ଟେଷ୍ଟିଂ ବେଳେ ବ୍ଲାଷ୍ଟ୍ ହେଲା ଏଲନ ମସ୍କଙ୍କ SpaceX Starship ରକେଟ୍, ଦେଖନ୍ତୁ ଭିଡିଓ…

ୱାଶିଂଟନ: ଟେଷ୍ଟିଂ ବେଳେ ବୋମା ଭଳି ଫୁଟିଲା ଏଲନ ମସ୍କଙ୍କ SpaceX Starship ରକେଟ୍ । ଏହି ରକେଟ୍ ମହାକାଶକୁ ଉଡ଼ିବାର ଅନ୍ତିମ ପର୍ଯ୍ୟାୟରେ ଥିଲା, ଯେଉଁଠାରେ ଏହାର ଷ୍ଟେଟିକ ଫାୟାର ଟେଷ୍ଟିଂ କରାଯାଉଥିଲା।

ଏହି ରକେଟ୍ ଆଜି ଭାରତୀୟ ସମୟ ସକାଳ 9:30 ରେ ଲଞ୍ଚ ହେବାର ଥିଲା, କିନ୍ତୁ ଏହା ଫାୟାର ଟେଷ୍ଟିଂ ସମୟରେ ବିସ୍ଫୋରଣ ହୋଇଥିଲା। ଏହି ରକେଟ୍ ବିସ୍ଫୋରଣ ବିଷୟରେ ସ୍ପେସଏକ୍ସ ଏକ ସରକାରୀ ବିବୃତ୍ତି ଜାରି କରି କହିଛି ଯେ, ପରୀକ୍ଷଣ ସ୍ଥଳର ପରିସ୍ଥିତି ନିୟନ୍ତ୍ରଣରେ ଅଛି ଏବଂ ସମସ୍ତେ ସୁରକ୍ଷିତ ଅଛନ୍ତି। ତେବେ ବିସ୍ଫୋରଣ ବେଳର ଦେଖନ୍ତୁ ଏହି ଭିଡିଓ…

This Starship just exploded during the static fire test, not during launch. Don’t let the leftist media twist the facts.

pic.twitter.com/QLPQffGi7n

— DogeDesigner (@cb_doge) June 19, 2025

ରିପୋର୍ଟ ଅନୁଯାୟୀ, ଷ୍ଟାରସିପର ଏହି ରକେଟ୍ Ship 36 ଆଗାମୀ ଟେଷ୍ଟ ଫ୍ଲାଇଟ୍ ପାଇଁ ଚୟନ କରାଯାଇଥିଲା ଏବଂ ଟେକ୍ସାସର ଷ୍ଟାରବେସ୍ ଫାସିଲିଟିରେ ଏହାର ରୋଟିନ୍ ଇଞ୍ଜିନ୍ ଷ୍ଟାଟିକ୍ ଫାୟାର ଟେଷ୍ଟିଂ କରାଯାଉଥିଲା। ଅଗ୍ନି ପରୀକ୍ଷଣ ସମୟରେ, ଏକ ଜୋରରେ ବିସ୍ଫୋରଣ ହୋଇଥିଲା ଏବଂ ରକେଟ୍ ବ୍ଲାଷ୍ଟ ହୋଇଯାଇଥିଲା।

ରକେଟ୍ ବିସ୍ଫୋରଣ ହେବା ମାତ୍ରେ, ସମସ୍ତ ଜରୁରୀକାଳୀନ ପ୍ରୋଟୋକଲ୍ କାର୍ଯ୍ୟକାରୀ କରାଯାଇଥିଲା ଏବଂ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ସେଠାରେ ଉପସ୍ଥିତ କୌଣସି କର୍ମଚାରୀ ପ୍ରାଣ ହରାଇ ନଥିଲେ ଏବଂ ସମସ୍ତେ ସୁରକ୍ଷିତ ଥିବା ଜଣାପଡ଼ିଛି। ବର୍ତ୍ତମାନ, ଏହି ଘଟଣାର ଅଧିକ ତଦନ୍ତ କରାଯାଉଛି, ଯାହା ଦ୍ଵାରା ଏହି ରକେଟ ବ୍ଲାଷ୍ଟ ହେବାର ମୁଖ୍ୟ କାରଣ ଜଣାପଡ଼ିବ ।