ଅଧିକ ହିଁ ନୁହଁ ବରଂ କମ୍ ଲୁଣ ଖାଇଲେ ବି ହେବେ ଏହି ସବୁ ରୋଗର ଶିକାର
ନୂଆଦିଲ୍ଲୀ: ଖାଦ୍ୟରେ ଲୁଣ କମ୍ କିମ୍ବା ଅଧିକ ହେଲେ ଖାଦ୍ୟର ସ୍ୱାଦ ସହିତ ସ୍ୱାସ୍ଥ୍ୟ ବି ବିଗିଡ଼ିବାର ସମ୍ଭାବନା ରହିଛି । ଆପଣ ମାନେ ଶୁଣିଥିବେ ଯେ, ଅଧିକ ଲୁଣ ଖାଇଲେ ସ୍ୱାସ୍ଥ୍ୟଗତ ସମସ୍ୟା ଦେଖାଦେବ ହେଲେ କଣ ଆପଣ ଜାଣିଛନ୍ତି କମ୍ ଲୁଣ ଖାଇବା ଦ୍ୱାରା ଅନେକ ରୋଗ ବ୍ୟାପିବାରେ । ତେବେ ଆଜି ଆମେ ଏହି ଖବର ମାଧ୍ୟମରେ ଜାଣିବା କଣ ସେହି ସବୁ ରୋଗ ଯାହା କମ୍ ଲୁଣ ଖାଇଲେ ହୋଇଥାଏ ।
ବାସ୍ତବରେ ଆପଣ ମାନେ ନିହାତି ଜାଣିବା ଆବଶ୍ୟକ ଯେ, ଆୟୋଡିନ୍ ର ମୁଖ୍ୟ ସ୍ରୋତ ହେଉଛି ଲୁଣ । ଯାହା ଶରୀରକୁ ଅନେକ ପ୍ରକାରର ଫାଇଦା ଦେଇଥାଏ । ଆଉ ଆୟୋଡିନ୍ କମ୍ ହେଲେ ଥାଇରଏଡ୍ ଗ୍ରନ୍ଥି ଠିକ୍ ଭାବରେ କାମ କରେ ନାହିଁ । ଏହାର ମାତ୍ରା ଶରୀରରେ କମିଲେ ହାଇପୋଥାୟରାଡିଜ୍ମ ଭଳି ରୋଗ ଦେଖାଦେଇପାରେ । ଖାଲି ସେତିକି ନୁହେଁ କୋଲେଷ୍ଟ୍ରୋଲ୍ କୁ ବି ବଢ଼ାଇଥାଏ ।
ଡାଇବେଟିସ୍:
କମ୍ ଲୁଣ ଖାଇବା ଦ୍ୱାରା, ଆପଣ ପର୍ୟ୍ୟାପ୍ତ ପରିମାଣର ସୋଡିୟମ୍ ଗ୍ରହଣ କରିବାକୁ ସମର୍ଥ ହେବେ ନାହିଁ, ଯେଉଁ କାରଣରୁ ଆପଣ ଟାଇପ୍-୨ ମଧୁମେହର ଶିକାର ହୋଇପାରନ୍ତି । ୨୦୧୦ ମସିହାରେ ହାର୍ଭାର୍ଡ ୟୁନିଭରସିଟିରେ କରାଯାଇଥିବା ଅନୁସନ୍ଧାନ ଅନୁଯାୟୀ, ଲୁଣର ଅଭାବ ସିଧାସଳଖ ଇନସୁଲିନ୍ ସମ୍ବେଦନଶୀଳତା ସହିତ ଜଡିତ ଥିବା କୁହାଯାଇଛି । ଇନସୁଲିନ୍ ସମ୍ବେଦନଶୀଳତାର ଅଭାବ ହେଉଛି ମଧୁମେହର ପୂର୍ବ ପର୍ୟ୍ୟାୟ । ଅନୁସନ୍ଧାନରୁ ଜଣାପଡିଛି ଯେ ଟାଇପ୍ ୧ ଏବଂ ଟାଇପ୍-୨ ମଧୁମେହ ରୋଗୀଙ୍କର କମ୍ ସୋଡିୟମ୍ ଖାଦ୍ୟରେ ମୃତ୍ୟୁ ହେବାର ଆଶଙ୍କା ରହିଥାଏ ।
ନିମ୍ନ ରକ୍ତଚାପ:
ଅଧିକ ଲୁଣ ଖାଇବା ଦ୍ୱାରା ଆପଣଙ୍କର ଉଚ୍ଚ ରକ୍ତଚାପ ସମସ୍ୟା ହୋଇପାରେ, ସେହିପରି ବିନା କୌଣସି କାରଣରେ କମ୍ ଲୁଣ ଖାଇବା ଦ୍ୱାରା ନିମ୍ନ ରକ୍ତଚାପ ବି ହୋଇପାରେ ।
ମସ୍ତିଷ୍କରେ ଫୁଲା, କୋମା ହେବାର ଆଶଙ୍କା:
ରକ୍ତରେ ସୋଡିୟମ୍ ସ୍ତର କମ୍ ହେତୁ ହାଇପୋନେଟ୍ରେମିଆ ଭଳି ସ୍ଥିତି ଦେଖାଦେଇଥାଏ । ଆଉ କମ୍ ଲୁଣ ଖାଇଲେ ଏହା ଆହୁରି ବଢ଼ିବାର ଆଶଙ୍କା ଦେଖାଦିଏ । ଏହାର ଲକ୍ଷଣଗୁଡ଼ିକ ଡିହାଇଡ୍ରେସନ୍ କାରଣରୁ ଦେଖାଯାଉଥିବା ଲକ୍ଷଣ ସହିତ ସମାନ ଜ୍ଝ ଯଦି ସମସ୍ୟା ଗୁରୁତର ହୁଏ, ତେବେ ଜଣେ ବ୍ୟକ୍ତିର ମସ୍ତିଷ୍କ ପ୍ରଦାହ ହୋଇପାରେ, ମୁଣ୍ଡବିନ୍ଧା, କୋମା ଏବଂ ମୃତ୍ୟୁ ମଧ୍ୟ ହୋଇପାରେ ଜ୍ଝ
