ଛାତ୍ରଙ୍କୁ ସିଗାରେଟ ଯୋଗାଉ ଥିଲା ‘Blinkit’, ଡେଲିଭରୀ ବୟକୁ ଗିରଫ କଲା ପୋଲିସ

ନୂଆଦିଲ୍ଲୀ: ଫାଷ୍ଟ ଡେଲିଭରୀ ମାଧ୍ୟମରେ ଘରେ ଘରେ ଜିନିଷ ପହଞ୍ଚାଉଥିବା ବ୍ଲିଙ୍କିଟ କମ୍ପାନୀର ଏକ ଡେଲିଭରୀ ବୟଙ୍କୁ ଗିରଫ କରାଯାଇଛି। ସୂଚନା ମୁତାବକ, ଡେଲିଭରୀ ବୟଙ୍କୁ ଟ୍ୟାଣ୍ଡମାର୍କ ସିଟି ଅଞ୍ଚଳରେ ନାବାଳକ ଛାତ୍ର ପାଖକୁ ସିଗାରେଟକୁ ଡେଲିଭରୀ କରିବା ଅଭିଯୋଗରେ ଗିରଫ କରାଯାଇଛି। ପୋଲିସ ରବିବାର ଦିନ ଏହି ଗିରଫ ବିଷୟରେ ସୂଚନା ଦେଇଛି।

ଅଭିଯୁକ୍ତ ଡେଲିଭରୀ ବୟ ଗିରଫ: କୋଟା ସହରର ପୋଲିସ ଅଧୀକ୍ଷକ ଅମୃତ ଦୁହାନ କହିଛନ୍ତି ଯେ, ଡେଲିଭରୀ ଯୁବକ ସତ୍ୟପ୍ରକାଶ କୋଲୀଙ୍କୁ ଶନିବାର ସଂଧ୍ୟାରେ ଗିରଫ କରାଯାଇଛି। ସେ କୋଚିଂ ଛାତ୍ରମାନଙ୍କୁ ସିଗାରେଟ ଯୋଗାଉଥିଲେ। ସେହି ସମୟରେ ପୋଲିସର ଟିମ ତାଙ୍କୁ ଧରିନେଇଥିଲେ।

ପୋଲିସ କହିଛନ୍ତି ଯେ, କମ ବର୍ଷୀୟ ଛାତ୍ରମାନଙ୍କୁ ଏହି ଫାଷ୍ଟ ଡେଲୀଭରୀ କରୁଥିବା କମ୍ପାନୀ ଦ୍ୱାରା ସିଗାରେଟର ବିକ୍ରି ଏବଂ ଯୋଗାଣ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ବ୍ଲିଙ୍କିଟ ପାଇଁ କାମ କରୁଥିବା ଅଭିଯୁକ୍ତଙ୍କ ଉପରେ କିଶୋର ନ୍ୟାୟ ଅଧିନିୟମର ଧାରା ୭୭ ଏବଂ ରାଜସ୍ଥାନ ଧୂମ୍ରପାନ ନିଷେଧ, ବ୍ୟକ୍ତିମାନଙ୍କ ସ୍ୱାସ୍ଥ୍ୟ ସୁରକ୍ଷା ଅଧିନିୟମ ଅନୁଯାୟୀ, ଏକ ମାମଲା ରୁଜୁ କରାଯାଇଛି।