ସ୍ତ୍ରୀ ସ୍ୱାମୀର କେଉଁ ପାର୍ଶ୍ଵରେ ଶୋଇବା ଉଚିତ ? ଏମିତି କଲେ ନିବିଡ଼ ହେବ ପ୍ରେମ, ବଢିବ ଧନ-ସମ୍ମାନ

ନୂଆଦିଲ୍ଲୀ: ବାସ୍ତୁ ଶାସ୍ତ୍ରରେ ଉଲ୍ଲେଖିତ ନିୟମ ପାଳନ କରିବା ଦ୍ୱାରା ଜୀବନରେ ଧନ, ସମୃଦ୍ଧି ଏବଂ ସୁଖ ବୃଦ୍ଧି ପାଇଥାଏ । ସକରାତ୍ମକ ଭାବନା ବୃଦ୍ଧି ପାଇବା ସହିତ ପ୍ରତ୍ୟେକ କାମରେ ସଫଳତା ମଧ୍ୟ ମିଳିଥାଏ ।

ବାସ୍ତୁ ଶାସ୍ତ୍ରରେ ସ୍ୱାମୀ ଏବଂ ସ୍ତ୍ରୀଙ୍କ ପାଇଁ କିଛି ନିୟମ ମଧ୍ୟ ଦିଆଯାଇଛି, ଯାହାକୁ ପାଳନ କରି ସେମାନଙ୍କ ବୈବାହିକ ଜୀବନ ସୁଖମୟ ରହିଥାଏ। ସେମାନଙ୍କ ମଧ୍ୟରେ ପ୍ରେମ ବୃଦ୍ଧି ପାଏ। ସ୍ୱାମୀ-ସ୍ତ୍ରୀଙ୍କ ମଧ୍ୟରେ ସମ୍ପର୍କ ଆହୁରି ମଜବୁତ ହୁଏ।

ସ୍ବାମୀର ବାମ କଡରେ ଶୋଇବା ଉଚିତ ସ୍ତ୍ରୀ- ବାସ୍ତୁ ଶାସ୍ତ୍ର ଅନୁସାରେ, ସ୍ତ୍ରୀ ସ୍ୱାମୀର ବାମ ପାର୍ଶ୍ୱରେ ଶୋଇବା ଉଚିତ । ସ୍ତ୍ରୀ ସ୍ୱାମୀର ବାମ ପାର୍ଶ୍ୱରେ ଶୋଇବା ଶୁଭ । ଏହା ବୈବାହିକ ଜୀବନକୁ ଖୁସି ରଖିଥାଏ । ଏହା ସହିତ ସମୃଦ୍ଧି ଏବଂ ଐଶ୍ୱର୍ଯ୍ୟ ବୃଦ୍ଧି ପାଇଥାଏ । ଏହା ସହିତ ସ୍ୱାମୀଙ୍କ ଆୟୁଷ ମଧ୍ୟ ବୃଦ୍ଧି ପାଇଥାଏ । ଘରେ ଧନସମ୍ପତ୍ତି ମଧ୍ୟ ବୃଦ୍ଧି ପାଏ ।

ପୌରାଣିକ କଥା ଅନୁସାରେ ଯେତେବେଳେ ଭଗବାନ ଶିବ ଅର୍ଦ୍ଧନାରୀଶ୍ୱର ରୂପ ନେଇଥିଲେ, ସେତେବେଳେ ତାଙ୍କ ବାମ ପାର୍ଶ୍ୱରୁ ନାରୀ ଉପାଦାନ ଅର୍ଥାତ୍ ମା’ ପାର୍ବତୀ ପ୍ରକଟ ହୋଇଥିଲେ । ସେଥିପାଇଁ ହିନ୍ଦୁ ଧର୍ମରେ ପତ୍ନୀଙ୍କୁ ବାମାଙ୍ଗୀ କୁହାଯାଏ ।

ଏହାର ଅର୍ଥ ବାମ ପାର୍ଶ୍ଵର ଅଧିକାରୀ । ତେଣୁ ବିବାହ ପରେ, ପ୍ରତ୍ୟେକ ଶୁଭ କାର୍ଯ୍ୟରେ ସ୍ତ୍ରୀ ସ୍ୱାମୀଙ୍କ ବାମ ପାର୍ଶ୍ୱରେ ବସିଥାନ୍ତି । ଏହା ସହିତ ସ୍ତ୍ରୀ ସ୍ୱାମୀର ବାମ ପାର୍ଶ୍ୱରେ ଶୋଇବା ଉଚିତ ।