ଆଜିଠୁ ଶସ୍ତା ହୋଇଗଲା ବିମାନରେ ଯାତ୍ରା କରିବା, ନୂଆ ବର୍ଷରେ ବୁଲିବା ପ୍ଲାନ କରିଥିଲେ ପଡିବନି ପକେଟ ଉପରେ ପ୍ରଭାବ

ନୂଆଦିଲ୍ଲୀ: ବିମାନଯାତ୍ରୀଙ୍କ ପାଇଁ ଖୁସି ଖବର । ନୂଆବର୍ଷ ଅବସରରେ ଯାତ୍ରୀଙ୍କ ପାଇଁ ବିମାନରେ ଟ୍ରାଭେଲ୍ କରିବା ଶସ୍ତା ହୋଇଯାଇଛି । ସରକାରୀ ତୈଳ କମ୍ପାନୀମାନେ ଏୟାରଲାଇନ୍ସ କମ୍ପାନୀଗୁଡ଼ିକୁ ବଡ଼ ଆଶ୍ୱସ୍ତି ପ୍ରଦାନ କରି ବିମାନ ଇନ୍ଧନ ଦର ହ୍ରାସ ପାଇଁ ଘୋଷଣା କରିଛନ୍ତି । ଘରୋଇ ଏୟାରଲାଇନ୍ସ ପାଇଁ ଏୟାର ଟର୍ବାଇନ ଫ୍ଲୁ ଅର୍ଥାତ ଏଟିଏଫ ଦରରେ ପ୍ରତି କିମି ଲିଟର ପିଛା୧୪୦୧ ଟଙ୍କା ହ୍ରାସ କରିଛନ୍ତି । ଏଟିଏଫର ଦର ହ୍ରାସ ପାଇବା ପରେ ଘରୋଇ ବିମାନ ଯାତ୍ରା ଶସ୍ତା ହୋଇପାରେ ।

ସରକାରୀ ତୈଳ କମ୍ପାନୀଗୁଡ଼ିକ ବିମାନ ଇନ୍ଧନ ସରର ସମୀକ୍ଷା କରି ଏଟିଏଫର ମୂଲ୍ୟରେ ହ୍ରାସ କରିବା ଲାଗି ନିଷ୍ପତ୍ତି ନେଇଛନ୍ତି । ୧ ଜାନୁଆରୀ ୨୦୨୫ରୁ ଘରୋଇ ଏୟାରଲାଇନ୍ସ କମ୍ପାନୀଗୁଡ଼ିକ ପାଇଁ ବିମାନ ଇନ୍ଧନ ମୂଲ୍ୟରେ ପାଖାପାଖି ୧.୫୦ ପ୍ରତିଶତ ହ୍ରାସ କରାଯାଇଛି । ରାଜଧାନୀ ଦିଲ୍ଲୀରେ ଏଟିଏଫର ଦର ପ୍ରତି କିମି ପିଛା ୧୪୦୧.୩୭ ଟଙ୍କା ହ୍ରାସ ପରେ ବର୍ତ୍ତମାନ ୯୦୪୫୫.୪୭ ଟଙ୍କା ହୋଇଯାଇଛି, ଯାହା ପୂର୍ବ ମାସରେ ୮୧,୮୫୬.୮୪ ଟଙ୍କା ଥିଲା ।

କୋଲକାତାରେ ଘରୋଇ ଏୟାରଲାଇନ୍ସକୁ ନିଜ ଉଡାଣରେ ଏଟିଏଫ ଭରିବା ଉପରେ ପ୍ରତି କିମି ପିଛା ୯୩,୦୫୯.୭୯ ଟଙ୍କା ପେମଣ୍ଟେ କରିବାକୁ ପଡିବ ଯାହା ପୂର୍ବରୁ ୯୪,୫୫୧ ଟଙ୍କା ଦେବାକୁ ପଡୁଥିଲା । ମୁମ୍ବାଇରେ ନୂଆ ମୂଲ୍ୟ ଏଟିଏଫ ହ୍ରାସ ପାଇ ୮୪,୫୧୧ ଟଙ୍କା ହୋଇଯାଇଛି , ଯାହା ପୂର୍ବରୁ ୮୫,୮୬୧ ଟଙ୍କା ଥିଲା । ଏଥିସହ ଚେନ୍ନାଇରେ ଏହି ମୂଲ୍ୟ ୯୫,୨୩୧ ଟଙ୍କା ଥିଲା, ଯାହା ବର୍ତ୍ତମାନ ୯୩,୬୭୦ ଟଙ୍କା ହୋଇଯାଇଛି ।