କେବଳ ବ୍ରେକଅପ୍ କାରଣରୁ ପୁରୁଷ ବିରୋଧରେ ହୋଇପାରିବନାହିଁ ରେପ୍ କେସ୍ : ସୁପ୍ରିମକୋର୍ଟ
ନୂଆଦିଲ୍ଲୀ: ସୁପ୍ରିମକୋର୍ଟ ଜଣେ ଯୁବକଙ୍କୁ ଆରାମ ଦେଇ କହିଛନ୍ତି ଯେ, ବିବାହର ବାହାନା କରି ବଳାତ୍କାର ଅଭିଯୋଗରେ ଅପରାଧିକ ମାମଲା ରୁଜୁ ହୋଇପାରିବ ନାହିଁ, ଯଦି ଉଭୟଙ୍କ ମଧ୍ୟରେ ସମ୍ମତିରେ ସମ୍ବନ୍ଧ ହୋଇଥିବ ଓ କେବଳ ବ୍ରେକଅପ୍ ହୋଇଥିବ । ଅଦାଲତ କହିଛନ୍ତି ଯେ, ଯଦି ଏକ ଦମ୍ପତିଙ୍କ ମଧ୍ୟରେ ଏକ ସହମତି ଭିତ୍ତିକ ସମ୍ପର୍କ ଗଠନ ହୁଏ ଏବଂ ସେମାନଙ୍କ ସମ୍ପର୍କ ବିବାହ ପର୍ଯ୍ୟନ୍ତ ନପହଞ୍ଚେ, ତେବେ ଏପରି ମାମଲାରେ ଅପରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ନାହିଁ ।
୨୦୧୯ ରେ ଜଣେ ମହିଳା ଯୁବକଙ୍କ ବିରୋଧରେ ବଳାତ୍କାର ମାମଲା ଦାୟର କରିବା ପରେ ଏହି ମାମଲା ସାମ୍ନାକୁ ଆସିଥିଲା । ଏହା ପରେ ଯୁବକ ସୁପ୍ରିମକୋର୍ଟଙ୍କଠାରୁ ରିଲିଫ୍ ମାଗିଥିଲେ । ଜଷ୍ଟିସ ବିଭି ନାଗରତ୍ନ ଏବଂ ଜଷ୍ଟିସ ଏନ କୋଟେଶ୍ୱର ସିଂଙ୍କ ବେଞ୍ଚ ଦ୍ୱାରା ଏହି ମାମଲାର ଶୁଣାଣି ହୋଇଥିଲା । କୋର୍ଟ କହିଛନ୍ତି ଯେ, ଯେତେବେଳେ ସମ୍ପର୍କ ବିବାହରେ ପହଞ୍ଚେ ନାହିଁ ଏବଂ କେବଳ ସହମତିରେ ସମ୍ବନ୍ଧ ହୁଏ, ସେତେବେଳେ ଏହାକୁ ଅପରାଧିକ ମାମଲା ଭାବରେ ବିବେଚନା କରାଯାଇପାରିବ ନାହିଁ ।
