ସ୍ୱାସ୍ଥ୍ୟ ପାଇଁ କାଜୁ ଖାଇବା କେତେ ଦରକାର ?
ଆମର ସ୍ୱାସ୍ଥ୍ୟକୁ ସୁସ୍ଥ ଏବଂ ଭଲ ରଖିବା ପାଇଁ ଆମେ ସର୍ବଦା ଚେଷ୍ଟା କରିଥାଉ। ଏଥିପାଇଁ ଡ୍ରାଏ ଫୁଡ୍ ମଧ୍ୟରେ ଆପଣ କାଜୁ ଖାଇପାରିବେ । ଡ୍ରାଏ ଫୁଡରେ କାଜୁ ହେଉଛି ସବୁଠାରୁ ସ୍ୱାଦିଷ୍ଟ ଫଳ, ଯାହାକି ପନିପରିବାକୁ ଗ୍ରେଭି, ବିଭିନ୍ନ ଆଇଟମ କରିବାରେ ବ୍ୟବହୃତ ହୁଏ । କେବଳ ଏତିକି ନୁହେଁ କାଜୁ ବିଶେଷ ଭାବରେ ଆପଣଙ୍କୁ ଶକ୍ତି ଯୋଗାଇବାରେ ସାହାଯ୍ୟ କରିଥାଏ । ପ୍ରୋଟିନ୍ ଏବଂ ଭିଟାମିନ ବି’ ଯୋଗାଇବାରେ ଏହାକୁ ପ୍ରଧାନ ଉତ୍ସ ଭାବେ ବିବେଚନା କରାଯାଏ । ବାସ୍ତବରେ, କାଜୁରେ ପ୍ରଚୁର ଆଣ୍ଟିଅକ୍ସିଡାଣ୍ଟ ଥାଏ ଯାହା ମସ୍ତିଷ୍କ ତଥା ଚର୍ମ ପାଇଁ ଅତ୍ୟନ୍ତ ଲାଭଦାୟକ ଅଟେ । ଏହା ସହିତ କାଜୁ ଖାଇବା ଦ୍ୱାରା ଚର୍ମକୁ ଚମକ ଆସିଥାଏ ଏବଂ ଚାପ ଦୂର ହୋଇଥାଏ । ଏହା ସହିତ କାଜୁ କୋଲେଷ୍ଟ୍ରଲ ହ୍ରାସ କରିବାରେ ମଧ୍ୟ ଲାଭଦାୟକ ହୋଇଥାଏ ।
ଦୃଦରୋଗରୁ ରକ୍ଷା ପାଇବା ପାଇଁ କାଜୁ ଖାଇବା ନିତ୍ୟାନ୍ତ ଜରୁରୀ ଅଟେ। କାରଣ ଏହା ଶରୀରରେ ବ୍ଲଡ୍ପ୍ରେସରକୁ ହ୍ରାସ କରିବାରେ ସହାୟକ ହୋଇଥାଏ। କାଜୁକୁ ଆପଣ ସକାଳ ଜଳଖିଆ ପରେ କିମ୍ୱା ରାତିରେ ଶୋଇବା ପୂର୍ବରୁ ଖାଇପାରିବେ। ଶରୀରରେ ଓଜନକୁ ହ୍ରାସ୍ କରିବା ପାଇଁ କାଜୁ ଲାଭଦାୟକ ହୋଇଥାଏ। କାରଣ ଏଥିରେ ଫାଇବରର ଗୁଣ ରହିଥାଏ। ଫାଇବର ଯୁକ୍ତ ଖାଦ୍ୟ ଖାଇବା ଦ୍ୱାରା ଆପଣଙ୍କୁ ବେଶି ଭୋକ ଲାଗିନଥାଏ । ଏହାଦ୍ୱାରା ଆପଣ କମ୍ ଖାଦ୍ୟ ଖାଇବେ, ଯାହାଫଳରେ ଶରୀରରୁ ଓଜନ ହ୍ରାସ୍ ପାଇବ ।
