RRB Group D 2025 : ରେଲୱେରେ ୩୨୦୦୦ ରୁ ଅଧିକ ଚାକିରି, ବଢ଼ିଲା ଗ୍ରୁପ ଡି’ ନିଯୁକ୍ତି ପାଇଁ ଆବେଦନର ଲାଷ୍ଟ ଡେଟ
ନୂଆଦିଲ୍ଲୀ : ଭାରତୀୟ ରେଳବାଇରେ RRB Group D ନିଯୁକ୍ତି ୨୦୨୫ ପାଇଁ ଆବେଦନ କରିବାର ଶେଷ ତାରିଖକୁ ବଢ଼ାଇ ଦିଆଯାଇଛି । ଏବେ ୨୨ ଫେବୃଆରୀ ପରିବର୍ତ୍ତେ ୧ ମାର୍ଚ୍ଚ ୨୦୨୫ ପର୍ଯ୍ୟନ୍ତ ଆବେଦନ କରାଯାଇପାରିବ । ଏହା ମାଧ୍ୟମରେ, ରେଳବାଇରେ ଗ୍ରୁପ୍ ଡି ବର୍ଗରେ ୩୨,୪୩୮ ପଦବୀ ପାଇଁ ନିଯୁକ୍ତି ହେବ ।
ଆବେଦନ ଫିସ୍ ଦେବାର ଶେଷ ତାରିଖ ମଧ୍ୟ ୨୪ ଫେବୃଆରୀରୁ ୩ ମାର୍ଚ୍ଚକୁ ବୃଦ୍ଧି କରାଯାଇଛି । ଏହା ପରେ, ଫର୍ମରେ ସଂଶୋଧନ ମାର୍ଚ୍ଚ ୪ ରୁ ମାର୍ଚ୍ଚ ୧୩ ପର୍ଯ୍ୟନ୍ତ କରାଯାଇପାରିବ । ରେଲୱେ ନିଯୁକ୍ତି ବୋର୍ଡ କହିଛି ଯେ ପ୍ରାର୍ଥୀମାନେ କ୍ରିଏଟ୍ ଆକାଉଣ୍ଟ ଏବଂ ମନୋନୀତ ରେଲୱେ ଜୋନରେ ପ୍ରବେଶ କରାଯାଇଥିବା ବିବରଣୀରେ କୌଣସି ପରିବର୍ତ୍ତନ କରିପାରିବେ ନାହିଁ ।
ରେଳବାଇ ନିଯୁକ୍ତି ବୋର୍ଡ କହିଛି ଯେ ପ୍ରତ୍ୟେକ ପ୍ରାର୍ଥୀ କେବଳ ଗୋଟିଏ RRB ପାଇଁ ଆବେଦନ କରିପାରିବେ । ଯଦି ଆପଣ ଗୋଟିଏରୁ ଅଧିକ ଜୋନରେ ଆବେଦନ କରନ୍ତି, ତେବେ ଫର୍ମଟି ନାକଚ ହୋଇଯିବ । ତଥାପି, ଜଣେ ଗୋଟିଏ RRBରେ ଏକାଧିକ ପଦବୀ ପାଇଁ ଆବେଦନ କରିପାରିବେ । ଏଥିପାଇଁ ଅଲଗା ଅଲଗା ଫର୍ମ ପୂରଣ କରିବାର ଆବଶ୍ୟକତା ନାହିଁ ।
ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ଅଫିସିଆଲ୍ ୱେବସାଇଟ୍ https://rrbapply.gov.in/ ଯାଇ ଆବେଦନ କରିପାରିବେ। ଏହି ପଦବୀ ପାଇଁ ଆବେଦନ କରୁଥିବା ପ୍ରାର୍ଥୀଙ୍କ ବୟସ ସୀମା ୧ ଜାନୁଆରୀ, ୨୦୨୫ ସୁଦ୍ଧା ୧୮ ରୁ ୩୬ ବର୍ଷ ମଧ୍ୟରେ ହେବା ଉଚିତ। ସଂରକ୍ଷିତ ବର୍ଗର ପ୍ରାର୍ଥୀମାନଙ୍କୁ ବୟସ ସୀମାରେ ଛାଡ଼ ଦିଆଯିବ, ଯାହାର ସୂଚନା ପ୍ରାର୍ଥୀମାନେ ଅଫିସିଆଲ ବିଜ୍ଞପ୍ତିରେ ପାଇପାରିବେ।
ଆବେଦନ ଶୁଳ୍କ:
ସମସ୍ତ ପ୍ରାର୍ଥୀଙ୍କ ପାଇଁ ପରୀକ୍ଷା ଫିସ୍ ୫୦୦ ଟଙ୍କା।
ପିଡବ୍ଲୁବିଡି/ମହିଳା/ଟ୍ରାନ୍ସଜେଣ୍ଡର/ପୂର୍ବ ସୈନିକ, ଏସସି/ଏସଟି/ସଂଖ୍ୟାଲଘୁ ସମ୍ପ୍ରଦାୟ ଏବଂ ଆର୍ଥିକ ଦୃଷ୍ଟିରୁ ପଛୁଆ ବର୍ଗ (ଇବିସି) ପ୍ରାର୍ଥୀଙ୍କ ପାଇଁ ଫି ୨୫୦ ଟଙ୍କା।
ଫି କେବଳ ଅନଲାଇନ୍ ମୋଡ୍ ମାଧ୍ୟମରେ ପୈଠ କରାଯିବ। ଏଥିପାଇଁ ପ୍ରାର୍ଥୀମାନେ ବ୍ୟାଙ୍କିଙ୍ଗ, ଡେବିଟ୍/କ୍ରେଡିଟ୍ କାର୍ଡ, UPI ଇତ୍ୟାଦି ମାଧ୍ୟମରେ ଫି ଦାଖଲ କରିପାରିବେ।