ମିଳିଲା ପରିଚୟ, ପହଲଗାମରେ ହମଲା କରିଥିବା ଆତଙ୍କବାଦୀ ପାକିସ୍ତାନର
ସାମ୍ନାକୁ ଆସିଲା ସତ, ପହଲଗାମ ଆତଙ୍କୀଙ୍କ ମିଳିଲା ପରିଚୟ, ଭାରତୀୟଙ୍କୁ ମାରିବାକୁ ପଠେଇଥିଲା ପାକିସ୍ତାନ।
ଜମ୍ମୁକାଶ୍ମୀର: ସାମ୍ନାକୁ ଆସିଲା ବଡ଼ ସତ। ପହଲଗାମ ଆକ୍ରମଣରେ ସମ୍ପୃକ୍ତ ଆତଙ୍କବାଦୀଙ୍କ ସମ୍ପର୍କରେ ବଡ଼ ଖୁଲାସା। ଆକ୍ରମଣରେ ସମ୍ପୃକ୍ତ ତିନି ଜଣ ଆତଙ୍କବାଦୀ ପାକିସ୍ତାନୀ ବୋଲି ମିଳିଲା ପ୍ରମାଣ।
ଏମାନେ ହେଉଛନ୍ତି ଅପରେସନ ମହାଦେବରେ ନିହତ ଆତଙ୍କବାଦୀ। ପହଲଗାମ ଆକ୍ରମଣରେ ସମ୍ପୃକ୍ତ ଆତଙ୍କବାଦୀ ସୁଲେମାନ ଶାହଙ୍କ ଅପରେସନାଲ୍ ନାମ ଫୈଜଲ ଜାଟ। A++ ବର୍ଗର ସୁଲେମାନ ପହଲଗାମ ଆକ୍ରମଣର ମାଷ୍ଟରମାଇଣ୍ଡ ଥିଲା। ସେ ଅପରେସନ ମହାଦେବରେ ନିହତ ହୋଇଛି।
ତୃତୀୟ ଆତଙ୍କବାଦୀର ନାମ ଜିବ୍ରାନ: ହମଲାରେ ସାମିଲ ଦ୍ୱିତୀୟ ଆତଙ୍କବାଦୀ ଆବୁ ହମଜାର ଅପରେସନାଲ୍ ନାମ ଆଫଗାନ ଥିଲା। ସେ ଜଣେ ଏ-ଗ୍ରେଡ୍ କମାଣ୍ଡର ସ୍ତରର ଆତଙ୍କବାଦୀ ଥିଲା। ତୃତୀୟ ଆତଙ୍କବାଦୀ ୟାସିରର ଅପରେସନାଲ୍ ନାମ ଜିବ୍ରାନ ଥିଲା। ସେ ମଧ୍ୟ ଜଣେ ଏ ବର୍ଗର ଆତଙ୍କବାଦୀ କମାଣ୍ଡର ଥିଲା।
ପାକିସ୍ତାନୀ ଭୋଟର ପରିଚୟପତ୍ର ମିଳିଛି: ସୁରକ୍ଷା ଏଜେନ୍ସିଗୁଡ଼ିକ ସୁଲେମାନ ଏବଂ ଆବୁ ହମଜାଙ୍କଠାରୁ ପାକିସ୍ତାନୀ ଭୋଟର ପରିଚୟପତ୍ର ପାଇଛନ୍ତି।
ଉଭୟଙ୍କ ନାମ ଲାହୋର ଏବଂ ଗୁଜରାନୱାଲାର ଭୋଟର ତାଲିକାରେ ମିଳିଛି। ସାଟେଲାଇଟ୍ ଫୋନରେ ମିଳିଥିବା ଆଙ୍ଗୁଠି ଛାପରୁ ଆତଙ୍କବାଦୀମାନଙ୍କୁ ଚିହ୍ନଟ କରାଯାଇଛି।
ଆତଙ୍କବାଦୀମାନଙ୍କ ସହିତ କରାଚୀର ଚକୋଲେଟ୍ ମଧ୍ୟ ମିଳିଛି। ଏହି ଆତଙ୍କବାଦୀମାନେ ପିଓକେର ରାୱାଲାକୋଟ ଏବଂ କସୁରର ବାସିନ୍ଦା ଥିଲେ। ଆତଙ୍କବାଦୀମାନଙ୍କ ପାଖରୁ କରାଚୀରେ ତିଆରି ଚକୋଲେଟ୍ ମିଳିଥିଲା।
ଆତଙ୍କବାଦୀଙ୍କ ଏହି ଗୋଷ୍ଠୀ ୨୧ ଏପ୍ରିଲରେ ବୈସାରନ ଉପତ୍ୟକାରୁ ୨ କିଲୋମିଟର ଦୂରରେ ପହଞ୍ଚିଥିଲା। ଫୋନ୍ର GPS ଲୋକେସନ୍ ପହଲଗାମ୍ ଆକ୍ରମଣରେ ସେମାନଙ୍କର ସମ୍ପୃକ୍ତିକୁ ନିଶ୍ଚିତ କରିଛି।
