ନନ୍-ଷ୍ଟିକ୍ ବାସନର ଅଧିକ ବ୍ୟବହାର କରୁଥିଲେ ସାବଧାନ: ହୋଇପାରେ ଏପରି ମରାତ୍ମକ ଫ୍ଲୁ

ଓଡିଶା ଭାସ୍କର: ଆଜିର ସମୟରେ ପ୍ରତ୍ୟେକ ରୋଷେଇ କାର୍ଯ୍ୟ ପାଇଁ ନନ୍-ଷ୍ଟିକ୍ ବାସନଗୁଡିକର ବ୍ୟବହାର ଯଥେଷ୍ଟ ବୃଦ୍ଧି ପାଇଛି । ଏହି ବାସନଗୁଡିକର ବିଶେଷ ବିଶେଷ କଥା ହେଉଛି କମ୍ ତେଲରେ ଖାଦ୍ୟକୁ ଭଲ ଭାବରେ ରାନ୍ଧିଥାଏ । କିନ୍ତୁ ଏହାର କିଛି ସାଇଡ୍ ଇଫେକ୍ଟ ମଧ୍ୟ ରହିଛି । ରିପୋର୍ଟ ଅନୁଯାୟୀ, ନନ୍-ଷ୍ଟିକ୍ ବାସନ ବ୍ୟବହାରରୁ ଧୂଆଁ ବାହାରୁଥିବାରୁ ଆମେରିକାରେ ୨୫୦ ରୁ ଅଧିକ ଲୋକ ଅସୁସ୍ଥ ହୋଇପଡିଥିଲେ ଏବଂ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା। ଏହି ରୋଗକୁ ଟେଫଲନ୍ ଫ୍ଲୁ କୁହାଯାଏ ା

ଟେଫଲିନ କଣ ?

ଟେଫଲନ୍ ହେଉଛି ଏକ ସିନ୍ଥେଟିକ୍ ରାସାୟନିକ ପଦାର୍ଥ ଯାହା କାର୍ବନ ଏବଂ ଫ୍ଲୋରାଇନ୍ ଧାରଣ କରିଥାଏ ଯାହାକୁ ପଲିଟେଟ୍ରା ଫ୍ଲୋରୋଥାଇଲନ୍ ବୋଲି କୁହାଯାଏ । ନନ୍-ଷ୍ଟିକ୍ ବାସନଗୁଡିକର ଉପରିଭାଗ ଏଥିରୁ ପ୍ରସ୍ତୁତ ହୁଏ । ଏହି କାରଣରୁ ଖାଦ୍ୟ ସବୁ ଏହି ନନ୍- ଷ୍ଟିକ ପାତ୍ରରେ ଜଳି ନଥାଏ ।

ଟେଫଲନ୍ ଫ୍ଲୁ କିପରି ହୁଏ ?

ଟେଫଲନ୍ ଫ୍ଲୁ ପଲିଟେଟ୍ରା ଫ୍ଲୋରୋଏଥାଇଲନ୍ (ପିଟିଏଫ୍ଇ) ରାସାୟନିକ ସ୍ତରରୁ ବାହାରୁଥିବା ଧୂଆଁର ସଂସ୍ପର୍ଶରେ ଆସିବା ଦ୍ୱାରା ହୋଇଥାଏ। ଯେତେବେଳେ ଏହି ବାସନଗୁଡିକ ଉଚ୍ଚ ତାପମାତ୍ରାରେ ଗରମ ହୁଏ, ପିଟିଏଫ୍ଇ ନିର୍ଗତ ଧୂଆଁ ନିଶ୍ୱାସ ପ୍ରଶ୍ୱାସରେ ଶରୀରକୁ ପ୍ରବେଶ କରେ ଏବଂ ଫ୍ଲୁ ପରି ଲକ୍ଷଣ ସୃଷ୍ଟି କରେ ।

ଟେଫଲନ୍ ଫ୍ଲୁ ଲକ୍ଷଣ –

ଜ୍ୱର, କଫ, ଗଳା ଖରାପ, ମୁଣ୍ଡବିନ୍ଧା, ବାନ୍ତି, ମାଂସପେଶୀ ଯନ୍ତ୍ରଣା, ନିଶ୍ୱାସ ପ୍ରଶ୍ୱାସରେ କଷ୍ଟ ଅନୁଭବ ହେବାରେ ଦେଖା ଯାଇଥାଏ । ଯେଉଁମାନେ ନିୟମିତ ଭାବରେ ନନ୍-ଷ୍ଟିକ୍ ବାସନରେ ରାନ୍ଧନ୍ତି । ସେମାନେ ଟେଫଲନ୍ ଫ୍ଲୁ ହେବାର ଆଶଙ୍କା ବହୁତ ଅଧିକ ରହିଥାଏ । ଆଜମା ରୋଗୀଙ୍କୁ ଟେଫଲନ୍ ଫ୍ଲୁ ସେମାନଙ୍କ ପାଇଁ ଅଧିକ ବିପଜ୍ଜନକ ହୋଇପାରେ। ତେଣୁ ଏଥି ବାସନରୁ ଦୂରେଇ ରହିବା ଉଚିତ ।

ଟେଫଲନ୍ ଫ୍ଲୁ ପ୍ରତି ସାବଧାନ ରୁହନ୍ତୁ-

ନନ୍-ଷ୍ଟିକ୍ ବାସନରେ ବ୍ୟବହାର କରିବା ଅପେକ୍ଷା ଷ୍ଟେନଲେସ୍ ଷ୍ଟିଲ୍ ବାସନକୁ ଯଥାସମ୍ଭବ ବ୍ୟବହାର କରନ୍ତୁ । ଗ୍ୟାସ ଉପରେ ନନ୍-ଷ୍ଟିକ୍ ବାସନକୁ ଅଧିକ ସମୟ ଗରମ କରନ୍ତୁ ନାହିଁ । ଯଦି ହାଇ ଫ୍ଲେମ୍ ଦ୍ୱାରା ପାତ୍ର ଜଳିବା ଆରମ୍ଭ କରେ, ତୁରନ୍ତ ନିଆଁକୁ ହ୍ରାସ କରି ଦିଅନ୍ତୁ କିମ୍ବା ପାତ୍ରକୁ ଗ୍ୟାସରୁ ବାହାର କରନ୍ତୁ । ରୋଷେଇ କରିବା ସମୟରେ, ଧୂଆଁରୁ ରକ୍ଷା ପାଇବା ପାଇଁ ରୋଷେଇ ଘରେ ବାୟୁଚଳାଚଳର ସଠିକ ଯତ୍ନ ନିଅନ୍ତୁ ।