ବୋମା ଭର୍ତ୍ତି ବ୍ୟାଗ୍ ଜବତ ମାମଲା; ଜଣଙ୍କୁ ଅଟକ ରଖି ପୋଲିସର ପଚରାଉଚରା ଜାରି
ବ୍ରହ୍ମପୁର: ଏନ୍ଏଚ୍ ୧୬ ଖଜୁରିଆ ନିକଟ ଏକ ନିର୍ମାଣଧୀନ କୋଠାରୁ ବୋମା ଭର୍ତ୍ତି ବ୍ୟାଗ୍ ଜବତ କରିଛି ପୋଲିସ ।
ଏହି ମାମଲାରେ ଜଣେ ଯୁବକଙ୍କୁ ଅଟକ ରଖି ପଚରାଉଚରା ଜାରି ରଖିଥିବା ବ୍ରହ୍ମପୁର ଏସପି ସୂଚନା ଦେଇଛନ୍ତି ।
ମାମଲା କ’ଣ: ବୈଦ୍ୟନାଥ ଥାନା ପୋଲିସ ପକ୍ଷରୁ ପାଟ୍ରୋଲିଂ ଚାଲିଥିବା ବେଳେ ୪ ଜଣ ଦୁର୍ବୃତ୍ତ ଘଟଣାସ୍ଥଳରୁ ଚମ୍ପଟ୍ ମାରିଥିଲେ ।
ସେମାନେ ଛାଡ଼ିଯାଇଥିବା ଗୋଟିଏ ବ୍ୟାଗରୁ ପୋଲିସ ୭ଟି ବୋମା ଜବତ କରିଥିବା ବେଳେ ଟିମ୍(ବମ୍ ସ୍ୱାଡ୍) ଏହାକୁ ନିଷ୍କ୍ରିୟ କରିଥିବା ଜଣାପଡ଼ିଛି ।
ତେବେ ୪ ଜଣଙ୍କ ମଧ୍ୟରୁ ଜଣଙ୍କୁ ଚିହ୍ନଟ କରାଯାଇ ପଚରାଉଚରା ଜାରି ରହିଛି । ଫେରାର ୩ ଯୁବକଙ୍କୁ ଖୁବ୍ ଶୀଘ୍ର ଧରାଯିବ ବୋଲି ଏସପି ସୂଚନା ଦେଇଛନ୍ତି ।
ପୋଲିସ ପାଟ୍ରୋଲିଂ ସମୟରେ କିଛି ଯୁବକ ଏହି ବୋମା ଭର୍ତ୍ତି ବ୍ୟାଗ୍ ଛାଡ଼ି ଦୌଡ଼ି ପଳାଇଥିବା ସୂଚନା । ତେବେ ଏହା ପଛରେ ଦୁର୍ବୃତ୍ତଙ୍କ ଉଦ୍ଦେଶ୍ୟ ଅସ୍ପଷ୍ଟ । ଏନେଇ ପୋଲିସର ଅଧିକ ଛାନଭିନ୍ ଜାରି ରହିଛି ।