Breaking: ନେପାଳରେ ଭୂକମ୍ପ ଝଟକା, ଥରିଲା ଉତ୍ତର ଭାରତ
ମିଆଁମାର ଭୂକମ୍ପ ପରେ ଏବେବି ଜୀବନ ପାଇଁ ସେଠାରେ ସଂଘର୍ଷ ଚାଲିଥିବା ବେଳେ, ପୁଣିଥରେ ନେପାଳରେ ୩ ମିନିଟରେ ୨ ଥର ଭୂକମ୍ପ ଅନୁଭୂତ ହୋଇଛି।
ନେପାଳ: ପୁଣି ଭୂକମ୍ପ ଝଟକା। ମିଆଁମାର ଭୂକମ୍ପରେ ପୁରା ଅଞ୍ଚଳ ଛାରଖାର ହୋଇଯିବା ପରେ, ଏବେ ନେପାଳରେ ଅନୁଭୂତ ହୋଇଛି ଭୂକମ୍ପ ଝଟକା। ୩ ମିନିଟ୍ ମଧ୍ୟରେ ୨ ଥର ଭୂକମ୍ପ ଝଟକାରେ ଥରିଲା ନେପାଳ। ନେପାଳ ସହ ଉତ୍ତର ଭାରତରେ ମଧ୍ୟ ଅନୂଭୂତ ହେଲା ଭୂମିକମ୍ପ।
ଶୁକ୍ରବାର ରାତି ୮.୭ ମିନିଟରେ ପ୍ରଥମେ ୫.୨ ତୀବ୍ରତାର ଏକ ଭୂମିକମ୍ପ ହୋଇଥିଲା। ଆଉ ତାପରେ ପୁଣି ଦ୍ୱିତୀୟ ଥର ପାଇଁ ୮.୧୦ ମିନିଟରେ ଆହୁରି ଜୋରେ ୫.୫ ତୀବ୍ରତାରେ ନେପାଳ ଭୂକମ୍ପ ଝଟକାରେ ଥରି ଉଠିଥିଲା।
ଯାହା ଯୋଗୁଁ ନେପାଳର ଅନେକ ଅଞ୍ଚଳରେ ଭୂମିକମ୍ପ ଅନୁଭୂତ ହୋଇଥିଲା। ଭୂମିକମ୍ପର କେନ୍ଦ୍ରସ୍ଥଳ ନେପାଳରେ ଥିଲା। କିନ୍ତୁ ଏହାର ଝଟକା ଉତ୍ତର ଭାରତର ଅନେକ ସ୍ଥାନରେ, ବିଶେଷକରି ଉତ୍ତର ପ୍ରଦେଶ, ବିହାର ଏବଂ ଉତ୍ତରାଖଣ୍ଡରେ ମଧ୍ୟ ମୃଦୁ ଅନୁଭୂତ ହୋଇଥିଲା।
ଭୂମିକମ୍ପ ଅନୁଭୂତ ହେବା ମାତ୍ରେ ଲୋକଙ୍କ ମଧ୍ୟରେ ଆତଙ୍କ ଖେଳିଗଲା ଏବଂ ଅନେକ ଲୋକ ଘରୁ ବାହାରକୁ ବାହାରି ଆସିଲେ। ତଥାପି, ଜୀବନ କିମ୍ବା ସମ୍ପତ୍ତି କ୍ଷୟକ୍ଷତି ବିଷୟରେ ଏପର୍ଯ୍ୟନ୍ତ କୌଣସି ସରକାରୀ ସୂଚନା ପ୍ରକାଶ କରାଯାଇ ନାହିଁ।
ବିଶେଷଜ୍ଞମାନେ କହିଛନ୍ତି ଯେ ଏହା ଏକ ମଧ୍ୟମ ତୀବ୍ରତାର ଭୂମିକମ୍ପ ଥିଲା, କିନ୍ତୁ ଭବିଷ୍ୟତରେ ଏକ ବଡ଼ ଭୂମିକମ୍ପ ହେବାର ସମ୍ଭାବନାକୁ ଏଡ଼ାଇ ଦିଆଯାଇପାରିବ ନାହିଁ। ତଥାପି, ସମ୍ପ୍ରତି ମିଆଁମାର ଏବଂ ବ୍ୟାଙ୍କକରେ ଘଟିଥିବା ଧ୍ୱଂସାବଶେଷକୁ କେହି ଭୁଲିପାରିବେ ନାହିଁ। ଲୋକମାନେ ଏବେ ବି ଭୂମିକମ୍ପ ଯୋଗୁଁ ହୋଇଥିବା କ୍ଷୟକ୍ଷତି ସହିତ ସଂଘର୍ଷ କରୁଛନ୍ତି।