ଡାଇବେଟିସ୍ ରୋଗରେ ପ୍ରଥମେ କଣ କରିବା ଉଚିତ୍ ? ଜାଣନ୍ତୁ ଉପାୟ
ଡାଇବେଟିସ୍ ତଥା ମଧୁମେହ ରୋଗରେ ପୀଡିତ ଲୋକଙ୍କ ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହେ ନାହିଁ, ବେଳେବେଳେ ଏହା ଅଧିକ ବଢେ ଏବଂ ବେଳେବେଳେ ଏହା ବହୁତ କମିଯାଏ । ତେବେ ଡାଇବେଟିସ୍ ଖାଦ୍ୟ ଏବଂ ଜୀବନଶୈଳୀ ସହିତ ଜଡିତ ଏକ ରୋଗ ଅଟେ । ଏହି ରୋଗରେ ପୀଡିତ ଲୋକମାନେ ସେମାନଙ୍କର ଖାଦ୍ୟ ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ ।
ଆଜିର ସମୟରେ, ଡାଇବେଟିସ୍ ଏକ ରୋଗରେ ପରିଣତ ହୋଇଛି ଯାହା ସାରା ବିଶ୍ୱରେ ବ୍ୟାପିଛି । ଏହି ରୋଗରୁ ରକ୍ଷା ପାଇବା ପାଇଁ, ଆପଣଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ଅଭ୍ୟାସରୁ ଦୂରେଇ ରହିବା ଅତ୍ୟନ୍ତ ଜରୁରୀ ଅଟେ, ଠିକ୍ ସମୟରେ ଖାଦ୍ୟ ଖାଇବା ଦ୍ବାରା ମଧୁମେହ ଭଳି ଗୁରୁତର ରୋଗରୁ ରକ୍ଷା ପାଇପାରିବେ । ଠିକ୍ ସମୟରେ ଖାଦ୍ୟ ଖାଇବା ଏହି ରୋଗରେ ପୀଡିତ ରୋଗୀମାନଙ୍କରେ ଇନସୁଲିନ୍ ଉତ୍ପାଦନକୁ ପ୍ରୋତ୍ସାହିତ କରିଥାଏ । ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହିଥାଏ । ଆସନ୍ତୁ ଜାଣିବା ଏହି ଡାଇବେଟିସ ରୋଗରେ ପ୍ରଥମେ କଣ କରିବା ଉଚିତ୍ …
ଯଥାସମ୍ଭବ ପାଣି ପିଅନ୍ତୁ
ପ୍ରକୃତରେ, ଡାକ୍ତରମାନେ ଡାଇବେଟିସ୍ ରୋଗୀଙ୍କୁ ଯଥାସମ୍ଭବ ପାଣି ପିଇବାକୁ ପରାମର୍ଶ ଦିଅନ୍ତି, କାରଣ କିଡନୀରୁ ଅଧିକ ସୁଗାର ବାହାର କରିବାରେ ଜଳ ସାହାଯ୍ୟ କରିଥାଏ ।
ଚାପ ହ୍ରାସ କରନ୍ତୁ
ଚାପ ରକ୍ତରେ ଶର୍କରା ସ୍ତରକୁ ପ୍ରଭାବିତ କରିଥାଏ । ତେଣୁ ଯୋଗ, ଧ୍ୟାନ ଏବଂ ଅନ୍ୟାନ୍ୟ ଆରାମ ଭଳି ଭଲ ଅଭ୍ୟାସ ଏହି ରୋଗକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ ।
ଉପଯୁକ୍ତ ନିଦ ପୂରା କରନ୍ତୁ
ନିଦ୍ରାର ଅଭାବ, ଭୋକ ଏବଂ କର୍ଟିସୋଲ ସ୍ତରକୁ ବଢାଇପାରେ, ଯାହା ଆପଣଙ୍କର ଅଧିକ ଓଜନ ବଢାଇପାରେ ଏବଂ ଓଜନ ବୃଦ୍ଧି ହେତୁ ଡାଇବେଟିସ୍ ଗୁରୁତର ହୋଇପାରେ ।
ସୁସ୍ଥ ଖାଦ୍ୟ ଖାଆନ୍ତୁ
କମ୍ ଚର୍ବି ଏବଂ କମ୍ ଲୁଣ ଥିବା ଖାଦ୍ୟ ଖାଆନ୍ତୁ ।
ନିୟମିତ ବ୍ୟାୟାମ କରନ୍ତୁ
ସପ୍ତାହରେ ଅତି କମରେ ପାଞ୍ଚ ଦିନ କିମ୍ବା ପ୍ରତିଦିନ 30 ମିନିଟ୍ ବ୍ୟାୟାମ କରିବାକୁ ଲକ୍ଷ୍ୟ ରଖନ୍ତୁ । ଏହା ରକ୍ତ ସଞ୍ଚାଳନରେ ଉନ୍ନତି ଆଣିବ ଏବଂ ଅନ୍ୟାନ୍ୟ ରୋଗର ଆଶଙ୍କା ମଧ୍ୟ ହ୍ରାସ କରିବ ।
ଧୂମ୍ରପାନ ଛାଡନ୍ତୁ
ଧୂମ୍ରପାନ ଛାଡିବା ସହିତ ମଦ୍ୟପାନ ଏବଂ କଫିନ୍ ଗ୍ରହଣକୁ ନିୟନ୍ତ୍ରଣ କରନ୍ତୁ । ଏହା ସହିତ ଆପଣ ଡାକ୍ତରଙ୍କ ସହିତ ପରାମର୍ଶ କରିବା ଉଚିତ୍ ।
