୧୩ ଶ୍ରମିକଙ୍କ ଜୀବନ ଚାଲିଗଲା, ଏକାଠି କାମ କରୁଥିଲେ
ଓଡ଼ିଶା ଭାସ୍କର ବ୍ୟୁରୋ: ଏକାଠି କାମ କରୁଥିଲେ ଆଉ ଏକାଠି ଆଖି ବୁଜିଦେଲେ । ଏଭଳି କରୁଣ ଘଟଣା ଘଟିଛି ମହାରାଷ୍ଟ୍ରରେ । ମୁମ୍ବାଇର ବୁଲଢାଣା ଜିଲ୍ଲାରେ ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହେବା ଫଳରେ ୧୩ ଶ୍ରମିକଙ୍କ ମୃତ୍ୟୁ ଘଟିଛି ଏବଂ ୩ଜଣ ଗୁରୁତର ଆହତ ହୋଇଛନ୍ତି ।
ସୂଚନା ଅନୁସାରେ ଟ୍ରକ୍ରେ ଲୁହା ରଡ୍ ବୋଝେଇ ହୋଇଥିଲା । ସିନ୍ଦଖରେଜା ତହସିଲ ନିକଟ ସମୃଦ୍ଧି ଅଞ୍ଚଳରେ ଟ୍ରକ୍ ଓଲଟି ପଡ଼ିବାରୁ ଘଟଣାସ୍ଥଳରେ ହିଁ ୮ ଜଣ ଶ୍ରମିକ ପ୍ରାଣ ହରାଇଥିଲେ । ଅନ୍ୟମାନଙ୍କୁ ମେଡିକାଲ ନେବା ଅବସ୍ଥାରେ ଓ ଆଉ କେତେକ ଶ୍ରମିକ ମେଡିକାଲରେ ଆଖି ବୁଜି ଦେଇଥିଲେ । ତେବେ ସମସ୍ତ ମୃତାହତ ବିହାରର ବୋଲି ସୂଚନା ମିଳିଛି । ବର୍ଷା କାରଣରୁ ରାସ୍ତାର ଅବସ୍ଥା ଶୋଚନୀୟ ହୋଇଥିବାବେଳେ ଟ୍ରକ୍ ଦୁର୍ଘଟଣା ଗ୍ରସ୍ତ ହୋଇଥିବା ପୋଲିସ୍ ସୂଚନାରୁ ଜଣାପଡ଼ିଛି ।
