SC / ST ଉପରେ ଅତ୍ୟାଚାର ବିରୋଧରେ ଜାତୀୟ ହେଲ୍ପଲାଇନ୍ ଆରମ୍ଭ କରିବେ ସରକାର

ନୂଆଦିଲ୍ଲୀ: ଭେଦଭାବ ଦୂର କରି ଅନୁସୂଚିତ ଜାତି(SC) ଓ ଅନୁସୂଚିତ ଜନଜାତି (ST) ମାନଙ୍କୁ ସୁରକ୍ଷା ଯୋଗାଇବା ଉଦ୍ଦେଶ୍ୟରେ ଓ ଆଇନ ବ୍ୟବସ୍ଥା ବିଷୟରେ ସଚେତନତା ସୃଷ୍ଟି କରିବାକୁ ସୋମବାର ଏକ ଜାତୀୟ ହେଲ୍ପଲାଇନ ଆରମ୍ଭ କରିବେ ସରକାର । ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି (ଅତ୍ୟାଚାର ନିବାରଣ) ଅଧିନିୟମ ୧୯୮୯ର ସଠିକ୍ କାର୍ଯ୍ୟକାରିତାକୁ ସୁନିଶ୍ଚିତ କରିବା ଉଦ୍ଦେଶ୍ୟରେ ଏହି ହେଲ୍ପଲାନ୍ର ଶୁଭାରମ୍ଭ ହେବ । ଏହା ଅନ୍ୟାନ୍ୟ ଆଇନ ସହିତ SC / ST ସଦସ୍ୟଙ୍କ ଉପରେ ହେଉଥିବା ଅତ୍ୟାଚାରକୁ ବନ୍ଦ କରିବ ।

ମନ୍ତ୍ରଣାଳୟ କହିଛି ଯେ, ଏନଏଚଏଏ ହେଲ୍ପଲାଇନରେ ସାରା ଦେଶରେ ଟୋଲ୍ ଫ୍ରି ନମ୍ବର ୧୪୫୬୬ ରେ ୨୪ ଘଣ୍ଟା ଉପଲବ୍ଧ ରହିବ । ସମଗ୍ର ଦେଶରେ ଯେକୌଣସି ଟେଲିକମ୍ ଅପରେଟରଙ୍କ ମୋବାଇଲ୍ କିମ୍ବା ଲ୍ୟାଣ୍ଡଲାଇନ୍ ନମ୍ବରରୁ ଭଏସ୍ କଲ୍ / ଭିଓଆଇବି କରି ଏହା ଆକ୍ସେସ୍ କରାଯାଇପାରିବ ।

ଏହି ସେବା ହିନ୍ଦୀ, ଇଂରାଜୀରେ ରାଜ୍ୟ / ସଂଘର ଆଞ୍ଚଳିକ ଭାଷାରେ ଉପଲବ୍ଧ ହେବ । ଏହାର ମୋବାଇଲ୍ ଆପ୍ଲିକେସନ୍ ମଧ୍ୟ ଉପଲବ୍ଧ ହେବ । ତେବେ ପ୍ରତ୍ୟେକ ଅଭିଯୋଗ ଏକ ଏଫଆଇଆର ଭାବରେ ପଞ୍ଜୀକୃତ ହୋଇଛି କି ନାହିଁ ରିଲିଫ୍ ମଞ୍ଜୁର ହୋଇଛି, ସମସ୍ତ ପଞ୍ଜୀକୃତ ଅଭିଯୋଗର ଯାଞ୍ଚ କରାଯାଇଛି, ଦାଖଲ ହୋଇଥିବା ସମସ୍ତ ଚାର୍ଜସିଟ୍ ଅଧିନିୟମରେ ଦିଆଯାଇଥିବା ସମୟ ସୀମା ମଧ୍ୟରେ ସମସ୍ତ କୋର୍ଟରେ ମକଦ୍ଦମା ଦାୟର ହୋଇଛି କି ନାହିଁ, ତାହା ସିଷ୍ଟମ ନିଶ୍ଚିତ କରିବ । ଯେକୌଣସି ପ୍ରଶ୍ନର ଉତ୍ତର ଆଇଭିଆର କିମ୍ବା ଅପରେଟରମାନେ ହିନ୍ଦୀ, ଇଂରାଜୀ ଆଞ୍ଚଳିକ ଭାଷାରେ ଉତ୍ତର ଦେବେ ବୋଲି ମନ୍ତ୍ରଣାଳୟ କହିଛି ।