ତାଲିବାନ୍ କବଜାରେ ରାଷ୍ଟ୍ରପତି ଭବନ
ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନୀଙ୍କ ଆତଙ୍କ ଜାରି ରହିଛି । ଏହାରି ମଧ୍ୟରେ ଆଫଗାନିସ୍ତାନ ରାଷ୍ଟ୍ରପତି ଭବନ ଦଖଲ କରିଛନ୍ତି ତାଲିବାନ । ରାଷ୍ଟ୍ରପତି ଭବନ ଦଖଲ ନେଇ ତାଲିବାନ କମାଣ୍ଡର ଦାବି କରିଛନ୍ତି । ଦେଶ ଛାଡି ନଯିବାକୁ ଲୋକଙ୍କୁ ଅପିଲ କରିଛି ତାଲିବାନ୍ । ବିନା ରକ୍ତପାତରେ ୨୦ ବର୍ଷ ପରେ କାବୁଲ ଦଖଲ କରି ତାଲିବାନ୍ । ଏଭଳି ପରିସ୍ଥିତିରେ ରାଷ୍ଟ୍ରପତି ଅସରଫ ଘନି ଦେଶ ଛାଡି ତାଜିକିସ୍ତାନ ପଳାଇଥିବା ଜଣାପଡିଛି । ରାଷ୍ଟ୍ରପତି ଦେଶ ଛାଡ଼ି ଚାଲିଯାଇଥିବା ଅନ୍ତର୍ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି।
ଏହା ବ୍ୟତୀତ କାବୁଲ ବିମାନବନ୍ଦରକୁ ଘେରି ରହିଛନ୍ତି ଆମେରିକା ସେନା । ପାଶ୍ଚାତ୍ୟ ଦେଶର ଦୂତାବାସ ଖାଲି ପ୍ରକ୍ରିୟା ଜାରି ରହିଛି । ଅନ୍ୟପକ୍ଷରେ ନିଜ ନାଗରିକ ଓ ଅଧିକାରୀଙ୍କୁ ସ୍ବଦେଶ ଫେରାଇ ଆଣିବାକୁ ଭାରତ ଉଦ୍ୟମ ଚଳାଇଛି। ୧୨୯ ଜଣ ଭାରତୀୟ ନାଗରିକଙ୍କୁ ନେଇ କାବୁଲ ବିମାନବନ୍ଦରରୁ ଏୟାର ଇଣ୍ଡିଆ ବିମାନରେ ଭାରତ ଫେରିଥିବା ସୂଚନା ମିଳିଛି।