ବଟ ସାବିତ୍ରୀ ବ୍ରତ: ବଟ ଗଛରେ କାହିଁକି 7 ଥର ଗୁ଼ଡ଼ାଯାଏ ସୂତା ?

ଓଡ଼ିଶା ଭାସ୍କର: ବିବାହିତ ମହିଳାମାନେ ସେମାନଙ୍କ ସ୍ବାମୀଙ୍କ ସୁରକ୍ଷା, ଉତ୍ତମ ସ୍ବାସ୍ଥ୍ୟ, ଦୀର୍ଘ ଜୀବନ ପାଇଁ ଅନେକ ଓଷା ବ୍ରତ କରିଥାନ୍ତି । ସେଥି ମଧ୍ୟରୁ ଵଟ ସାବିତ୍ରୀ ବ୍ରତ ଅନ୍ୟତମ । ଏହି ବ୍ରତ ବିବାହିତ ନାରୀମାନଙ୍କ ପାଇଁ ବହୁତ ସ୍ୱତନ୍ତ୍ର। ଏହି ଉପବାସରେ ବଟବୃକ୍ଷର ପୂଜା କରାଯାଏ।

ପୌରାଣିକ ବିଶ୍ୱାସ ଅନୁସାରେ ଏହି ବ୍ରତ ସାବିତ୍ରୀ ଏବଂ ସତ୍ୟବାନଙ୍କ କାହାଣୀ ସହିତ ଜଡିତ । କୁହାଯାଏ ଯେ ଜ୍ୟେଷ୍ଠ ଅମାବାସ୍ୟା ଦିନ ଯମରାଜ, ଦେବୀ ସାବିତ୍ରୀଙ୍କ ସ୍ୱାମୀ ସତ୍ୟବାନଙ୍କୁ ବଟବୃକ୍ଷ ତଳେ ପୁନର୍ଜୀବିତ କରିଥିଲେ। ଏହି ଗଛକୁ ଅକ୍ଷୟ ବଟ ବୋଲି ମଧ୍ୟ କୁହାଯାଏ । କାରଣ ଏହି ବଟ କେବେ କ୍ଷୟ ହୁଏ ନାହିଁ । ଏହି କାରଣରୁ ଏହି ଉପବାସରେ ବଟଗଛକୁ ପୂଜା କରାଯାଏ।

ଏହି ଉପବାସରେ ବଟବୃକ୍ଷ ପୂଜାର ମହତ୍ତ୍ୱ ରହିଛି। କୁହାଯାଏ ଯେ ଜ୍ୟେଷ୍ଠ ଅମାବାସ୍ୟା ଦିନ ଯମରାଜ ଦେବୀ ସାବିତ୍ରୀଙ୍କ ସ୍ୱାମୀ ସତ୍ୟବରଙ୍କୁ ବଟବୃକ୍ଷ ତଳେ ପୁନର୍ଜୀବିତ କରିଥିଲେ। ଏହି ଗଛ କେବେ କ୍ଷୟ ହୁଏ ନାହିଁ ବୋଲି ଏହାକୁ ଅକ୍ଷୟ ବଟ ବୋଲି ବିବେଚନା କରାଯାଏ। ଏହି କାରଣରୁ ଏହି ଉପବାସରେ ବଟଗଛକୁ ପୂଜା କରାଯାଏ।

ବଟ ସାବିତ୍ରୀ ଦିନ, ବିବାହିତ ନାରୀମାନେ ପୂଜା ସମୟରେ ବଟ ଗଛର ଚାରିପାଖରେ ହଳତୀ ପାଣିରେ ବୁଡ଼ାହୋଥିବା ସୂତାକୁ ସାତ ଥର ଗୁଡ଼ାଇଥାନ୍ତି। ଏହାକୁ ସାତ ଜୀବନ ପାଇଁ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଅତୁଟ ବନ୍ଧନର ପ୍ରତୀକ ଭାବରେ ମାନାଯାଏ । ତେଣୁ, ଏହି ସୂତାକୁ ବଟ ଗଛ ଚାରିପାଖରେ ସାତ ଥର ଗୁଡ଼ାଯାଏ । ଯାହା ଦ୍ୱାରା ବୈବାହିକ ଜୀବନ ସାତ ଜନ୍ମ ପାଇଁ ବାନ୍ଧି ହୋଇ ରହିଥାଏ।

ବଟବୃକ୍ଷ ପୂଜା କରିବା ପରେ, ସାବିତ୍ରୀ-ସତ୍ୟବାନ କାହାଣୀ ମଧ୍ୟ ପାଠ କରିବା ଉଚିତ ଏବଂ ସ୍ୱାମୀଙ୍କ ଦୀର୍ଘ ଜୀବନ ପାଇଁ ପ୍ରାର୍ଥନା କରିବା ଉଚିତ। ଏହିପରି, ମହିଳାମାନେ ବଟ ସାବିତ୍ରୀ ବ୍ରତ ଦିନ ପୂଜା କରି ସୌଭାଗ୍ୟ ପ୍ରାପ୍ତ କରନ୍ତି।

ଯଦି ଆପଣ ସେହି ଦିନ ବଟଗଛ ପାଆନ୍ତି ନାହିଁ, ତେବେ ପୂଜାର ଗୋଟିଏ ଦିନ ପୂର୍ବରୁ ବଟଗଛର ଏକ ଡାଳ ଆଣି ଏକ ପାତ୍ରରେ ଲଗାନ୍ତୁ ଏବଂ ତାହାକୁ ଆପଣ ନିଜ ଘରେ ମଧ୍ୟ ରଖି ପୂଜା କରିପାରିବେ ।

ବଟବୃକ୍ଷ ମୂଳରେ ବ୍ରହ୍ମା, ଗଣ୍ଡିରେ ଭଗବାନ ବିଷ୍ଣୁ ଏବଂ ଡାଳରେ ଭଗବାନ ଶିବ ବାସ କରନ୍ତି। ଏହାର ଶାଖାଗୁଡ଼ିକୁ ମାତା ସାବିତ୍ରୀଙ୍କ ପ୍ରତୀକ ବୋଲି ବିଶ୍ବସ କରାଯାଏ। ଏହାକୁ ପୂଜା କରିବା ଦ୍ୱାରା ତ୍ରିମୂର୍ତ୍ତିଙ୍କ ଆଶୀର୍ବାଦ ମିଳିଥାଏ।

ଏହି ବର୍ଷ 26 ମେ, ସୋମବାର ହୋଇଥିବାରୁ, ଜ୍ୟେଷ୍ଠ ଅମାବାସ୍ୟାରେ ଶୁଭ ସୋମବତୀ ଅମାବାସ୍ୟାର ସଂଯୋଗ ହେବ। ଏପରି ପରିସ୍ଥିତିରେ, ଏହି ଦିନ ବଟ ସାବିତ୍ରୀ ଉପବାସର ସଂଯୋଗ ରହିଛି, ଯାହା ମହିଳାମାନଙ୍କ ପାଇଁ ଲାଭଦାୟକ ହେବ।