ପୂର୍ବତନ ବିଧାୟକଙ୍କୁ ପସନ୍ଦ କୁମ୍ଭୀର! IT ରେଡ୍ ବେଳେ ଘରୁ ମିଳିଲା ପୁଳା ପୁଳା ଟଙ୍କା ସହିତ 3ଟି କୁମ୍ଭୀର, ଡରିଗଲେ ଆଇଟି ଅଧିକାରୀ…
ବିଜେପିର ପୂର୍ବତନ ବିଧାୟକ ହରିବଂଶ ସିଂହ ରାଥୋରଙ୍କ ଘରେ ଆଇଟି ରେଡ୍ । ଘରୁ ମିଳିଲା କୋଟି କୋଟି ଟଙ୍କା ।
ନୂଆଦିଲ୍ଲୀ: ମଧ୍ୟପ୍ରଦେଶ ବିଜେପିର ପୂର୍ବତନ ବିଧାୟକ ହରିବଂଶ ସିଂହ ରାଥୋରଙ୍କ ଘରେ ଆଇଟି ରେଡ୍ । ପୁଳାପୁଳା ଟଙ୍କା ସହିତ କଳଙ୍କାର ମିଳିଥିବା କଥା ଜଣାପଡିଛି ।
ତେବେ ଘରେ କୌଣସି ପୋଷା କୁକୁର କିମ୍ବା ମାଛ ନଥିବା ବେଳେ ପୋଖରୀରୁ ବଡ 3 ଟି କୁମ୍ଭୀର ମିଳିଛି । ରେଡ୍ ବେଳେ ଏହାକୁ ଦେଖି ସମସ୍ତେ ଚକିତ ହୋଇଯାଇଛନ୍ତି ।
ଘରୁ ମିଳିଲା କୁମ୍ଭୀର- ପୂର୍ବତନ ବିଜେପି ବିଧାୟକ କୋଟି କୋଟି ଟଙ୍କାର ଟିକସ ଫାଙ୍କିବା ନେଇ ଅଭିଯୋଗ ହୋଇଥିଲା । ଏହି ଅଭିଯୋଗକୁ ଆଧାର କରିଆୟକର ବିଭାଗର ଅଧିକାରୀମାନେ ତାଙ୍କ ବାସଭବନ ସହିତ ଅନେକ ଠିକଣାରେ ରେଡ୍ କରିଥିଲେ । ଅଧିକାରୀମାନେ ରେଡ୍ ସମୟରେ ନଗଦ ୩ କୋଟି ଟଙ୍କା ସହ ବିପୁଳ ପରିମାଣର ସୁନା ଓ ରୁପା ଅଳକଙ୍କାର ଜବତ କରିଥିଲା ।
ଏହାପରେ ପୋଖରୀରୁ 3ଟି କୁମ୍ଭୀର ମଧ୍ୟ ଜବତ କରାଯାଇଛି । ଏହାପରେ ଆୟକର ବିଭାଗର ଅଧିକାରୀ ଜଙ୍ଗଲ ବିଭାଗକୁ ଖବର ଦେଇଥିଲେ । ସେମାନେ ଆସି କୁମ୍ଭୀରକୁ ନେଇ ଯାଇଥିବା ଜଣାପଡିଛି । ତେବେ କାହିଁକି ଏତ ବଡ କୁମ୍ଭୀର ରଖିଥିଲେ ବର୍ତ୍ତମାନ ତାହା ଚର୍ଚ୍ଚାର ବିଷୟ ପାଲଟିଛି ।