ଅଗ୍ନିଶମ ବିଭାଗରେ ସାମିଲ ହେବେ ମହିଳା; ଅଗ୍ନିଯୋଦ୍ଧା ନିଯୁକ୍ତି ସମାରୋହରେ ମୁଖ୍ୟମନ୍ତ୍ରୀଙ୍କ ଘୋଷଣା
ଭୁବନେଶ୍ୱର: (ଓଡ଼ିଶା ଭାସ୍କର) ଏଣିକି ଅଗ୍ନିଶମ ବିଭାଗରେ ସାମିଲ ହେବେ ମହିଳା । ପୁରୁଷଙ୍କ ଭଳି ନିଆଁ ଲିଭା କାର୍ଯ୍ୟରେ ସାମିଲ ହେବେ ମହିଳା । ଗଛ ଚଢିବା ପାଖରୁ ବଡ଼ ବଡ଼ ବିଲ୍ଡିଂ ଚଢ଼ି ନିଆଁ ଲିଭାଇବା ସହ ବିଭିନ୍ନ ବିପର୍ଯୟକୁ କରିବେ ସାମ୍ନା । ଅଗ୍ନିଯୋଦ୍ଧା ନିଯୁକ୍ତି ସମାରୋହରେ ଏ ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଅଗ୍ନିଶମରେ ମହିଳାଙ୍କୁ ନିଯୁକ୍ତି ନେଇ ବ୍ୟବସ୍ଥା କରାଯିବା କଥା କହିଛନ୍ତି ମୁଖ୍ୟମନ୍ତ୍ରୀ ।
ସେପଟେ ଏହି ପ୍ରସ୍ତାବକୁ ମଧ୍ୟ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସ୍ବୀକୃତି ପ୍ରଦାନ କରିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି- ‘ସବୁ ବିଭାଗରେ ମହିଳା ଥିଲେ ବି ଅଗ୍ନିଶମରେ ନାହାନ୍ତି ମହିଳା । ଅଗ୍ନିଶମରେ ବି ମହିଳାଙ୍କୁ ନିଯୁକ୍ତି ନେଇ ପ୍ରସ୍ତାବ ଦେଇଥିଲେ ପ୍ରଭାତୀ ।’
