବା ପରି ଜଣାପଡୁନି । ମାଙ୍କଡ ବେଶ ଆରାମରେ ରାସ୍ତା ପାର ହୋଇ ସହଜ ଭଙ୍ଗିରେ ଚାଲି ଯାଉଥିବା ଦେଖିବାକୁ ମିଳିଛି ।