TMCରେ ଯୋଗଦେଲେ ଟେନିସ କିମ୍ବଦନ୍ତୀ ଲିଆଣ୍ଡର ପେସ୍

ନୂଆଦିଲ୍ଲୀ: ଟେନିସ କିମ୍ବଦନ୍ତୀ ଲିଆଣ୍ଡର ପେସ୍ ଟିଏମସିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପସ୍ଥିତିରେ ସେ ଟିଏମସିରେ ଯୋଗଦେଇଥିବା ବେଳେ ଦିଦି ଲିଆଣ୍ଡରଙ୍କୁ ଛୋଟ ଭାଇ ବୋଲି ସମ୍ବୋଧନ କରିଛନ୍ତି । ଏହି ଅବସରରେ ମମତା କହିଛନ୍ତି ଯେ, ସେ ଯେତେବେଳେ ସେ ୟୁଥ ମିନିଷ୍ଟର ଥିଲେ, ସେତେବେଳେ ଲିଆଣ୍ଡର ଯୁବକ ଥିଲେ । ଲିଆଣ୍ଡର ଟିଏମରେ ମିଶିଥିବାରୁ ସେ ବହୁତ ଖୁସି ଅନୁଭବ କରୁଛନ୍ତି ବୋଲି  ମମତା କହିଛନ୍ତି । ସେହିପରି ଲିଆଣ୍ଡର କହିଛନ୍ତି ଯେ, ସେ ଯେତେବେଳେ ସେ ୧୪ ବର୍ଷର ହୋଇଥିଲେ ସେ ସମୟରେ ମମତା ସ୍ପୋର୍ଟ୍ସ ମିନିଷ୍ଟର ଥିଲେ । ଟେନିସରୁ ସେ ସନ୍ୟାସ ନେଇ ସାରିଥିବା ବେଳେ ମମତାଙ୍କ ମାର୍ଗଦର୍ଶନରେ ସେ ଟିଏମସିରେ ସାମିଲ ହୋଇଥିବା ଲିଆଣ୍ଡର କହିଛନ୍ତି ।

ସୂଚନାଯୋଗ୍ୟ ଯେ, ଆସନ୍ତା ବର୍ଷ ବିଧାନସଭା ନିର୍ବାଚନ ଥିବାରୁ ବର୍ତ୍ତମାନ ଦିଦି ୩ ଦିନ ପାଇଁ ଗୋଆ ଗସ୍ତରେ ଅଛନ୍ତି । କିଛିଦିନ ପୂର୍ବରୁ ଅଭିନେତ୍ରୀ ତଥା ପୂର୍ବତନ କଂଗ୍ରେସ ନେତ୍ରୀ ନଫିସା ଅଲ୍ଲୀ ଟିଏମରେ ମଧ୍ୟ ସାମିଲ ହୋଇଥିଲେ । ୨୦୦୯ରେ ନଫିସା ଅଲ୍ଲୀ କଂଗ୍ରେସରେ ସାମିଲ ହୋଇଥିଲେ ।