ଟଙ୍କା କରଜକୁ ନେଇ ଯୁବକଙ୍କୁ ଗୋଡେଇ ହାଣି ୨ ଗିରଫ
ଭଞନଗର: ବେଲଗୁଣ୍ଠା ବ୍ଳକ ଅନ୍ତର୍ଗତ ଧୁମୁଛାଇ ଗ୍ରାମରେ ଏକ ଅଭାବନୀୟ ଘଟଣା ଘଟିଛି । ଏହି ଗ୍ରାମର ରାଜେଶ ଡାକୁଆର ପୁଅ ସୁନୀଲ ଡାକୁଆଙ୍କୁ ବିଶ୍ୱଜିତ୍ ତାରିଣୀ ଓ ସୁନିଲ ପଳେଇ ନିମକ ଦୁଇ ଯୁବକ ନିସ୍ତୁକ ମାଡମାରି ଲୁହୁଲୁହାଣ କରିବା ଅଭିଯୋଗରେ ଗିରଫ ହୋଇଛନ୍ତି । ଟଙ୍କା ଉଧାରୀକୁ କେନ୍ଦ୍ରକରି ଆକ୍ରମଣ ହୋଇଥିବା ଜଣାପଡିଛି ।
ଦୁଇ ଦିନ ତଳେ ଗାଁ ମୁଣ୍ଡ ଛକରେ ଉଭୟ ପକ୍ଷ ମଧ୍ୟରେ କଥା କଟାକଟି ଓ ଯୁକ୍ତିତର୍କ ହୋଇ ଗଣ୍ଡୋଗଳର ସୁତ୍ରପାତ ଘଟିଥିଲା । ବିଶ୍ୱଜିତ୍ ତାରିଣୀ ଓ ସୁନିଲ ପଲେଇ ଉଭୟେ ମିଶି ସୁନୀଲ ଡାକୁଆଙ୍କୁ ଭୀଷଣ ମାଡ ମାରିଥିଲେ । ଏଥିରେ ସୁନୀଲ ଗୁରୁତର ହୋଇଥିଲେ ଓ ତାଙ୍କୁ ଡାଇବେଟିସ୍ ଥିବାରୁ ତାଙ୍କ ସ୍ୱାସ୍ଥ୍ୟ ଅଧିକ ବିଗିଡି ଯାଇଥିଲା । ଆକ୍ରମଣରେ ସୁନିଲଙ୍କ ଛାତିରେ ଆଘାତ ଲାଗିଛି ।
ପରିବାର ଲୋକେ ପ୍ରଥମେ ତାକୁ ଭଂଜନଗର ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ତାଙ୍କ ଅବସ୍ଥା ସଂଙ୍କଟାପନ୍ନ ହେବାରୁ ତାକୁ ବ୍ରହ୍ମପୁର ବଡମେଡିକାଲ ସ୍ଥାନାନ୍ତର କରାଯାଇଛି । ସୁନିଲ ଆଇସିୟୁରେ ଚିକିତ୍ସିତ ହେଉଛନ୍ତି । ଏହି ଘଟଣାକୁ ନେଇ ସୁନିଲଙ୍କ ପରିବାର ତରଫରୁ ବେଲଗୁଣ୍ଠା ଥାନାରେ ଅଭିଯୋଗ ହୋଇଥିଲା । ପୋଲିସ ବିଶ୍ୱଜିତ ଓ ସୁନିଲ ପଲେଇଙ୍କୁ ଗିରଫ କରିଛି ।
