ମକ୍କା ମଦିନା ସ୍ଥିତ ‘କାବା’ରେ ବୁର୍ଖା ପିନ୍ଧି ନାଚିଲେ ମହିଳା, ଭାଇରାଲ ଭିଡିଓ ଦେଖି ରାଗିଲେ ଲୋକେ

ଓଡ଼ିଶା ଭାସ୍କର: ମୁସଲମାନ ଧର୍ମାଲମ୍ବୀଙ୍କ ପାଇଁ ସବୁଠାରୁ ପବିତ୍ର ସ୍ଥାନ ହେଉଛି ସାଉଦି ଆରବ ସ୍ଥିତ ମକ୍କା ମଦିନା । ମୁସଲମାନ ସମ୍ପ୍ରଦାୟର ଲୋକମାନେ ଏହି ସ୍ଥାନର ଅପମାନ ବରଦାସ୍ତ କରିପାରିବେ ନାହିଁ । ଏଠାରେ ଥିବା ପବିତ୍ର ତୀର୍ଥ ସ୍ଥଳୀ କାବାରେ ଜଣେ ମହିଳାଙ୍କ ଡାନ୍ସ ଭିଡିଓ ଭାଇରାଲ ହେଉଛି ଯାହାକୁ ଦେଖି ମୁସଲମାନ ସମ୍ପ୍ରଦାୟର ଲୋକମାନେ ବେଶ ଅସନ୍ତୋଷ ବ୍ୟକ୍ତ କରିବା ସହ କ୍ରୋଧିତ ହୋଇଛନ୍ତି ।

ଭାଇରାଲ ହେଉଥିବା ଏହି ଭିଡିଓରେ ଦର୍ଶାଯାଇଛି ଯେ କାବା ସମ୍ମୁଖରେ ଅନେକ ଲୋକଙ୍କ ଭିଡ଼ ଦେଖିବାକୁ ମିଳିଛି । ଏଥିମଧ୍ୟରେ ଜଣେ ମହିଳା ବୁର୍ଖା ପିନ୍ଧି ରୀଲ୍ସ କରୁଛନ୍ତି । ଏହି ଭିଡିଓ ଯୋଗଁ ମୁସଲମାନ ଧର୍ମାଲମ୍ବୀଙ୍କ ମଧ୍ୟରେ ଉତ୍ତେଜନା ଦେଖାଦେଇଛି । ଏହି ମହିଳାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ହେବା ନେଇ ଅନେକ ଲୋକମାନେ କମେଣ୍ଟ ମାଧ୍ୟମରେ ପ୍ରତିକ୍ରିୟା ପ୍ରକାଶ କରିଛନ୍ତି । @RKSA_en ନାମକ ଜଣେ ୟୁଜର ‘ଏକ୍ସ’ରେ ଏହି ଭାଇରାଲ ଭିଡିଓ ଶେୟାର କରି କ୍ୟାପସନରେ ଲେଖିଛନ୍ତି, ‘ହଜ୍ ୨୦୨୪ ସମୟ ପାଖେଇ ଆସୁଛି । କିଛି ବ୍ୟକ୍ତି କିନ୍ତୁ ଏହି ମାସର ପବିତ୍ରତା ଉଲ୍ଲଂଘନ କରିବା ଆରମ୍ଭ କରିଦେଇଛନ୍ତି । ଏହା ଦ୍ୱାରା ଲକ୍ଷାଧିକ ମୁସଲମାନ ସମ୍ପ୍ରଦାୟର ଲୋକଙ୍କ ଭାବନାକୁ ଆଘାତ ଲାଗିଛି । ବିଶେଷକରି କାବା ସମ୍ମୁଖରେ ଏପରି ଦୃଶ୍ୟ ଦେଖିବାକୁ ମିଳିଛି ।’

With the #Hajj2024 season approaching, some scenes began to violate the sanctity of this month and hurt the feelings of millions of Muslims in these blessed days, especially since these scenes were taken in front of the Holy Kaaba. pic.twitter.com/O3r2f10boH

— Saudi Arabia's Reality (@RKSA_en) June 8, 2024