ପୁଣି ବାରବାଟୀରେ ମ୍ୟାଚ୍, ମୁହାଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା

କଟକ: ପୁଣି ବାରବାଟୀରେ ଦେଖିବାକୁ ମିଳିବ ହାଇଭୋଲଟେଜ୍ ମ୍ୟାଚ୍। ଆଉ କିଛି ଦିନ ପରେ ପୁଣିଥରେ କଟକ ବାରବାଟୀ ଷ୍ଟାଡିୟମରେ ଦେଖିବାକୁ ମିଳିବ ଟି-୨୦ ମ୍ୟାଚ୍। ପୂର୍ବରୁ ଏନେଇ ଆଶଙ୍କା ରହିଥିବା ବେଳେ, ଏବେ କିନ୍ତୁ ଏହା ସ୍ପଷ୍ଟ ହୋଇଛି।

କି ଆସନ୍ତା ଡିସେମ୍ୱର ୯ ତାରିଖରେ ବାରବାଟୀରେ ଖେଳାଯିବ ଟି-୨୦ ମ୍ୟାଚ୍। ମୁହାଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା। ଦୁଇ ଦେଶ ମଧ୍ୟରେ ୫ ମ୍ୟାଚ୍ ବିଶିଷ୍ଟ ସିରିଜ ଖେଳାଯିବ। ଆଉ ଏହି ସିରିଜର ପ୍ରଥମ ମ୍ୟାଚ୍ ବାରବାଟୀରେ ଖେଳାଯିବ ବୋଲି ସ୍ପଷ୍ଟ ହୋଇଛି।

ଯଦି ଦେଖିବା ବାରବାଟୀରେ ବିଶେଷ ମ୍ୟାଚ୍ ଅନୁଷ୍ଠିତ ହୋଉନାହିଁ। ଦୀର୍ଘ ବର୍ଷ ପରେ ଚଳିତ ବର୍ଷ ବାରବାଟୀରେ ଓ୍ୱାନଡେ ମ୍ୟାଚ୍ ଅନୁଷ୍ଠିତ ହୋଇଥିଲା। ଯାହାକୁ ଦେଖିବା ପାଇଁ ପ୍ରବଳ କ୍ରିକେଟ ପ୍ରେମୀଙ୍କ ଭିଡ଼ ଜମିଥିଲା।

ଏପରିକି ବ୍ଲାକରେ ଟିକେଟ୍ ମଧ୍ୟ ବିକ୍ରି ହେଉଥିଲା। ଏମିତିକି ରାତି ରାତି ଅନିଦ୍ରା ହୋଇ ମଧ୍ୟ ଧାଡିରେ ଛିଡା ହେବା ସତ୍ତ୍ୱେ ଟିକେଟ ନପାଇ ନିରାଷ ହେବାକୁ ପଡିଥିଲା ଅନେକ କ୍ରିକେଟ ପ୍ରେମୀଙ୍କୁ।

ତେବେ ସେ ଯାହା ହେଉନା କାହିଁକି ବାରବାଟୀକୁ ବିଶେଷ ମ୍ୟାଚ୍ ଆସୁନଥିବାରୁ ବର୍ଷ ବର୍ଷ ପରେ ଗୋଟେ ଦୁଇଟି ମ୍ୟାଚ୍ ଅନୁଷ୍ଠିତ ହେବାରୁ, କ୍ରିକେଟ୍ ପ୍ରେମୀଙ୍କ ଉତ୍ସାହ ଦେଖିବାକୁ ମିଳିଛି।

ଆଉ ତାପରେ ଚଳିତ ବର୍ଷ କ୍ରିକେଟ ପ୍ରେମୀମାନଙ୍କ ପାଇଁ ପୁଣି ଏକ ଖୁସି ଖବର ଆସିଛି। କି ଡିସେମ୍ୱର ୯ ତାରିଖରେ ବାରବାଟୀରେ ଖେଳାଯିବାକୁ ଯାଉଛି ଟି-୨୦ ମ୍ୟାଚ୍। ଯେଉଁଥିରେ ମୁହାଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା। ଆଉ ଏହି ସୂଚନା ଆସିବା ପରେ ଭାରତୀୟ କ୍ରିକେଟ ପ୍ରେମୀଙ୍କ ଖୁସି କହିଲେ ନସରେ।