୧୨ କୋଟି ଲୋକ ପୁଣି ହେବେ ମାଲାମାଲ୍; ଖାତାକୁ ଆସିବ ଏତିକି ହଜାର ଟଙ୍କା, ଜାଣନ୍ତୁ ସମ୍ପୂର୍ଣ୍ଣ ସୂଚନା
ନୂଆଦିଲ୍ଲୀ: ପିଏମ କିଷାନ ନିଧି ସହ ଜଡ଼ିତ ହିତାଧିକାରୀଙ୍କ ପାଇଁ ଆସିଛି ଖୁସି ଖବର । ସରକାର ବର୍ତ୍ତମାନ ସୁଦ୍ଧା ୧୧.୩୭ କୋଟି ଚାଷୀଙ୍କ ଆକାଉଣ୍ଟକୁ ୧.୫୮ ଲକ୍ଷ କୋଟି ଟଙ୍କା ପଠାଇ ସାରିଛନ୍ତି । ଏବେ କେନ୍ଦ୍ର ସରକାର ୧୫ ଡିସେମ୍ବର ୨୦୨୧ ସୁଦ୍ଧା ପ୍ରଧାନମନ୍ତ୍ରୀ କିଷାନ ସମ୍ମିନ ନିଧି ଯୋଜନାର ଆଗାମୀ ଅର୍ଥାତ୍ ୧୦ମ କିସ୍ତି ଜାରି କରିବାର ଯୋଜନା କରୁଛନ୍ତି । ଖବର ମୁତାବକ, ସରକାର ଗତବର୍ଷ ୨୫ ଡିସେମ୍ବର ୨୦୨୦ରେ ଚାଷୀଙ୍କୁ ଟଙ୍କା ଟ୍ରାନ୍ସଫର କରିଥିଲେ ।
ତେବେ କେନ୍ଦ୍ର ସରକାର ଚାଷୀଙ୍କୁ ଏହି ଯୋଜନା ଅଧିନରେ ୯ମ କିସ୍ତି ପଠାଇ ସାରିଛନ୍ତି । ବର୍ଷକୁ ୨୦୦୦ ଟଙ୍କାର ୩ଟି କିସ୍ତି ଅର୍ଥାତ୍ ୬୦୦୦ ଟଙ୍କା ଚାଷୀଙ୍କ ଆକାଉଣ୍ଟକୁ ସିଧାସଳଖ ପଠାଯାଉଛି । ଏହି ଯୋଜନାର ମୂଳ ଲକ୍ଷ୍ୟ ହେଉଛି- ଚାଷୀଙ୍କ ଆମଦାନୀ ବୃଦ୍ଧି କରିବା ଓ ସେମାନଙ୍କୁ ଆର୍ଥିକ ସହାୟତା ଯୋଗାଇବା । ଏହି ଯୋଜନାର ଲିଷ୍ଟରେ ଆପଣ ନିଜ ନାଁ ଚେକ୍ କରିବାକୁ ଚାହୁଁଛନ୍ତି କି ? ତେବେ ଏପରି କରନ୍ତୁ…
-ପ୍ରଥମେ http://Pmkisan.Gov.Inୱେବସାଇଟକୁ ଓପନ୍ କରନ୍ତୁ ।
-କିଷାନ ୱେସାଇଟରେ ‘Farmers Corner’ ର ଅପସନ୍ ଉପରେ କ୍ଲିକ୍ କରନ୍ତୁ ।
-ଏହି ସେକ୍ସନକୁ ଯାଇ ଆପଣ Beneficiary Status ଉପରେ କ୍ଲିକ୍ କରନ୍ତୁ ।
-ସେଥିରେ ଚାଷୀମାନେ ନିଜର ଠିକଣା ଯେପରିକି-ରାଜ୍ୟ, ଜିଲ୍ଲା, ବ୍ଲକ ଓ ଗାଁର ନାଁ ଲେଖି ପୂରଣ କରନ୍ତୁ ।
-ଏହା ପରେ ଚାଷୀ ‘Get Report’ ର ଅପସନ୍ ଉପରେ କ୍ଲିକ୍ କରିବା ମାତ୍ରେ ସମସ୍ତ ଲିଷ୍ଟ ସାମ୍ନାକୁ ଆସିଯିବ । ଏଥିରେ କିଷାନ ଲିଷ୍ଟକୁ ଯାଇ ଆପଣ କିସ୍ତିର ଷ୍ଟାଟସ୍ ଦେଖିପାରିବେ ।
ଫୋନ କରି ମଧ୍ୟ ଜାଣିପାରିବେ ;
-ପିଏମ କିଷାନ ସମ୍ମାନ ନିଧି ଯୋଜନାର ଲ୍ୟାଣ୍ଡଲାଇନ୍ ନମ୍ବର; ୦୧୧-୨୩୩୮୧୦୯୨,୨୩୩୮୨୪୦୧
-ପିଏମ କିଷାନ ସମ୍ମାନ ନିଧି ଯୋଜନାର ଟୋଲ ଫ୍ରି ନମ୍ବର- ୧୮୦୦୧୧୫୫୨୬୬
– ପିଏମ କିଷାନ ସମ୍ମାନ ନିଧି ଯୋଜନାର ହେଲ୍ପଲାଇନ୍ ନମ୍ବର- ୧୫୫୨୬୧, ୦୧୨୦-୬୦୨୫୧୦୯
