ସେରମ୍ ଇନଷ୍ଟିଚ୍ୟୁଟରେ ନିଆଁ, ୫ ମୃତ
ପୁଣେ,୨୧ ।୧: ମହାରାଷ୍ଟ୍ରର ପୁଣେ ସ୍ଥିତ ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆରର ଟର୍ମିନାଲ ୧ରେ ନିଆଁ ଲାଗିବା କାରଣରୁ ୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଅଗ୍ନିକାଣ୍ଡରେ ୫ ଜଣଙ୍କର ମୃତ୍ୟୁ ଘଟିଥିବା ସ୍ପଷ୍ଟ କରିଛନ୍ତି ପୁଣେ ମେୟର ମୁରଲୀଧର ମୋହଲ । ଆମ ଯବାନ ୫ଜଣଙ୍କର ମୃତଦେହ ଠାବ କରିଥିବା ମେୟର କହିଛନ୍ତି । ଅନ୍ୟପଟେ କେତେକଙ୍କ ମୃତ୍ୟୁ ଘଟିଥିବା ସ୍ୱୀକାର କରିଛନ୍ତି ସେରମ ସିଇଓ । ଏନେଇ ଟୁଇଟ ଜରିଆରେ ସୂଚନା ଦେଇଛନ୍ତି ସେରମ ସିଇଓ ଅଦର ପୁନାୱାଲା ।
We have just received some distressing updates; upon further investigation we have learnt that there has unfortunately been some loss of life at the incident. We are deeply saddened and offer our deepest condolences to the family members of the departed.
— Adar Poonawalla (@adarpoonawalla) January 21, 2021
ତେବେ ଆଜି ସେରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆରର ଟର୍ମିନାଲ ୧ରେ ନିଆଁ ଲାଗିଥିଲା । ଇନଷ୍ଟିଚ୍ୟୁଟର ନୂଆ ପ୍ଲାଣ୍ଟରେ ଏହି ଅଗ୍ନିକାଣ୍ଡ ହୋଇଥିଲା । କିନ୍ତୁ ଟିକା ଥିବା ପ୍ଲାଣ୍ଟରେ ନିଆଁ ଲାଗିନ ଥିଲା । ଟିକା ରହିଥିବା ପ୍ଲାଣ୍ଟଠାରୁ ଦେଢ କିଲୋମିଟର ଦୂରରେ ଥିବା ପ୍ଲାଣ୍ଟରେ ନିଆଁ ଲାଗିଥିଲା । ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ବିଲ୍ଡିଂର ପଞ୍ଜମ ମହାଲାରୁ ମୃତଦେହ ଉଦ୍ଧାର ହୋଇଛି । ଏନେଇ ଚିଫ ଫାୟାର ଅଫିସରଙ୍କ ପକ୍ଷରୁ ସୂଚନା ମିଳିଛି । କୁହାଯାଇଛି ଯେ, ‘ପଞ୍ଚମ ମହାଲାରେ ନିଆଁ ଲାଗି ବ୍ୟାପିଥିଲା । ବିଲ୍ଡିଂରୁ ୯ ଜଣ ଲୋକଙ୍କୁ ଉଦ୍ଦାର କରାଯାଇଛି ।’