Pritish Nandy Demise: ଫିଲ୍ମ ନିର୍ମାତା ପ୍ରୀତୀଶ ନନ୍ଦୀଙ୍କର ଦେହାନ୍ତ, ଭାବବିହୋଳ ପୋଷ୍ଟ କଲେ ଅନୁପମ ଖେର

ନୂଆଦିଲ୍ଲୀ: ଜଣାଶୁଣା ଚଳଚ୍ଚିତ୍ର ନିର୍ମାତା, କବି ତଥା ଲେଖକ ପ୍ରୀତୀଶ ନନ୍ଦୀଙ୍କ ଦେହାନ୍ତ ହୋଇଛି । 73 ବର୍ଷ ବୟସରେ ପ୍ରୀତୀଶ ଶେଷ ନିଶ୍ବାସ ତ୍ୟାଗ କରିଛନ୍ତି । ବଲିଉଡ ଅଭିନେତା ଅନୁପମ ଖେର ତାଙ୍କ ଦେହାନ୍ତ ନେଇ ସୂଚନା ଦେଇଛନ୍ତି ।

ସେ ଏକ୍ସରେ ପୋଷ୍ଟ କରି ଲେଖିଛନ୍ତି, “ମୋର ଅନ୍ତରଙ୍ଗ ବନ୍ଧୁ ପ୍ରୀତୀଶ ନନ୍ଦୀଙ୍କର ଦେହାନ୍ତ ଖବର ଶୁଣି ମୁଁ ମର୍ମାହତ । ସେ ଏକାଧାରାରରେ ଜଣେ ଚଳଚ୍ଚିତ୍ର ନିର୍ମାତା, କବି, ଲେଖକ ଏବଂ ସାହାସୀ ସାମ୍ବାଦିକ ରହିଥିଲେ । ମୁଁ ଯେତେବେଳେ ପ୍ରଥମେ ମୁମ୍ବାଇ ଆସିଥିଲି ସେତେବେଳେ ସେ ମୋତେ ସାହାସ ଏବଂ ସପୋର୍ଟ କରିଥିଲେ । ଆମେ ଦୁହେଁ ଅନେକ କଥା ସେୟାର କରିଛୁ । ତାଙ୍କ ଭଳି ସାହାସୀ ଲୋକ ମୁଁ ଆଜି ପର୍ଯ୍ୟନ୍ତ ଦେଖିନାହିଁ । ଜୀବନରେ ତାଙ୍କର ଅନେକ ଆଶା ରହିଥିଲା ।

ମୁଁ ତାଙ୍କ ଠାରୁ ଅନେକ କିଛି ଶିଖିବାକୁ ପାଇଛି । କିନ୍ତୁ ଗତ କିଛି ଦିନ ହେବ ଆମେର ସାକ୍ଷାତ ହୋଇପାରି ନାହିଁ। କିନ୍ତୁ ଗୋଟିଏ ସମୟରେ ଆମେ ସାଙ୍ଗ ହୋଇ ରହିଥିଲୁ। ଫିଲ୍ମ ଫେରାରର କଭର ପେଜରେ ସେ ମୋର ଫଟୋ ଦେଇଥିଲେ । ଏହା ସବୁଠାରୁ ସରପ୍ରାଇଜ ଥିଲା । ସାଙ୍ଗର ଭଲପାଇବାର ସେ ଏକ ଜ୍ବଳନ୍ତ ଉଦାହରଣ । ମୁଁ ତାଙ୍କୁ ସର୍ବଦା ମିସ୍ କରିବି ।  “