(Video): ମୁହଁ ଖୋଲିଲେ କ୍ରିକେଟର ‘ମିଛ ମିମ୍ ଦଉଛି କଷ୍ଟ…’ ଆଇପିଏଲରେ ଖେଳେଇବା ପାଇଁ ନିଲାମ ନେଲେନି କେହି
ନୂଆଦିଲ୍ଲୀ: କ୍ରିକେଟର ପୃଥ୍ୱୀ ଶ’ ଏଥରକ ଆଇପିଏଲ୍ ମ୍ୟାଚରୁ ବାଦ୍ ପଡ଼ିଛନ୍ତି । କିଛିଦିନ ତଳେ ସାଉଦି ଆରବରେ ଇଣ୍ଡିଆନ୍ ପ୍ରିମିୟର ଲିଗ୍ର ମେଗା ନିଲାମ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ନିଲାମ କାର୍ଯ୍ୟକ୍ରମ ୨ ଦିନ ଧରି ଚାଲିଥିଲା । ଯେଉଁଥିରୁ ବାଦ୍ ପଡ଼ିଯାଇଛନ୍ତି, ପୃଥ୍ୱୀ ଶ’ । ତାଙ୍କର ବେସ୍ ପ୍ରାଇଜ୍ ଥିଲା ୭୫ ଲକ୍ଷ ଟଙ୍କା । ଆଇପିଏଲ୍ ଅକ୍ସନରେ ପୃଥ୍ୱୀ ନିଲାମ ନ ହେବାକୁ ନେଇ କ୍ରୀଡ଼ା ମହଲରେ ଆଲୋଚନା ଜାରିଥିବାବେଳେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଟ୍ରୋଲରମାନଙ୍କୁ କିଛି କହୁଥିବାର ନଜରକୁ ଆସିଛନ୍ତି ।
ଭିଡିଓରେ ସେ କହିଛନ୍ତି, ଯଦି ମୋତେ କେହି ଫଲୋ କରୁ ନାହାନ୍ତି ତେବେ ମୁଁ କ’ଣ କରୁଛି, ନକରୁଛି କେମିତି ଜାଣୁଛନ୍ତି? ମୁଁ ଯାହା କଲେ ସେମାନେ ମୋତେ ଟ୍ରୋଲ କରିବା ଆରମ୍ଭ କରୁଛନ୍ତି, ତା’ମାନେ ସେମାନେ ମୋତେ ଫଲୋ କରୁଛନ୍ତି । ମୋତେ ନେଇ ତିଆରି କରାଯାଉଥିବା କିଛି ମିମ୍ ମୋତେ ଆଘାତ ଦିଏ । କାରଣ ମୁଁ ଯାହା କରି ନ ଥାଏ ଲୋକେ ତାକୁ ନିଜସ୍ୱ ଭାବେ ବନେଇ ମିମ୍ ତିଆରି କରନ୍ତି । ସେମାନେ ଏପରି କହିବା ଉଚିତ୍ ନୁହେଁ । ଯଦି କୌଣସି ପବ୍ଲିକ୍ ପ୍ଳେସ୍ରେ ମୋତେ ଦେଖନ୍ତି ତେବେ କହୁଛନ୍ତି ମୁଁ ପ୍ରାକ୍ଟିସ୍ କରୁନି । ନିକଟରେ ତାଙ୍କ ଜନ୍ମ ଦିନର ଏକ ଭିଡିଓ ମଧ୍ୟ ସୋସିଆଲ ମିହିଆରେ ଭାଇରାଲ ହୋଇଥିଲା । ଯାହାକୁ ନେଇ ତାଙ୍କୁ ଟ୍ରୋଲ୍ ମଧ୍ୟ କରାଯାଇଥିଲା । ତାଙ୍କ ନାଁରେ ଇଆଡୁ ସିଆଡୁ କରାଯାଉଥିବା ମିମ୍ ଓ ଟ୍ରୋଲ ପାଇଁ ସେ ଭିଡିଓରେ କହିଛନ୍ତି ଯେ, ମୁଁ ଜାଣିନି ମୁଁ କି ଭୁଲ୍ କରିଛି? ଚଳିତଥର ଆଇପିଏଲରୁ ବାଦ୍ ପଡ଼ିଥିବା ପୃଥ୍ୱୀ କେବେ ପୁଣି ପିଚକୁ ଫେରୁଛନ୍ତି ତାହା ଦେଖିବା ବାକି ରହିଲା । ଲଗାତାର ଭାବେ କିଛି ମ୍ୟାଚରେ ପୃଥ୍ୱୀଙ୍କ ପ୍ରଦର୍ଶନ ସେତେ ଖାସ୍ ରହିନାହିଁ । ଯେଉଁକାରଣରୁ ଫ୍ୟାନ୍ସମାନେ ତାଙ୍କ ଉପରେ ଖୁସି ନାହାନ୍ତି ।
#PrithviShaw Sad Man To See uR Downfall Really Sad Man 😢😔 #PrithviShaw #ipl2025auction @mipaltan @RCBTweets pic.twitter.com/tuHczWEEgG
— CHANDU (@GREATCHANDU1) November 25, 2024