ଉଦ୍ଧାର ହୋଇଥିବା ଅସ୍ତ୍ରଶସ୍ତ୍ରର ତଦନ୍ତ: ଅପରେସନ୍ ମହାଦେବରେ ଉଦ୍ଧାର ହୋଇଥିବା ଅସ୍ତ୍ରଶସ୍ତ୍ରଗୁଡ଼ିକର ତଦନ୍ତ କରାଯାଇଛି। ବାଲିଷ୍ଟିକ୍ ପରୀକ୍ଷାରୁ ପହଲଗାମ୍ ଆକ୍ରମଣରେ ସେଗୁଡ଼ିକ ବ୍ୟବହୃତ ହୋଇଥିବା ନିଶ୍ଚିତ ହୋଇଛି।
ଆତଙ୍କବାଦୀଙ୍କ ଡିଏନଏ ମଧ୍ୟ ମେଳ ହୋଇଛି। ଏହା ପରେ ହିଁ ନିଶ୍ଚିତ ହୋଇଥିଲା ଯେ ପହଲଗାମ୍ ଆକ୍ରମଣରେ ସମ୍ପୃକ୍ତ ଆତଙ୍କବାଦୀମାନେ ପାକିସ୍ତାନୀ ଥିଲେ, ଯେଉଁମାନେ ଅପରେସନ ମହାଦେବ ଅଧୀନରେ ନିହତ ହୋଇଥିଲେ।
ପ୍ରଥମେ ଭୁଲ ସ୍କେଚ୍ ଜାରି କରାଯାଇଥିଲା: ପହଲଗାମ୍ ଆତଙ୍କବାଦୀ ଆକ୍ରମଣ ପରେ, ଜମ୍ମୁ ଏବଂ କାଶ୍ମୀର ପୋଲିସ ୨୪ ଏପ୍ରିଲ୍, ୨୦୨୫ରେ ହାସିମ୍ ମୁସା, ଅଲି ଭାଇ ଓରଫ ତଲହା ଏବଂ ସ୍ଥାନୀୟ ଆଦିଲ୍ ହୁସେନ୍ ଥୋକରଙ୍କ ସ୍କେଚ୍ ଜାରି କରିଥିଲା।
ଜୁଲାଇରେ ଅପରେସନ୍ ମହାଦେବ ପରେ, NIA ସ୍ପଷ୍ଟ କରିଥିଲା ଯେ ଏହି ସ୍କେଚ୍ ଡିସେମ୍ବର ୨୦୨୪ରେ ହୋଇଥିବା ଗୁଳିବିନିମୟରୁ ଉଦ୍ଧାର ହୋଇଥିବା ଏକ ଫୋନ୍ ଫଟୋ ଉପରେ ଆଧାରିତ। ପ୍ରକୃତ ଆକ୍ରମଣକାରୀମାନେ ଭିନ୍ନ ଭିନ୍ନ ଆତଙ୍କବାଦୀ ଥିଲେ। ଯାହାକି ଦ୍ୱନ୍ଦ୍ୱ ସୃଷ୍ଟି କରିଥିଲା।
ଅପରେସନ ମହାଦେବ: ଅପରେସନ ମହାଦେବ ହେଉଛି ଭାରତୀୟ ସେନା, ଜମ୍ମୁ କାଶ୍ମୀର ପୋଲିସ ଏବଂ ସିଆରପିଏଫ ଦ୍ୱାରା ଜମ୍ମୁ କାଶ୍ମୀରରେ ମିଳିତ ଭାବରେ ପରିଚାଳିତ ଏକ ଆତଙ୍କବାଦ ବିରୋଧୀ ଅଭିଯାନ।
ଏହାର ମୁଖ୍ୟ ଉଦ୍ଦେଶ୍ୟ ଥିଲା ୨୨ ଏପ୍ରିଲ ୨୦୨୫ରେ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପାଇଁ ଦାୟୀ ଆତଙ୍କବାଦୀମାନଙ୍କୁ ନିପାତ କରିବା।
ଯେଉଁଥିରେ ୨୬ ଜଣ ନିର୍ଦ୍ଦୋଷ ପର୍ଯ୍ୟଟକଙ୍କ ମୃତ୍ୟୁ ହୋଇଥିଲା। ଏହି ଅଭିଯାନରେ ଲସ୍କର-ଏ-ତୈବା କମାଣ୍ଡର ହାସିମ ମୁସା ଓରଫ ସୁଲେମାନ ଶାହ, ଯିଏ ଏହି ଆକ୍ରମଣର ମାଷ୍ଟରମାଇଣ୍ଡ ଥିଲା ତାସହ ତିନି ଜଣ ଆତଙ୍କବାଦୀ ନିହତ ହୋଇଥିଲେ।