ଶେଷ ଦିନିକିଆ ପାଇଁ ଅହମଦାବାଦରେ ପହଞ୍ଚିଲା ଟିମ୍ ଇଣ୍ଡିଆ, ସାମ୍ନାକୁ ଆସିଲା ଫଟୋ

ନୂଆଦିଲ୍ଲୀ: ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଥିବା ତିନିଟିକିଆ ୱାନଡେ ସିରିଜର ଶେଷ ମୁକାବିଲା ୧୨ ଫେବୃଆରୀ, ବୁଧବାର ଦିନ ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ।

ସିରିଜର ଦ୍ୱିତୀୟ ମୁକାବିଲା କଟକ ବାରବାଟୀ ଷ୍ଟାଡିୟମରେ ରବିବାର ଦିନ ଥିଲା। ବର୍ତ୍ତମାନ ଟିମ୍ କଟକରୁ ଅହମଦାବାଦରେ ପହଞ୍ଚି ସାରିଛି। ଭାରତୀୟ ଖେଳାଳିମାନଙ୍କର ଅହମଦାବାଦରେ ପହଞ୍ଚିବାର ଫଟୋ ବିସିସିଆଇ ମାଧ୍ୟମରେ ସୋସିଆଲ ମିଡିଆରେ ସେୟାର କରାଯାଇଛି।

ଫଟୋରେ ବିଭିନ୍ନ ଖେଳାଳିଙ୍କ ଶାନଦାର ଲୁକ ଦେଖିବାକୁ ମିଳିଛି। ବିରାଟ କୋହଲି ଏବଂ କ୍ୟାପ୍ଟେନ ରୋହିତ ଶର୍ମା ମଧ୍ୟ ଏହି ଫଟୋରେ ନଜର ଆସିଛନ୍ତି।

ସିରିଜର ଦୁଇଟି ମୁକାବିଲାରେ ବିଜୟ ହାସଲ କରି ଟିମ ଇଣ୍ଡିଆ ସିରିଜରେ ୨-୦ର ଅଗ୍ରଣୀ ହାସଲ କରିସାରିଛି।