Breaking- ପାଇପ ମରାମତି ବେଳେ ମାଟି ତଳେ ଫସଥିବା ଶ୍ରମିକ ଗୁରୁତର ଅବସ୍ଥାରେ ଉଦ୍ଧାର

କଟକ- କଟକ ପାରାଦ୍ୱୀପ ରାସ୍ତାରେ ଭାରତ ପେଟ୍ରୋଲିୟମ କର୍ପୋରେସନ ଲିମିଟେଡର ପାଇପ ମରାମତି ବେଳେ ଘଟିଛି ଅଘଟଣ । ତାଳଦଣ୍ଡା ନିକଟରେ ପାଇପ ମରାମତି ବେଳେ ମାଟି ତଳେ ଫସି ରହିଥିବା ଶ୍ରମିକ ଉଦ୍ଧାର । ଅଗ୍ନିଶମ ବାହିନୀ ଦ୍ୱାରା ଉଦ୍ଧାର ହେଲେ ଶ୍ରମିକ । ଅଚେତ ଅବସ୍ଥାରେ ଉଦ୍ଧାର ହୋଇଛନ୍ତି ଶ୍ରମିକ । ତାଙ୍କୁ ଗୁରୁତର ଅବସ୍ଥାରେ ଅଗ୍ନିଶମ ବାହିନୀ ଉଦ୍ଧାର କରିବା ପରେ ହସ୍ପିଟାଲରେ ଭର୍ତ୍ତି କରାଯାଇଛି ।
ଶୁକ୍ରବାର କଟକ ପାରାଦୀପ ତାଳଦଣ୍ଡା ନିକଟରେ ବିପିସିଏଲର ପାଇପ ମରାମତି କରୁଥିଲେ କିଛି ଶ୍ରମିକ । ହଠାତ୍ ସମ୍ପ ଭିତରେ ମାଟି ତଳ ଫସିଯାଇଥିଲେ ଶ୍ରମିକ । ଶ୍ରମିକ ଫସିବ ସହ ସେହିପାଇପରୁ ଗ୍ୟାସ ଲିକ ହେଉଥିଲା । କାଳ ବିଳମ୍ବ ନ କରି ଅଗ୍ନିଶମ ବାହିନୀକୁ ସୂଚିତ କରାଯାଇଥିଲା । ଏହି ଖବର ପାଇବା କ୍ଷଣି ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚିଥିଲା ଓ ଶ୍ରମିକଙ୍କ ଉଦ୍ଧାର କାମ ଆରମ୍ଭ କରିଦେଲା ।କିଛି ସମୟରେ ସମ୍ପ ଭିତରୁ ଶ୍ରମିକଙ୍କୁ ଅଚେତ ଅବସ୍ଥାରେ ଉଦ୍ଧାର କଲା ଅଗ୍ନିଶମ ବାହିନୀ । ତୁରନ୍ତ ଶ୍ରମିକଙ୍କୁ ଡାକ୍ତରଖାନା ନେଇ ଭର୍ତ୍ତି କରାଯାଇଛି ।