୯ ବର୍ଷ ଓ ୪ ବର୍ଷ ବୟସର ଦୁଇ ଭଉଣୀଙ୍କ ଅଜବ ସଉକ: ପିତାମାତାଙ୍କ କାର୍ ଚୋରି କରି ସହର ଓ ବେଳାଭୂମି ବୁଲିବାକୁ ବାହାରିଥିଲେ, ହେଲେ କିଛି ଦୂର ପରେ…(ଦେଖନ୍ତୁ ଭିଡିଓ)
ନ୍ୟୁୟର୍କ: ଆଜିକାଲିର ଛୋଟ ପିଲାଙ୍କର ସଉକ କିଛି କମ୍ ନୁହେଁ । ୯ ବର୍ଷ ଓ ୪ ବର୍ଷ ବୟସର ଦୁଇଜଣ ଭଉଣୀ ନିଜର ସଉକକୁ ପୂରା କରିବାକୁ ଯାଇ ଏକ ଭୟଙ୍କର କାଣ୍ଡ କରିଛନ୍ତି । ଦୁହେଁ ସେମାନଙ୍କ ଘର ଠାରୁ ପ୍ରାୟ ୧୦ କିମି ପର୍ଯ୍ୟନ୍ତ ଯାତ୍ରା କରି ସାରିଥିଲେ । କାଲିଫର୍ଣ୍ଣିଆରେ ଏଭଳି ଏକ ଘଟଣା ଘଟିଛି ।
Officers got quite a surprise when they responded to an accident this morning & discovered the driver was a 9yo girl. The young girl & her 4yo sister apparently snagged the keys to the family car while their parents were sleeping & set out on their own summer adventure. #wvc pic.twitter.com/evHq3DiBRC
— WVC Police (@WVCPD) June 2, 2021
ଦୁଇ ଭଉଣୀ ସମୁଦ୍ରରେ ଗାଧୋଇବାର ମଜା ନେବା ପାଇଁ ପୂର୍ବରୁ ଯୋଜନା ପ୍ରସ୍ତୁତ କରିଥିଲେ । ସେଥିପାଇଁ ଦୁହେଁ ସକାଳ ୩ଟାରୁ ନିଦରୁ ଉଠିପଡ଼ିଥିଲେ । ତେବେ ଦୁହେଁ ନିଜ ଘରୁ ପିତାମାତାଙ୍କ କାରକୁ ଚୋରି କରି ଆଣିବାରେ ସଫଳ ହୋଇଥିଲେ । ମାତ୍ର ସଡ଼କର ଜନଗହଳିକୁ ସେମାନେ ପାର କରି ନଥିଲେ । ୧୦ କିମି ଅତିକ୍ରମ କରିବା ପରେ ସେମାନେ ଏକ ଟ୍ରକକୁ ଧକ୍କା ଦେଇଥିଲେ । ଭାଗ୍ୟବଶତଃ ଏହି ଦୁଘଟଣାରେ କାହାର କିଛି କ୍ଷତି ହୋଇନଥିବା ଜଣାପଡ଼ିଛି । କାରରେ ଯାତ୍ରା କରିବା ସମୟରେ ଦୁଇ ଭଉଣୀ ସିଟ୍ ବେଲଟ୍ ପିନ୍ଧିଥିଲେ । ତେବେ କାରଟିକୁ ଜଣେ ବ୍ୟକ୍ତି ଅନୁସରଣ କରିବା ପରେ ଦୁଇଭଉଣୀ ଗାଡ଼ି ଚଳାଉଥିବା ଜାଣିପାରିଥିଲେ । ଗତବର୍ଷ ମଧ୍ୟ ଜଣେ ୫ ବର୍ଷର ବାଳକ ତାଙ୍କ ପିତାମାତାଙ୍କ କାର ଚୋରି କରି ୩ କିଲୋମିଟର ପର୍ଯ୍ୟନ୍ତ ଯାତ୍ରା କରିଥିବା ଜଣାପଡ଼ିଥିଲା ।
