୨୨ ବର୍ଷ ପୂର୍ବରୁ ରିଲିଜ ହୋଇଥିଲା ଅମିତାଭ ବଚ୍ଚନଙ୍କ ଏହି ଫିଲ୍ମ, ଯେଉଁଥିରେ ବୋହୂ ଐଶ୍ୱର୍ଯ୍ୟା ହୋଇଥିଲେ ତାଙ୍କ ଭଉଣୀ

ନୂଆଦିଲ୍ଲୀ: ଅମିତାଭ ବଚ୍ଚନ ହିନ୍ଦୀ ସିନେମାରେ ୫ ଦଶନ୍ଧିରୁ ଅଧିକ ସମୟ କାର୍ଯ୍ୟକରି ଆସିଛନ୍ତି। ମହାନାୟକ ୧୯୬୯ରେ ନିଜ ଆକ୍ଟିଙ୍ଗ କ୍ୟାରିୟର ଆରମ୍ଭ କରିଥିଲେ। ସେ ଦର୍ଶକଙ୍କୁ ଅନେକ ସୁପରହିଟ ଏବଂ ବ୍ଲକବଷ୍ଟର ଫିଲ୍ମ ଦେଇ ଆସିଥିଲେ ମଧ୍ୟ, ତାଙ୍କର ଅନେକ ଫିଲ୍ମ ଫ୍ଲପ ମଧ୍ୟ ହୋଇଥିଲା। ୨୦୦୨ରେ ‘ବିଗ୍ ବି’ଙ୍କ ଏକ ଫିଲ୍ମ ଆସିଥିଲା, ଯାହା ଅମିତାଭଙ୍କୁ ଖୁବ ନିରାଶ କରିଥିଲା।

ଏହି ଫିଲ୍ମରେ ଅମିତାଭଙ୍କ ସହ ସଞ୍ଜୟ ଦତ୍ତ, ଅଜୟ ଦେବଗନଙ୍କ ଭଳି ଷ୍ଟାର ନଜର ଆସିଥିବା ସହ ତାଙ୍କ ବୋହୂ ଐଶ୍ୱର୍ଯ୍ୟା ରାୟ ବଚ୍ଚନ ମଧ୍ୟ ତାଙ୍କ ଭଉଣୀ ଚରିତ୍ରରେ ଅଭିନୟ କରିଥିଲେ।

ଏଠାରେ ୨୦୦୨ରେ ରିଲିଜ ହୋଇଥିବା ‘ହମ କିସି ସେ କମ୍ ନେହିଁ’ କଥା ଚର୍ଚ୍ଚା ହେଉଛି। ଯାହାର କାହାଣୀ ଏକ ଗ୍ୟାଙ୍ଗଷ୍ଟର ‘ମୁନ୍ନା ଭାଇ'(ସଞ୍ଜୟ ଦତ୍ତ), କୋମଲ(ଐଶ୍ୱର୍ଯ୍ୟା ରାୟ), କୋମଲଙ୍କ ଭାଇ ଡକ୍ଟର ରସ୍ତୋଗୀ( ଅମିତାଭ ବଚ୍ଚନ) ଏବଂ ପ୍ରେମୀ ରାଜା( ଅଜୟ ଦେବଗନ) ଅଭିନୟ କରିଥିଲେ।

୨ ଘଣ୍ଟା ଏବଂ ୪୧ ମିନିଟର ଏହି ଫିଲ୍ମକୁ ଦେଖି ଦର୍ଶକ ନିରାଶ ହୋଇଥିଲେ ଏବଂ ବକ୍ସ ଅଫିସରେ ମଧ୍ୟ ଏହି ଫିଲ୍ମର ଖରାପ ଅବସ୍ଥା ରହିଥିଲା। ଦର୍ଶକ ଏହି ଫିଲ୍ମର କାହାଣୀକୁ ଦେଖି ଫ୍ଲପର ଟ୍ୟାଗ ଦେଇଥିଲେ।

ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ଡେଭିଡ ଧାୱନ। ଫିଲ୍ମର କାହାଣୀ ଏହିପରି, ଗ୍ୟାଙ୍ଗଷ୍ଟର ମୁନ୍ନା ଭାଇ କୋମଲଙ୍କ ପ୍ରେମରେ ପଡିଛନ୍ତି। କିନ୍ତୁ, କୋମଲଙ୍କୁ ରାଜା ପ୍ରେମ କରୁଛନ୍ତି। କୋମଲଙ୍କର ମଧ୍ୟ ଜଣେ ଭାଇ ଡ Dr. ରାସ୍ତୋଗୀ ଅଛନ୍ତି। ବର୍ତ୍ତମାନ ଗୋଟିଏ ପଟେ ମୁନ୍ନା ଭୋଇଙ୍କୁ କୋମଲଙ୍କ ଭାଇଙ୍କୁ ବିବାହ ପାଇଁ ମନାଇବାକୁ ପଡିବ ଏବଂ ଅନ୍ୟ ପଟେ ତାଙ୍କୁ ରାଜାର ପତ୍ତା କାଟିବାକୁ ପଡିବ। ଚଳଚ୍ଚିତ୍ରର ପୁରା କାହାଣୀ ଏହାକୁ ନେଇ ପର୍ଯ୍ୟବସିତ। କିନ୍ତୁ, ମୁନ୍ନା ଭାଇଙ୍କ ଏହି ସଂଘର୍ଷକୁ ଦର୍ଶକ ଆଦୌ ପସନ୍ଦ କରୁନଥିଲେ ଏବଂ ଚଳଚ୍ଚିତ୍ର ରିଲିଜ୍ ହେବା ମାତ୍ରେ ଚଳଚ୍ଚିତ୍ରର ଅବସ୍ଥା ଏତେ ଖରାପ ଥିଲା ଯେ, ଦର୍ଶକ ଏହାକୁ ଗୁରୁତ୍ୱ ଦେଇନଥିଲେ।