ବରଙ୍କ ରାଜ୍ ଖୋଲିଦେଲେ କନ୍ୟାଙ୍କ ମା’, ସମ୍ପର୍କ ଯୋଡ଼ି ହେବା ପୂର୍ବରୁ ସିଭିଲ୍ ସ୍କୋର୍ ବିଗାଡ଼ିଲା ବାହାଘର, ଜାଣିଲେ…

ଆଜିର ସମୟରେ ସବୁକିଛି ମହଙ୍ଗା ହୋଇଯାଇଛି । ଭଲ ରୋଜଗାର ସତ୍ତ୍ୱେ  ଲୋକଙ୍କୁ ଘର ଚଳାଇବା ପାଇଁ ଋଣର ସାହାଯ୍ୟ ନେବାକୁ ପଡୁଛି । ଆଉ ଏହି ଋଣ ପାଇବା ପାଇଁ ନିଜର ସିଭିଲ୍ ସ୍କୋର୍ ଭଲ ରଖିବାକୁ ପଡ଼ିବ । ଅର୍ଥାତ୍ ପୂର୍ବରୁ ନେଇଥିବା ଋଣକୁ ଠିକ୍ ସମୟରେ ପୈଠ କରିଥିବା ଜରୁରୀ । ନଚେତ୍ ପରବର୍ତ୍ତୀ ସମୟରେ ଋଣ ମିଳିବା ଅସମ୍ଭବ । ଯେତେବେଳେ କେହି କେହି ଋଣ ନେବାକୁ ଯାଆନ୍ତି, ପ୍ରଥମେ ସେମାନଙ୍କୁ ସିଭିଲ୍ ସ୍କୋର୍ ବିଷୟରେ ପଚରାଯାଏ, କିନ୍ତୁ ଆପଣ କେବେ ଶୁଣିଛନ୍ତି କି ସିଭିଲ୍ ସ୍କୋର୍ ହେତୁ କାହାର ବିବାହ ଭାଙ୍ଗିଯିବାର? ଏହା ଆପଣଙ୍କ ପାଇଁ ଟିକେ ଅଜବ ଲାଗୁଥାଇପାରେ କିନ୍ତୁ ଏହା ସମ୍ପୂର୍ଣ୍ଣ ସତ ।

ବାସ୍ତବରେ ମହାରାଷ୍ଟ୍ରରୁ ବିବାହ ଭାଙ୍ଗିବାର ଏକ ନିଆରା ମାମଲା ସାମ୍ନାକୁ ଆସିଛି।  ବିବାହ ଶେଷ ପର୍ଯ୍ୟାୟରେ ପହଞ୍ଚିବା ପରେ ଭାଙ୍ଗିଗଲା। ବରଙ୍କ ସିଭିଲ୍ ସ୍କୋର୍ ଭଲ ନ ଥିଲା । ଅର୍ଥାତ୍ ସେ ଋଣଗ୍ରସ୍ତ ଥିଲେ । ଯେଉଁଥିପାଇଁ କନ୍ୟାଙ୍କ ମା’ ବାହାଘର ଭାଙ୍ଗିଦେଲେ । କନ୍ୟାଙ୍କ ମା’ ଯୁକ୍ତି କରିଛନ୍ତି ଯେ, ଯଦି ପୁଅ ଋଣଗ୍ରସ୍ତ ତେବେ ଆମ ଝିଅର ଭବିଷ୍ୟତ କିପରି ସୁରକ୍ଷିତ ରହିବ?

କନ୍ୟାଙ୍କ ମା’ ଏହି ଯୁକ୍ତି ଦେଇଛନ୍ତି
ମହାରାଷ୍ଟ୍ରର ଆକୋଲା ଜିଲ୍ଲାର ମୁର୍ଟିଜାପୁରରେ ଦୁଇ ପରିବାର ମଧ୍ୟରେ ବିବାହ ପାଇଁ ପ୍ରସ୍ତୁତି ଚାଲିଥିଲା। ସବୁକିଛି ତୁରନ୍ତ ଠିକ୍ କରିବାକୁ ପଡିଲା ଏବଂ ଏକ ଗୁରୁତ୍ୱପୂର୍ଣ୍ଣ ସମାରୋହରେ  କନ୍ୟାର ମା’ ଭାବି ଜ୍ୱାଇଁଙ୍କ  ସିଭିଲ୍ ସ୍କୋର୍ ଦେଖାଇବାକୁ ଦାବି କଲେ । ଏହି ଦାବି ପରେ ପୁଅର ପରିବାର ଆଶ୍ଚର୍ଯ୍ୟ ହୋଇଯାଇଥିଲେ। ତେବେ ବର ତାଙ୍କ ସିଭିଲ୍ ସ୍କୋର୍ ଦେଖାଇଲେ ଏବଂ କନ୍ୟାଙ୍କ ମା’ ଯେତେବେଳେ ଏହି ସ୍କୋର ଦେଖିଲେ, ସେ ବୁଝିଗଲେ ଯେ, ସେ ଯାହାଙ୍କ ସହ ଝିଅକୁ ବିବାହ ଦେବାକୁ ଚାହୁଁଛନ୍ତି ସେ ଋଣଗ୍ରସ୍ତ । ଫଳରେ ତାଙ୍କର ଆର୍ଥିକ ଅବସ୍ଥା ଭଲ ନୁହେଁ ।

ଏହା ପରେ ଝିଅର ମା ତୁରନ୍ତ ଏହି ବିବାହ ପାଇଁ ମନା କରିଦେଲେ ଏବଂ ଯୁକ୍ତି କରିଥିଲେ ଯେ, ଋଣଗ୍ରସ୍ତ ପୁଅ ତାଙ୍କ ଝିଅର ଭବିଷ୍ୟତକୁ କିପରି ସୁରକ୍ଷିତ କରିବେ? ଶେଷ ମୁହୂର୍ତ୍ତରେ ପ୍ରସ୍ତୁତି ବନ୍ଦ ହୋଇଗଲା ଏବଂ ବିବାହ ଭାଙ୍ଗିଗଲା।