ଦିଲ୍ଲୀ ନିର୍ବାଚନ ମଧ୍ୟରେ ନିଆଁରେ ଘିଅ ଢ଼ାଳିଲେ ଓମାର ଅବଦୁଲ୍ଲା, କଂଗ୍ରେସ-AAP କୁ କଲେ ଟାର୍ଗେଟ
ନୂଆଦିଲ୍ଲୀ: ଶନିବାର ଦିଲ୍ଲୀରେ ଭୋଟ ଗଣତି ଜାରି ରହିଛି। ପ୍ରାରମ୍ଭିକ ଟ୍ରେଣ୍ଡ ବିଜେପି ସପକ୍ଷରେ ଆସୁଛି। ଏପର୍ଯ୍ୟନ୍ତ ମିଳିଥିବା ତଥ୍ୟ ଅନୁଯାୟୀ, ବିଜେପି ୪୨ ଟି ଆସନରେ ଆଗୁଆ ଥିବା ବେଳେ AAP ୨୮ ଟି ଆସନରେ ଆଗୁଆ ରହିଛି। ଭୋଟ ଗଣତି ମଧ୍ୟରେ, ଜମ୍ମୁ-କାଶ୍ମୀର ମୁଖ୍ୟମନ୍ତ୍ରୀ ଏବଂ ନ୍ୟାସନାଲ କନଫରେନ୍ସ ନେତା ଓମାର ଅବଦୁଲ୍ଲା ଟ୍ୱିଟ୍ କରି କଂଗ୍ରେସ ଏବଂ ଆପକୁ ଟାର୍ଗେଟ କରିଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ X ରେ ଧାରାବାହିକ ‘ମହାଭାରତ’ର ଏକ ଦୃଶ୍ୟ ସେୟାର କରି ଓମାର ଅବଦୁଲ୍ଲା କେବଳ ଏତିକି ଲେଖିଛନ୍ତି, ‘ନିଜ ମଧ୍ୟରେ ଲଢ଼!’… ଏହା ସ୍ପଷ୍ଟ ଯେ ସେ ଦିଲ୍ଲୀରେ କଂଗ୍ରେସ ଏବଂ ଆପର ପୃଥକ ଭାବରେ ନିର୍ବାଚନ ଲଢ଼ିବା ନିଷ୍ପତ୍ତିକୁ ଇଙ୍ଗିତ କରୁଛନ୍ତି।
Aur lado aapas mein!!! https://t.co/f3wbM1DYxk pic.twitter.com/8Yu9WK4k0c
— Omar Abdullah (@OmarAbdullah) February 8, 2025
ବିଧାନସଭା ନିର୍ବାଚନରେ ’ଇଣ୍ଡିଆ’ ବ୍ଲକ ଏକାଠି କାମ କରେନି
କଂଗ୍ରେସ ଏବଂ ଆପ କେନ୍ଦ୍ରରେ ଇଣ୍ଡିଆ ବ୍ଲକ୍ର ଅଂଶ କିନ୍ତୁ ବିଧାନସଭା ନିର୍ବାଚନରେ ଏହି ମେଣ୍ଟ କାମ କରେ ନାହିଁ। ପ୍ରଥମେ ହରିୟାଣାରେ ଏବଂ ତା’ପରେ ଦିଲ୍ଲୀରେ, କଂଗ୍ରେସ ଏବଂ ଆପ ପରସ୍ପର ବିରୁଦ୍ଧରେ ପ୍ରତିଦ୍ୱନ୍ଦ୍ୱିତା କରିଥିଲେ ଏବଂ ବିଜେପି ଉଭୟ ସ୍ଥାନର ଫାଇଦାରେ ରହିଉଛି ରହିଛି।
ଏକଜିଟ୍ ପୋଲଗୁଡ଼ିକ ସଠିକ୍ ପ୍ରମାଣିତ ହେଉଥିବା ପରି ମନେ ହେଉଛି
ଫେବୃଆରୀ ୫ ତାରିଖରେ ଦିଲ୍ଲୀରେ ମତଦାନ ହୋଇଥିଲା। ଫଳାଫଳ ପୂର୍ବରୁ ପ୍ରକାଶିତ ଏକଜିଟ୍ ପୋଲରେ କୁହାଯାଇଥିଲା ଯେ ଏଥର ଦିଲ୍ଲୀ ବିଜେପି ପାଇଁ ବହୁତ ଦୂରରେ ନାହିଁ, ଅର୍ଥାତ୍ ଏକଜିଟ୍ ପୋଲରେ ବିଜେପିକୁ ବହୁମତ ମିଳିବ ବୋଲି କୁହାଯାଇଥିଲା। ପ୍ରାରମ୍ଭିକ ଟ୍ରେଣ୍ଡରେ, ଏକଜିଟ୍ ପୋଲଗୁଡ଼ିକ ସଠିକ୍ ପ୍ରମାଣିତ ହେଉଥିବା ପରି ମନେ ହେଉଛି।