ଅମୀଷା ପଟେଲ ରାଞ୍ଚି କୋର୍ଟରେ କଲେ ସରେଣ୍ଡର, ମୁହଁ ଲୁଚାଇ ହେଲେ ହାଜର, ଜାଣନ୍ତୁ ପୂରା ମାମଲା
ରାଞ୍ଚି: ବଲିଉଡ ଅଭିନେତ୍ରୀ ଅମୀଷା ପଟେଲଙ୍କ ଅସୁବିଧା ଦିନକୁ ଦିନ ବଢିବାରେ ଲାଗିଛି । ଶନିବାର ଦିନ ଅମୀଷା ପଟେଲ ଏକ ଠକେଇ ମାମଲାରେ ହାଜର ହେବା ପାଇଁ ରାଞ୍ଚି ସିଭିଲ କୋର୍ଟରେ ପହଞ୍ଚିଥିଲେ ଏବଂ ପରେ ଅଭିନେତ୍ରୀ ଆତ୍ମସମର୍ପଣ କରିଥିଲେ।
ଚଳଚ୍ଚିତ୍ର ଅଭିନେତ୍ରୀ ଅମୀଷା ପଟେଲ ଏବଂ ତାଙ୍କ ବ୍ୟବସାୟିକ ସହଯୋଗୀ କୁନାଲ ଗୁମରଙ୍କ ବିରୋଧରେ ଠକେଇ ମାମଲା ରୁଜୁ ହୋଇଥିଲା। ଟଙ୍କା ନେଇ ଏକ ମ୍ୟୁଜିକ୍ ଆଲବମ୍ ତିଆରି କରିନଥିବା ଅଭିଯୋଗ ହୋଇଛି। ଏହା ବ୍ୟତୀତ ତାଙ୍କୁ ପ୍ରତାରଣା ଓ ଡରାଯାଇଥିବା ଅଭିଯୋଗ ହୋଇଛି।
ଏହି ମାମଲାରେ ରାଞ୍ଚି ସିଭିଲ କୋର୍ଟ ଅଭିନେତ୍ରୀଙ୍କୁ କୋର୍ଟରେ ହାଜର ହେବାକୁ କହିଥିଲେ କିନ୍ତୁ ସେ କୋର୍ଟରେ ହାଜର ହୋଇନଥିଲେ। ଏହା ପରେ କୋର୍ଟ ତାଙ୍କ ବିରୋଧରେ ୱାରେଣ୍ଟ ଜାରି କରିଥିଲେ।
କୋର୍ଟରେ ହାଜର ହେବା ପରେ ଅମୀଷା ପଟେଲଙ୍କୁ ଜୁନ୍ ୨୧ ପର୍ଯ୍ୟନ୍ତ ସର୍ତ୍ତମୂଳକ ଜାମିନ ପ୍ରଦାନ କରାଯାଇଛି। ଏହି ମାମଲାର ପରବର୍ତ୍ତୀ ଶୁଣାଣି ଜୁନ୍ ୨୧ ରେ ଅନୁଷ୍ଠିତ ହେବ। ଅମୀଷା ପଟେଲଙ୍କୁ ମଧ୍ୟ ଉପସ୍ଥିତ ରହିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ଏହା ସହିତ ଅମିଶା ପଟେଲ ଫିଲ୍ମ ‘ଡେସ୍ ମ୍ୟାଜିକ୍’ ନିର୍ମାଣ ନାମରେ ଅଜୟ ସିଂଙ୍କ ଠାରୁ ୨.୫ କୋଟି ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ଚୁକ୍ତିନାମା ଅନୁଯାୟୀ, ଯେତେବେଳେ ଫିଲ୍ମ ଜୁନ୍ ୨୦୧୮ ରେ ରିଲିଜ୍ ହୋଇନଥିଲା, ସେତେବେଳେ ଅଜୟ ଟଙ୍କା ମାଗିଥିଲେ।
ଅଭିଯୋଗ ହୋଇଛି ଯେ ଅମୀଷାଙ୍କ ତରଫରୁ ବିଳମ୍ବ ପରେ ଅକ୍ଟୋବର ୨୦୧୮ ରେ ଅଜୟ ସିଂଙ୍କୁ ୨.୫ କୋଟି ଟଙ୍କା ଏବଂ ୫୦ ଲକ୍ଷ ଟଙ୍କା ଦୁଇଟି ଚେକ୍ ଦିଆଯାଇଥିଲା। ଏହା ପରେ ଅଜୟ ସିଂ ଅଭିନେତ୍ରୀଙ୍କ ବିରୋଧରେ ମକଦ୍ଦମା ରୁଜୁ କରିଥିଲେ।
