ପୋଲିସର କଡ଼ା ଆକ୍ସନ: ‘Indias Got Latent’ର ସମସ୍ତ ଜଜଙ୍କ ନାମରେ ମାମଲା
ମୁମ୍ବାଇ,୧୦ା୨: ଷ୍ଟାଣ୍ଡଅପ୍ ହାସ୍ୟ ଅଭିନେତା ସମୟ ରାଇନାଙ୍କ ସୋ ଇଣ୍ଡିଆର ଗଟ୍ ଲାଟେଣ୍ଟକୁ ନେଇ ବିବାଦ ଥମିବାର ନାଁ ନେଉନି । ନିକଟରେ ରଣବୀର ଆଲହାବାଦିଆ, ଆଶିଷ ଚଞ୍ଚଲାନି, ଯଶପ୍ରୀତ୍ ସିଂ ଏବଂ ଅପୂର୍ବା ମଖିଜା ସୋ’ର ନୂଆ ଏପିସୋଡରେ ଆସିଥିଲେ। ବର୍ତ୍ତମାନ ଗୁଆହାଟୀ ପୋଲିସ ମଧ୍ୟ ସେମାନଙ୍କ ବିରୋଧରେ ଏଫଆଇଆର ପଞ୍ଜୀକରଣ କରିଛି। ସମସ୍ତେ ଅଶ୍ଳୀଳତା ଏବଂ ଅଶ୍ଳୀଳ ଆଲୋଚନାକୁ ପ୍ରୋତ୍ସାହିତ କରୁଥିବା ଅଭିଯୋଗ ହୋଇଛି। ଗୁଆହାଟୀ କ୍ରାଇମ ବ୍ରାଞ୍ଚ ସାଇବର ପୋଲିସ ଷ୍ଟେସନରେ ଅନେକ ବିଭାଗ ଅଧୀନରେ ଏହି ମାମଲା ରୁଜୁ କରିଛି। ଆସାମ ମୁଖ୍ୟମନ୍ତ୍ରୀ ‘ X’ ରେ ପୋଷ୍ଟ କରିବାବେଳେ ଏହି FIR ବିଷୟରେ ସୂଚନା ଦେଇଛନ୍ତି।
Today @GuwahatiPol has registered an FIR against against certain Youtubers and social Influencers, namely
1. Shri Ashish Chanchlani
2. Shri Jaspreet Singh
3. Shri Apoorva Makhija
4. Shri Ranveer Allahbadia
5. Shri Samay Raina and others
for promoting obscenity and engaging in…— Himanta Biswa Sarma (@himantabiswa) February 10, 2025
ଏହି ପୋଷ୍ଟରେ ସେ ଲେଖିଛନ୍ତି, ଗୁଆହାଟୀ ପୋଲିସ କିଛି ବିଶିଷ୍ଟ ୟୁଟ୍ୟୁବର୍ ତଥା ସୋସିଆଲ୍ ମିଡିଆ ପ୍ରଭାବଶାଳୀ ବ୍ୟକ୍ତିଙ୍କ ବିରୋଧରେ ଏଫ୍ଆଇଆର୍ ପଞ୍ଜୀକୃତ କରିଛି, ଯେଉଁମାନେ ଅଶ୍ଳୀଳତା ଏବଂ ଅଶ୍ଳୀଳ ଆଲୋଚନାକୁ ପ୍ରୋତ୍ସାହିତ କରୁଛନ୍ତି। ଯେଉଁ ବ୍ୟକ୍ତିଙ୍କ ବିରୋଧରେ ଏହି ମାମଲା ପଞ୍ଜୀକୃତ ହୋଇଛି। ଏହି ଘଟଣାରେ ପୋଲିସ ତଦନ୍ତ ଆରମ୍ଭ କରିଛି ଏବଂ ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ସିଏମ୍ ଲେଖିଛନ୍ତି ଯେ, ଘଟଣାର ସମ୍ବେଦନଶୀଳତାକୁ ବିଚାରକୁ ନେଇ ଏହି ଘଟଣାର ଖୁବ୍ ଶୀଘ୍ର ଅନୁସନ୍ଧାନ କରାଯିବ।
ରଣବୀର ତାଙ୍କ ଆପତ୍ତିଜନକ ବିବୃତ୍ତି ପାଇଁ କ୍ଷମା ମାଗିଛନ୍ତି। ସୋମବାର ସେ ‘X’ ରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ସ୍ୱୀକାର କରିଛନ୍ତି ଯେ, ତାଙ୍କ ମନ୍ତବ୍ୟ ସତ୍ୟ ନୁହେଁ କି ମଜାଳିଆ ନୁହେଁ। ମୋତେ କ୍ଷମା କର। ‘ଭିଡିଓରେ ସେ କହିଛନ୍ତି, ସେ କମେଡିରେ ପାରଦର୍ଶୀ ନୁହନ୍ତି ଏବଂ ତାଙ୍କ ଭୁଲ ପାଇଁ କୌଣସି ବାହାନା କରିବେ ନାହିଁ। ସେ ସ୍ପଷ୍ଟ ଭାବରେ କହିଛନ୍ତି ଯେ, ତାଙ୍କର ଉଦ୍ଦେଶ୍ୟ କାହାର ଭାବନାକୁ ଆଘାତ କରିବା ନୁହେଁ ଏବଂ ଏଥିପାଇଁ ସେ ହୃଦୟରୁ କ୍ଷମା ପ୍ରାର୍ଥନା କରିଛନ୍ତି।