ଆଜି ହେବ ନିଷ୍ପତ୍ତି, କାହା ଅଧିନରେ ଚଳିତ Test ମ୍ୟାଚ ଖେଳିବେ ଭାରତୀୟ କ୍ରିକେଟର
ଆଜି ବିସିସିଆଇର ବୈଠକ । ଶୁଭମନ ଅଧିନାୟକ ହେବା ନେଇ ସମ୍ଭାବନା ଅଧିକ ।
ନୂଆଦିଲ୍ଲୀ: ଭାରତୀୟ ଟେଷ୍ଟ ଦଳର ନୂଆ ଅଧିନାୟକ କିଏ ହେବେ? ରୋହିତ ଶର୍ମାଙ୍କ ଅବସର ପରେ, ଲୋକମାନେ ଏହି ପ୍ରଶ୍ନର ଉତ୍ତର ଜାଣିବାକୁ ଚାହାଁନ୍ତି। ସୂଚନା ଅନୁସାରେ ବିସିସିଆଇ ଆଜି ଏକ ବୈଠକ ଡାକିବାକୁ ଯାଉଛି, ଯେଉଁଥିରେ ଇଂଲଣ୍ଡ ଗସ୍ତ ପାଇଁ ଦଳ (India Squad For England Tour) ସହିତ ନୂତନ ଟେଷ୍ଟ ଅଧିନାୟକ ବଛାଯିବ।
ଭାରତ ଏବଂ ଇଂଲଣ୍ଡ ମଧ୍ୟରେ ଜୁନ୍ 20 ରୁ 5 ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯିବାକୁ ଯାଉଛି। ବିସିସିଆଇ ଆଜି ନୂତନ ଅଧିନାୟକଙ୍କ ସମ୍ପର୍କରେ ନିଷ୍ପତ୍ତି ଘୋଷଣା କରିବାର ଆଶଙ୍କା ରହିଛି।
ଟିମ୍ ଇଣ୍ଡିଆର ମୁଖ୍ୟ ଚୟନକର୍ତ୍ତା ଅଜିତ ଅଗରକର ଆଜି ଅପରାହ୍ନ ୧:୩୦ ରେ ଏକ ସାମ୍ବାଦିକ ସମ୍ମିଳନୀ କରିବାକୁ ଯାଉଛନ୍ତି, ଯେଉଁଥିରେ ନୂତନ ଅଧିନାୟକଙ୍କ ନାମ ଚୂଡ଼ାନ୍ତ ହୋଇପାରେ। ସେହିପରି ଇଂଲଣ୍ଡ ଗସ୍ତ ପାଇଁ ଭାରତୀୟ ଦଳରେ ୧୭ ଜଣ ଖେଳାଳିଙ୍କୁ ସାମିଲ କରାଯିବ।
ଶୁଭମନ ଗିଲ ଏବଂ ଜସପ୍ରୀତ ବୁମରାହଙ୍କ ମଧ୍ୟରୁ କାହାର ନାମ ଚୂଡ଼ାନ୍ତ ହେବ ସେ ବିଷୟରେ ମଧ୍ୟ ଆଲୋଚନା ହେଉଛି। କିଛି ଗଣମାଧ୍ୟମ ରିପୋର୍ଟ ଅନୁସାରେ, କାର୍ଯ୍ୟଭାର ପରିଚାଳନା କାରଣରୁ ଜସପ୍ରିତ ବୁମରାହ ଅଧିନାୟକତ୍ୱ ଦୌଡ଼ରୁ ବାଦ ପଡ଼ିଛନ୍ତି।
ଏପରିକି ସେ ଇଂଲଣ୍ଡ ବିପକ୍ଷରେ ସମସ୍ତ 5ଟି ମ୍ୟାଚ୍ ଖେଳିପାରିବେ ନାହିଁ ବୋଲି ଖବର ଜୋର ଧରିଛି। ରିପୋର୍ଟ ଅନୁସାରେ, ଶୁଭମନ ଗିଲଙ୍କୁ ନୂତନ ଟେଷ୍ଟ ଅଧିନାୟକ ଏବଂ ରିଷଭ ପନ୍ତଙ୍କୁ ଉପ-ଅଧିନାୟକ ଘୋଷଣା କରାଯାଇପାରେ।