Breaking: ପୁରୀରେ ଆଉ ଭକ୍ତଙ୍କୁ ଦୁର୍ବ୍ୟବହାର କରିବେନି ସେବାୟତ, ଦିଆଯାଉଛି ପ୍ରଶିକ୍ଷଣ

ପୁରୀ: ଏଣିକି ଭକ୍ତ ମାନଙ୍କୁ ଆଉ ପୁରୀରେ ଦୁର୍ବ୍ୟବହାର କରିପାରିବେନି ସେବାୟତ। ସେଥିପାଇଁ ପୁରୀ ଶ୍ରୀମନ୍ଦିର ସେବାୟତଙ୍କୁ ଦିଆଯାଉଛି ପ୍ରଶିକ୍ଷଣ। ଭକ୍ତ ମାନଙ୍କ ପ୍ରତି ଉତ୍ତମ ଆଚରଣ, ବ୍ୟବାହର ଓ ନୀତିକାନ୍ତି ନେଇ ସେବାୟତଙ୍କୁ ଦିଆଯାଉଛି ପ୍ରଶିକ୍ଷଣ।

ନୀଳାଦ୍ରି ଭକ୍ତ ନିବାସରେ ସେବାୟତଙ୍କ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଛି। ପ୍ରଶିକ୍ଷଣ ଶିବିରରେ ବିଭିନ୍ନ ନିଯୋଗର ସେବାୟତ ସାମିଲ ଅଛନ୍ତି। ଆଜି ଓ ଆସନ୍ତା କାଲି ଦୁଇଦିନ ଧରି ଚାଲିବ ଏହି ପ୍ରଶିକ୍ଷଣ କାର୍ଯ୍ୟକ୍ରମ। ଜିଲ୍ଲାପାଳ ଓ ଶ୍ରୀମନ୍ଦିର ପ୍ରଶାସକଙ୍କ ତତ୍ୱାବଧାନରେ ଏହି ପ୍ରଶିକ୍ଷଣ ଦିଆଯାଉଛି।

ଯେହେତୁ ଅନେକ ସମୟରେ ଆପଣମାନେ ଜାଣିଥିବେ କିମ୍ୱା ନିଜେ ଅଙ୍ଗେ ନିଭେଇଥିବେ, ଏମିତିକି ଅନେକ ଅଭିଯୋଗ ଆସିବାର ଶୁଣିଥିବେ, କି ପୁରୀର ସେବାୟତମାନେ ଭକ୍ତମାନଙ୍କୁ ଦୁର୍ବ୍ୟବହାର କରନ୍ତି।

ସେମାନଙ୍କ ଇଚ୍ଛା ଅନୁସାରେ କାର୍ଯ୍ୟ କରନ୍ତି। ଏପରିକି ସେବାୟତମାନଙ୍କ ମଧ୍ୟରେ ମନମତାନ୍ତରକୁ ନେଇ କିଛି ସମୟରେ ନୀତିକାନ୍ତିରେ ଅବହେଳା ମଧ୍ୟ ହୁଏ। ଆଗକୁ ଯେପରି ଏସବୁ କିଛି ନହେବ, ସେଥିପାଇଁ ସେବାୟତମାନଙ୍କୁ ପ୍ରଶିକ୍ଷଣ ଦିଆଯାଉଛି।