(Breaking) ଭାଇରାଲ ଭିଡିଓ ଆଧାରରେ ପୋଲିସ ବାବୁଙ୍କ ଉପରେ କାର୍ଯ୍ୟାନୁଷ୍ଠାନ

ବାଙ୍କୀ- ପୋଲିସ ବାବୁଙ୍କୁ ଦବଙ୍ଗଗିରି କରିବା ପଡିଲା ମହଙ୍ଗା । ଦବଙ୍ଗଗିରି ପାଇଁ ବଦଳିଲେ ଓଆଇସି । ବାଙ୍କୀ ବୈଦେଶ୍ୱର ଥାନା ଓଆଇସିଙ୍କ ଗୁଣ୍ଡାଗର୍ଦ୍ଦିର ଭାଇରାଲ ଭିଡିଓ ଆଧାରରେ ନିଆଯାଇଛି କାର୍ଯ୍ୟାନୁଷ୍ଠାନ ।

ବାଙ୍କୀ ବୈଦେଶ୍ୱର ଟି ବ୍ରିଜ ଉପରେ ପୋଲିସ ବାବୁ ପ୍ରିୟଦର୍ଶନ ସେଠୀଙ୍କ ଦବଙ୍ଗଗିରିର ଭିଡିଓ ଭାଇରାଲ ହୋଇଥିଲା । ବାବୁ ଜଣେ ଚାଳକଙ୍କୁ ରାସ୍ତା ଉପରେ ଅଟକାଇବା ସହ ଚାଳକଙ୍କ ଉପରେ ଚଢିଯିବା ଓ ଅନ୍ୟ ଜଣଙ୍କୁ ଆଣ୍ଠେଇବା ଦୃଶ୍ୟ ଦେଖିବାକୁ ମିଳିଥିଲା । ଏହି ଭିଡିଓ ଭାଇରାଲ ହେବାର ପରେ ବାବୁଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତାଙ୍କୁ ଏସପି ଅଫିସକୁ ବଦଳି କରାଯାଇଛି ।

ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଲୋକଙ୍କ ଭିତରେ ତୀବ୍ର ଅସନ୍ତୋଷ ଦେଖିବାକୁ ମିଳିଥିଲା । ବାବୁଙ୍କ ନାଁରେ ଏମିତି ଆଗରୁ ମଧ୍ୟ ଅନେକ ଅଭିଯୋଗ ରହିଥିଲା । ଲୋକେ ଆଗରୁ ମଧ୍ୟ ସେଠୀବାବୁଙ୍କୁ ସେଠାରୁ ବଦଳି କରିବାକୁ ଚାହୁଁଥିଲେ ।