(Video) ନିୟନ୍ତ୍ରଣ ହରାଇ ବାଇକକୁ ଜୋରଦାର୍ ଧକ୍କା ଦେଲା କାର୍, ହେଲେ ବି ଡେଇଁପଡ଼ି ଠିଆହୋଇଗଲା ଡ୍ରାଇଭର
ନୂଆଦିଲ୍ଲୀ: ୟୁପୀର ସମ୍ଭଲରେ ଘଟିଯାଇଥିବା ଏକ ଆଶ୍ଚର୍ଯ୍ୟଜନକ ଦୁର୍ଘଟଣାର ଭିଡିଓ ସିସିଟିଭିରେ କଏଦ୍ ହୋଇଛି । ଏକ ଅନିୟନ୍ତ୍ରିତ କାର ଆଗରୁ ଆସୁଥିବା ବାଇକକୁ ଜୋରଦାର ଧକ୍କା ଦେଇଥିଲା । ଧକ୍କା ଏତେ ଭୟଙ୍କର ଥିଲା ଯେ, ବାଇକଟି ଚୂରମାର ହୋଇଗଲା । ଏପରି ଲାଗିଲା, ଯେପରି ବାଇକ ଚାଳକ କାର୍ ତଳେ ଆସି ଦୁର୍ଘଟଣାର ଶିକାର ହୋଇଥିଲେ । କିନ୍ତୁ ସେ ଅଚାନକ୍ ଉଠିପଡ଼ି ଠିଆ ହୋଇପଡ଼ିଥିଲେ ।
ତହସିଲ ଚନ୍ଦୌସୀର ବାନିୟଥର ଗାଁର ବାସିନ୍ଦା ସୋନୁ ଶୁକ୍ରବାର ଦିନ ପ୍ରାୟ ୯.୨୦ ସମୟରେ ବାଇକରେ ଚନ୍ଦୌସୀରେ ଥିବା ସମ୍ପର୍କୀୟଙ୍କ ଘରକୁ ଆସୁଥିଲେ । ସହରର ଏଫଆର ରୋଡରେ ପହଞ୍ଚିଥିବା ବେଳେ ସାମ୍ନାରୁ ଆସୁଥିବା ଏକ ଦ୍ରୁତଗାମୀ କାର ତାଙ୍କୁ ଧକ୍କା ଦେଇଥିଲା ।
ଜୋରରେ ଧକ୍କା ହେବା ଫଳରେ ବାଇକଟି ଚୂନା ହୋଇଯାଇଥିଲା । କାରଟି ଯୁବକଙ୍କୁ ବାଇକ୍ ସହିତ ଟାଣି ନେଇଥିଲା । ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ ଚାରିପାଖରେ ଉପସ୍ଥିତ ଲୋକେ ମଧ୍ୟ ଚିତ୍କାର କରିବାକୁ ଲାଗିଥିଲେ । ଲୋକମାନେ ଦୌଡ଼ିଯାଇ ଘଟଣାସ୍ଥଳରେ ପହଞ୍ଚିଥିଲେ । ଏହି ସମୟରେ ବାଇକ୍ ଚଳାଉଥିବା ଯୁବକମାନେ ହଠାତ୍ ଡେଇଁପଡି ଠିଆ ହୋଇଥିଲେ । ତାଙ୍କୁ ଛୋଟ ଆଘାତ ଲାଗିଥିବା ସୂଚନା ମିଳିଛି ।
ପୁରା ଘଟଣା ସିସିଟିଭିରେ କଏଦ ହୋଇଥିଲା । କିଛି ସମୟ ମଧ୍ୟରେ ସିସିଟିଭି ଫୁଟେଜ ଭାଇରାଲ ହେବାରେ ଲାଗିଲା । ଭିଡିଓକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି । କାରଟି ବାଇକକୁ ଧକ୍କା ଦେବା ମାତ୍ରେ ଚାଳକ ବୋନେଟ ଉପରକୁ ଚାଲିଯାଇଥିଲେ । କିନ୍ତୁ ଦୁର୍ଘଟଣା ପରେ ବି କାରଟି ଅଟକି ନଥିଲା । ଫିଲ୍ମ ଦୃଶ୍ୟ ପରି ଦେଖାଯାଉଥିବା ଏହି ଭିଡିଓ ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି ।
#UP के चंन्दौसी में शुक्रवार को हैरतअंगेज हादसे का वीडियो सीसीटीवी में कैद हो गया। एक बेकाबू कार ने बाइक को जोरदार टक्कर मार दी। भीषण टक्कर में बाइक के परखचे उड़ गए। लगा कि बाइक सवार हादसे का शिकार हो गया। लेकिन अचानक ही वह फुर्ती के साथ उछलकर खड़ा हो गया।#upnews pic.twitter.com/bf7pFkJJij
— Hindustan UP-Bihar (@HindustanUPBH) November 11, 2022