ବାରିପଦା ବିବାହିତା ମହିଳାଙ୍କୁ ଦୁଷ୍କର୍ମ ମାମଲା: ଅଭିଯୋଗକୁ ମିଛ କହିଲେ ନିଜେ ପୀଡ଼ିତା

ବାରିପଦା: ଗଣଦୁଷ୍କର୍ମ ଅଭିଯୋଗ ମିଛ। ଅଭିଯୋଗକୁ ନିଜେ ମିଛ କହିଲେ ପୀଡ଼ିତା। ମିଛ ଅଭିଯୋଗ କରିଥିଲେ ବୋଲି ପୀଡ଼ିତା ନିଜେ ସ୍ୱୀକାର କରିଛନ୍ତି। କିଛି ଲୋକଙ୍କ କଥାରେ ପଡ଼ି ମିଛ କହିଥିଲେ ବୋଲି କହିଛନ୍ତି।

ଓଡ଼ିଶାର ଗୋପାଳପୁରରେ ଚାଞ୍ଚଲ୍ୟକର ଗଣଦୁଷ୍କର୍ମ ମାମଲା ପରେ ମାତ୍ର ଚାରି ଦିନ ପରେ, ମୟୂରଭଞ୍ଜ ଜିଲ୍ଲାରେ ବୁଧବାର ଦିନ ଆଉ ଏକ ଏଭଳି ଅପରାଧ ସାମ୍ନାକୁ ଆସିଥିଲା।

ଗତକାଲି ବାରିପଦା ସହରର ରାଜବାସା ଅଞ୍ଚଳରେ ଚାରି ଜଣ ଦୁର୍ବୃତ୍ତ ଜଣେ ବିବାହିତା ମହିଳାଙ୍କୁ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା। ପୀଡ଼ିତାଙ୍କ ସ୍ୱାମୀ ଏ ସମ୍ପର୍କରେ ବାରିପଦା ସଦର ଥାନାରେ ଏକ ଅଭିଯୋଗ ଦାୟର କରିଥିଲେ।

ଅଭିଯୋଗ ଅନୁଯାୟୀ, ଗତ ରାତିରେ ଦୁର୍ବୃତ୍ତମାନେ ମହିଳାଙ୍କୁ ତାଙ୍କ ଘରୁ ଅପହରଣ କରି ନିକଟସ୍ଥ ଏକ କୋଠରୀକୁ ନେଇଥିଲେ। ସେମାନେ ମହିଳାଙ୍କୁ ଯୌନ ନିର୍ଯାତନା କରିବା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ।

ପୋଲିସ ଏ ସମ୍ପର୍କରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିବା ପାଇଁ ଖୋଜାଖୋଜି ଆରମ୍ଭ କରିଥିଲା। କିନ୍ତୁ ବର୍ତ୍ତମାନ ତାହା ମିଛ ବୋଲି ପୀଡିତା ନିଜେ ସ୍ୱୀକାର କରିଛନ୍ତି।