ବା.. ବା..ରେ ଶିବ ଭକ୍ତି; ହାତରେ କଲେ ଶିବଲିଙ୍ଗର ଟାଟୁ, ୟୁଜର କହିଲେ…
ଓଡ଼ିଶା ଭାସ୍କର: ଦେଶରେ ଅଧିକାଂଶ ବ୍ୟକ୍ତି ପ୍ରଭୁ ଜଟାଧରୀ ଶିବଙ୍କୁ ଆରାଧ୍ୟ ଭାବେ ପୂଜାର୍ଚ୍ଚନା କରିଥାନ୍ତି । ପୁରାଣରେ ମଧ୍ୟ ଶିବଙ୍କ ମହିମାର ବର୍ଣ୍ଣନା ରହିଛି । ଭକ୍ତଙ୍କ ପ୍ରାର୍ଥନାରେ ପ୍ରଭୁ ଶିବ ସହଜରେ ପ୍ରସନ୍ନ ହୋଇଯାଇଥାନ୍ତି ସେଥିପାଇଁ ତାଙ୍କୁ ଭୋଳାନାଥ ମଧ୍ୟ କୁହାଯାଏ । ଶିବଙ୍କ ଭକ୍ତି ଯିଏ କରିଛି ତାଙ୍କ ଶକ୍ତି ସିଏ ଦେଖିଛି । ନିକଟରେ ସୋସିଆଲ ମିଡିଆରେ ଶିବ ଭକ୍ତିର ଏକ ଅନନ୍ୟ ଉଦାହରଣ ଦେଖିବାକୁ ମିଳିଛି ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସାଧାରଣତଃ ଲୋକମାନେ ଶରୀରରେ ଭାତୁଡ଼ିକୁ ନେଇ ଚିନ୍ତାରେ ଥାନ୍ତି । ଅସ୍ତ୍ରୋପଚାର ମାଧ୍ୟମରେ ଏହାକୁ ହଟାଇଥାନ୍ତି । କିନ୍ତୁ ଜଣେ ବ୍ୟକ୍ତି ଅଛନ୍ତି ଯିଏକି ହାତରେ ଥିବା ଭାତୁଡ଼ିକୁ ନ ହଟାଇ ତାହାକୁ ଏକ ସୁନ୍ଦର ଟାଟୁର ରୂପ ଦେଇଛନ୍ତି । ଜାଣିଲେ ଆଶ୍ଚର୍ଯ୍ୟ ହେବେ ଯେ ସେହି ବ୍ୟକ୍ତି ଜଣଙ୍କ ଭାତୁଡ଼ିକୁ ଶିବ ଲିଙ୍ଗର ରୂପ ଦେଇଛନ୍ତି । ଏହା ଉପରେ ସେ ‘ଶିବ’ ମଧ୍ୟ ଲେଖିଛନ୍ତି । ଏହା ତାଙ୍କ ଶିବ ଭକ୍ତିର ଏକ ଅନନ୍ୟ ପରିଚୟ । ଏନେଇ roohaniyat._ନାମକ ଜଣେ ବ୍ୟକ୍ତି ଆକାଉଣ୍ଟରେ ଏକ ଫଟୋ ଶେୟାର କରି କ୍ୟାପସନରେ ଲେଖିଛନ୍ତି, ‘ଏହାକୁ କୁହନ୍ତି ବିପର୍ଯ୍ୟୟକୁ ସୁଯୋଗରେ ପରିଣତ କରିବା । ହର ହର ମହାଦେବ ।’ ଏହି ପୋଷ୍ଟକୁ ବର୍ତ୍ତମାନ ୧୩ ଲକ୍ଷରୁ ଅଧିକ ବ୍ୟକ୍ତି ଲାଇକ୍ କରିଛନ୍ତି । ଜଣେ ୟୁଜର ଲେଖିଛନ୍ତି, ‘ଏବେ ଏହି ହାତରେ କୌଣସି ଖରାପ କାମ ନ କରନ୍ତୁ ।’ ଅନ୍ୟ ଜଣେ ଲେଖିଛନ୍ତି ଏବେ କେବଳ ହାତରେ ଭଲ କାମ କର, ହର ହର ମହାଦେବ ।
View this post on Instagram
